東京米芝蓮2018 新上榜餐廳精選
2017-12-12
東京米芝蓮2018於較早前公佈,日本小編之前同大家介紹咗5間評價上升嘅餐廳(👉東京米芝蓮2018 上位餐廳5大推介),今次就講吓新上榜餐廳啦。今年有82間新上榜餐廳,精選咗以下8間介紹返。除咗摘星餐廳,仲有車胎人平民拉麵呀、日式炸豬扒呀咁,梗有一間啱心水嘅~

★★二星新上榜
呢間中菜餐廳致力將中菜同日本菜各自嘅優點融合發揮,店主兼主廚更曾於米芝蓮三星常客「Restaurant龍吟」鑽研廚藝累積經驗,絕對係實力派,對食材品質及配搭都非常講究。另外主廚對中國茶好有研究,菜式都有相應嘅靚茶搭配,成為該店嘅獨特賣點。
基本菜單有20,000円嘅「當季食材廚師發辦套餐 (約15道菜式)」、11月至12月限定嘅「上海蟹套餐 (23,000円)」、星期六限定嘅「午餐套餐 (12,000円)」。


(圖: 茶禅華)

【★
一星新上榜

Restaurant七鳥目

呢間主打雞肉串燒嘅餐廳,2016年開業後迅速成為好評熱店。只用嚴選嘅兵庫縣及千葉縣國產雞,再用最高級嘅備長炭細心炭燒,每一串都燒到恰到好處,而且充滿炭火香。最受歡迎嘅招牌菜係風味濃厚嘅法國半熟鵪鶉蛋串燒,想試嘅話叫個「七鳥目套餐 (5,800円)」就得,套餐仲包括埋其他串燒、燒時蔬同一品料理添。

(圖: 七鳥目)

Restaurant銀座 いしざき


【銀座いしざき】主打和牛料理套餐 (22,000円起),唔止和牛係嚟自日本全國嘅優質貨,菜式用到嘅其他食材都係由主廚親自細心揀選,確保品質。主菜牛扒有分西冷、牛柳等部位,聽完店員介紹後,可以依個人口味隨意組合都得。套餐最後嘅飯有鹹牛肉生蛋撈飯、
牛肉咖哩飯、牛肉時雨粥等俾客人選擇,真係歎靚和牛歎到最後一啖㗎。



Restaurantアジル

呢間法國餐廳係知名米芝蓮二星法國餐廳「RestaurantEsquisse」營運嘅旗下新店。餐廳法文名係泥土、黏土嘅意思,店內裝潢以深木色為主,提供嘅現代法國菜都係以泥土嘅多變為概念,無論賣相同味道都富獨創性。喺呢度點菜基本上都係散叫,店員會親切咁為客人介紹菜式,所以第一次去都唔使擔心。比較特別嘅係呢度每張檯會收3,000円費用,包一杯香檳、開胃前菜及麵包。


(圖: AGILE)

【車胎人美食推介新上榜】

RestaurantHomemade Ramen 麦苗

位於品川區嘅【麦苗】自2016年開業以來門口長期有人龍。招牌拉麵係「山形雞醬油拉麵(780円)」,湯頭用哂成隻雞同魚介系食材熬成,叉燒以低溫真空慢煮,食落嫩滑又保持到肉香。除此之外,仲有鮮蝦雲吞+半熟蛋+叉燒嘅「特製醬油拉麵 (900円)」、用香川縣產小魚乾熬湯嘅拉麵「にぼらあ (780円)」等以供選擇。


Restaurantとんかつ はせ川

炸豬扒嘅主角當然就係塊扒啦~呢度選用嚴選嘅「三元豚」品種豬,就連麵包糠、油、醬汁都係同「三元豚」超夾嘅獨家配方。人氣「極上炸豬扒」面層炸到金黃香脆、香氣四溢,厚切嘅豬肉保留到肉汁唔會韌 (180克:2,400円 / 220克:2,800円),仲可以點少少鹽/柚子醋/炸豬扒醬一齊食,別具風味。另外呢度嘅「特製湯底豚肉Shabu Shabu (1人份3,700円)」都好出名,值得一試。

Restaurantわたべ

鰻魚料理專門店「わたべ」選用愛知縣產鰻魚,以關東風烹調手法先蒸後烤,食落香口嫩滑,鰻魚汁嘅配方更係從開業沿用至今。必試嘅除咗有經典鰻魚丼 (2,100円)、鰻魚盒飯 (上:3,100円、特上:3,900円),仲有第三代店主獨創、揉合日法風格嘅「自家製鵝肝拼蒲燒鰻魚 (2,300円)」。由於鰻魚係即叫即燒製作需時,所以餐廳會提供埋小食以免大家餓親,好貼心呀。

(圖: わたべ)

Restaurant八雲


入選米芝蓮推介前就獲得多個拉麵獎項肯定,係目黑一帶兼具人氣同實力嘅拉麵店。湯頭基本有兩款:鹽系湯頭「白だし」以動物系同魚介系食材熬成,再以白醬油調味;醬油系湯頭「黒だし」就用濃口醬油
調味。招牌拉麵係特製鮮蝦雲吞拉麵 (1,000円)。



其他米芝蓮消息:

東京米芝蓮2018完整名單https://s.openrice.com/UbbcA2m4000

東京米芝蓮2018 上位餐廳5大推介https://s.openrice.com/UbbcA1m4000 

京阪米芝蓮2018 京都新摘星餐廳5大推介https://s.openrice.com/UbbcA0G4000

大阪米芝蓮2018 車胎人平民推介精選:https://s.openrice.com/UbbcAzu0000

京阪米芝蓮2018 大阪新摘星餐廳介紹:https://s.openrice.com/UbbcAzm0000

大阪米芝蓮2018完整名單:https://s.openrice.com/UbbcAzW0000

京都米芝蓮2018完整名單:https://s.openrice.com/UbbcAze0000



關鍵字
東京米芝蓮
2018
二星
一星
車胎人美食推介
新上榜
開飯編輯
熱愛日本流行文化的開飯小編會致力為大家追蹤最新、最豐富的美食資訊!
本月熱門
【隨時更新】日本小編開箱!必試便利店新品速報
7天前
【2017回顧】東京熱門新餐廳大盤點
2018-01-04
東京・京阪必睇超靚聖誕燈飾+周邊美食推介✨
2017-12-20