東京地標:迪士尼海洋餐廳推介
2019-08-27
迪士尼海洋樂園除咗有刺激嘅機動遊戲、必到打卡位,其實仲有好多美食佳餚。以下介紹番兩間園內餐廳,食午餐晚餐又得,玩到攰去飲杯嘢休息吓又得,得咗


Restaurant櫻花餐廳

呢間餐廳係迪士尼海洋樂園內為數不多嘅日本菜餐廳之一。位於美國海濱園區內,雖然係日本菜餐廳,但裝修係美國海濱嘅風格。餐廳仲有虛構嘅故事背景,設定為日本移民到美國開設嘅日本餐廳。店內環境寬敞,兩三個朋友定一家大細都適合。

套餐主要係天婦羅和炸豬排等炸物為主,亦有烏冬、是日精選海鮮等相對健康嘅選擇,另外仲有兒童餐添。


營業時間為上午10點30分至晚上9點。菜式定價從1000円起。想節省排隊時間可以先在日本迪士尼官網訂位。







View this post on Instagram

A post shared by Tetsuya Chihara (@thechihara) on



Restaurant Oceano

「東京迪士尼海洋觀海景大飯店」係一間大型主題樂園綜合酒店,係迪士尼海洋最具標誌性嘅地標之一。酒店擁有502間意大利經典風格嘅客房,設有三間餐廳,其中有呢間地中海菜餐廳。主打以海鮮為主嘅地中海美食,亦有各種西式和日式菜餚,晚市仲有自助餐添。裝潢充滿地中海風情,仲可以一覽園內「地中海港灣」嘅景色,深受遊客歡迎。 






View this post on Instagram

A post shared by 茜 (@aaaakaaaaneee) on


自助餐有前菜、主菜、甜品及飲品等,當中以海鮮最受歡迎,唔食得海鮮嘅話都唔使擔心,因為仲有好多肉類菜式同時令蔬菜以供選擇。喺露台座位仲可以觀賞到樂園嘅表演節目添。唔需要同人迫,仲可以慢慢享用美食睇表演,絕對係園內睇show嘅最佳地點之一。






View this post on Instagram

A post shared by mina☆☆☆ (@kota__1119) on


早餐時間為早上6:30至晚上10點,午餐時間為上午11:30至下午2:30,晚餐時間為下午5點至晚上10點。強烈建議大家預先訂位,以確保坐到窗邊位。

自助早餐為3000円起,自助午餐為4200円起,自助晚餐為5800円起。

想爭取每分每秒玩盡樂園嘅話,亦可以買定小食喺排遊樂設施嘅時候食。園內有好多小食車,唔同小食車賣嘅嘢都各有不同架。






View this post on Instagram

A post shared by Sabrina (@spabrina_y) on


除咗必食嘅各式口味Churro,「發現港」園區附近嘅蝦肉包都好受遊客歡迎。另外講到迪士尼小食,當然唔少得爆谷。有咖哩、朱古力、士多啤梨及其他季節限定口味,重點係個爆谷桶,有唔同人物造型之餘,個個仲鬼咁cute,食完當紀念品都得。







View this post on Instagram

A post shared by リカコ🚀 (@sakuranbo_rm) on

開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
本月熱門
去東京先嚟落雨... 咁就啱晒去惠比壽橫丁啦!
2019-08-22
京都地標:平安神宮及周邊餐廳推介
2019-08-29
東京地標:迪士尼海洋餐廳推介
2019-08-27