東京下町半日遊🏃谷根千美食&根津神社
2018-11-27

鄰近東京上野有個受本地人歡迎嘅商業區「谷根千」,包括谷中、根津、千駄木三個區,有傳統嘅當地購物街、神社等,充滿當地生活氣息。就等小編介紹吓「谷根千」半日遊嘅推薦景點及必試美食。嚟緊去東京玩又未plan行程嘅話不妨bookmark定~



根津神社

歷史悠久嘅根津神社據講於1900年前建造。神社亦是杜鵑花嘅賞花勝地,被指定為日本重要的文化遺產。建議一定要喺神社嘅千本鳥居打卡,當地人話鳥居可驅除邪氣,喺晴朗嘅藍天背景下更襯托出朱紅色鳥居嘅氣勢。

交通: 乘千代田線至根津站/千駄木站下車 或 乘南北線至東大前站步行5分鐘


參觀時間: 6時~17時 / 6-8月: 5時~18時


去完根津神社之後醫肚推介

Restaurantカヤバ珈琲

創業80年,改裝自大正時代嘅町家建築物,整體風格亦夠哂懷舊,係谷根千地區最具代表性嘅古民宅Cafe。



最具人氣嘅招牌餐點係雞蛋三文治(連稅
500円)。望落雖然簡簡單單,但食落厚燒雞蛋入口即化好綿滑,配埋鬆軟麵包及蛋黃醬,真係令人一啖接一啖停唔到口。


套餐可自由選擇心水麵包及飲品,早晨時段(
早上8時至11時)仲減100円添~😉

除咗麵包,呢度嘅飲品都相當不錯,咖啡豆採用Restaurantフグレン嘅出品,由開業起就成為名物嘅「ルシアン(連稅500円)」,以一半咖啡一半朱古力沖製而成。仲有使用自家製糖漿製成嘅薑汁汽水「谷中ジンジャー(連稅500円)」,全部都令人想一試再試。


雖然餐廳地下嘅裝修風格幾有意思,但小編都係比較推薦更為特別嘅二樓座敷座位。無論係三五知己一齊嚟或一人遊都可以慢慢hea,享受悠閒時光。
(圖: 官方twitter)


Restaurant根津 釜竹


呢間烏冬店本店來自大阪。於1910年由建築家隈健吾先生將當時已有嘅一個石蔵再設計、遷移、改裝而成。餐廳提供嘅烏冬只有釜揚烏冬及烏冬涼麵2種。

其中釜揚烏冬(連稅850円)嘅上菜方式都頗為特別,客人點餐後,首先會送上烏冬嘅toppings蔥、炸麵粉粒、薑蓉、七味唐辛子。

新鮮滾熱辣煮起嘅烏冬,只需要蘸點日式醬油就食得,之後建議可以順序落蔥、炸麵粉粒、七味唐辛子、薑。風味及口感隨著toppings變化而有所不同,值得細細品嚐。


呢度嘅烏冬涼麵亦好受歡迎,分粗身或幼身麵(各連稅900円),特別推介其他烏冬店比較少見嘅細身麵。


谷中銀座商店街

谷中銀座商店街鄰近JR日暮里站及千代田線谷中站,係谷根千地一帶具代表性嘅下町風情景點。商店街全長175米,有約70間店舖,有開業悠久嘅炸物屋、和菓子屋等,一邊行街散步一邊歎美食就啱哂。



谷中銀座商店街推介美食

Restaurantひみつ堂


講到谷中美食就肯定要提到呢間刨冰專門店,直頭係呢一帶嘅超有名店嚟!每一碗刨冰都係以天然冰由店員仔細咁人手轉冰刨出嚟,一年四季都吸引好多食客排隊。夏季高峰期有時仲要朝早7點就開始營業,以消化排隊人潮。士多啤梨牛奶刨冰(連稅800円)有份量十足嘅濃郁煉奶同新鮮juicy嘅士多啤梨糖漿,係人氣極高嘅必食之選。







View this post on Instagram

A post shared by Honami (@hnmnkgw) on


營業時間、休息日、是日餐單、當日排隊情況等詳細情報可到餐廳官方Twitter查看。



開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
更多
收起
本月熱門
【隨時更新】日本小編開箱!2018年必試便利店新品速報
3天前
2019年京都米芝蓮 新上榜餐廳推介
2018-11-23
2019年大阪米芝蓮 新摘星法國菜餐廳介紹
2018-11-23
京都賞紅葉景點及主題甜品推介【2018年版】
2018-11-20
東京下町半日遊🏃谷根千美食&根津神社
2018-11-27