日本餐廳優惠券袋住走 東京大阪京都精選推介
2017-09-08

知道大家鐘意去日本玩,有著數小編又點會收埋呢?OpenRice同日本Hotpepper合作,幫大家搜羅東京、大阪同京都餐廳嘅最新優惠券,隨時用手機出示就可以盡享唔同著數。以下六間精選餐廳,由高級黑毛和牛燒肉到高CP值壽司都有,揀啱自己口味同Budget就記得收藏啦。
 

東京
 

大份清爽魚介沾麵
つけ麺屋 やすべえ 池袋店贈送菜品

圖:hotpepper


香港嘅沾麵唔少都係偏濃厚嘅豚骨魚介系,而呢間相反係走清爽風格嘅魚介系。沾湯唔會太油膩或者太鹹,反而帶少少酸,係女士們都會覺得容易入口嘅味道。鐘意重口味嘅就可以加辣油或者鰹魚粉。最抵讃嘅係大中細Size一樣價錢,當然用埋贈送菜品優惠券就更抵食啦!
 

想食咩魚自己釣!
釣船茶屋 ざうお 渋谷店贈送菜品

圖:hotpepper


唔鐘意坐定定食飯或者帶埋小朋友親子遊?咁就一定要嚟呢間居酒屋,因為佢地嘅賣點就係有個巨無霸水池,而客人可以自己釣魚!釣到嘅魚亦有多種食法選擇,萬一釣唔到魚都可以單點任何海鮮,不過自己釣會比較平喔。記得Bookmark埋張贈送菜品優惠券,令海鮮大餐更豐富!
 

大阪
 

高CP值手握壽司
魚心 本店九折優惠

圖:hotpepper


要錫住自己銀包又唔代表待薄自己嘅,呢間即叫即製手握壽司店相當出名,但定價唔高,分量仲夠哂大份。好似海膽軍艦壽司咁,係一碟四件壽司飯再加原板北海道海膽!鰻魚握壽司亦係必食,如果你有選擇恐懼症嘅話亦可以嗌套餐,用埋九折優惠券仲點會肉赤吖。
 

DIY大阪名物炸串任食
串まる あべのルシアス店贈送菜品

圖:hotpepper


大阪名物炸串係好食,而嚟到呢間餐廳仲特別好玩,因為每枱中間都會有個迷你炸鍋,畀你自己DIY炸串!餐廳收費係限時放題形式,換句話講即係只要你夠大食,想食幾多都得。自問細食嘅話,中間不妨去沙律吧食啲野菜解膩。最後唔好忘記用優惠券食埋贈送菜品呀。
 

更多優惠推介:
1. 泰著數!曼谷酒店自助餐低至半價起
2. 去曼谷食勻泰國特色菜!兼享訂座優惠
3. 台北澳門輕旅行必睇 OpenRice訂枱優惠攻略


京都

 

頂級熟成近江牛燒肉
焼肉ダイニング 甲贈送菜品


去日本要食和牛是常識吧,而近江牛更加係日本三大和牛之一,特點係肉質柔軟、油脂豐富,燒過後入口即溶!呢間燒肉店特別購入整隻黑毛和牛,提供唔同稀少部位,仲有保健所頒發嘅生食許可證,去到不妨試下佢地嘅生拌牛肉。出發前記得先收藏埋我地張贈送菜品優惠券。
 

高質Shabu Shabu壽喜燒放題
祗園 牛禅九折優惠

圖:hotpepper


既係食肉獸又係大胃王?咁不如嚟呢間餐廳放心任食啦!放題可以選擇涮涮鍋、壽喜燒、燒肉加壽喜燒,或者人氣最高嘅一鍋兩食壽喜鍋。價錢就按你選擇肉嘅品質而調整,而各款新鮮野菜、季節沙律、京都家庭料理等亦係任食喔。用埋九折優惠券,呢個京都之旅一定更開心。
 

三大城市嘅優惠喺哂度:
~東京優惠傳送門~
~大阪優惠傳送門~
~京都優惠傳送門~


優惠券唔需要列印,去到日本用手機出示電子優惠券就得。怕無網絡嘅話Cap圖亦得,得咗!想知道更多日本餐廳優惠券嘅細節,可以睇返之前嘅優惠券特集。長氣啲提多你一次,OpenRice訂枱優惠已經擴展到曼谷台北澳門,出遊前不妨睇睇有無心水!

 



文:Cathy


開飯編輯
熱愛日本流行文化的開飯小編會致力為大家追蹤最新、最豐富的美食資訊!
本月熱門
【隨時更新】日本小編開箱!最新必試便利店新品速報
2天前
今秋必試期間限定甜品特集-2017年版-
2017-09-28
召集真餓底 巨量美食5大推介【大阪篇】
3天前
3大萬聖節主題下午茶推介🎃【東京篇】
2017-10-04
4大萬聖節主題下午茶及自助餐推介🎃【大阪京都篇】
2017-10-09