日本小編精選京都三大溫泉推介
2019-09-29


(圖: 官網)

夏冬兩季係傳統旅遊旺季,京都嘅夏天非常悶熱,而隆冬時則有機會落雪,喺室外景點行足成日,有時都咪話唔攰。遊客如果想喺室內休息吓,不妨到京都嘅溫泉放鬆身心。特別係唔少溫泉都有餐廳和休閒設施,而且餐廳供應嘅料理一啲都唔馬虎,以下介紹返3間有美食又有靚溫泉嘅京都知名「錢湯」俾大家參考。 



さがの温泉 天山の湯

「天山之湯」溫泉以氯化鈉和氯化鈣溫泉為賣點,其泉水品質接近海水,據講有美肌功效。除了露天浴池和桑拿浴之外,還有足浴和魚療,週末還提供碳酸溫泉(碳酸浴),可以改善血液循環。


Restaurant 天山の湯 だいにんぐ

除咗歎溫泉,館內仲有好多地方俾大家慢慢休息。「だいにんぐ」餐廳除咗日本料理和西餐,還提供傳統嘅時令京都美食。比較特別嘅係餐廳入面有魚缸,即劏即煮海鮮料理,夠哂新鮮。酒類飲品亦有好多選擇。


溫泉收費為成人每位1050円,由上午10點開放至凌晨1點,餐廳營業時間為上午11點至凌晨1點。







この投稿をInstagramで見る

♡まい♡さん(@m.y.gd)がシェアした投稿 -




仁左衛門の湯

「仁左衛門」設有兩個大型露天風呂,第一個係名為「空蝉」嘅岩風呂,另一個係名為「藤壺」嘅檜木風呂,每日將兩個風呂輪流分為男湯、女湯開放。呢度仲有溫泉和冷泉兩種類型嘅泉水添。除咗露天浴池,室內有桑拿浴、岩盤浴和按摩浴缸等設施。 店內甚至仲設有藥妝店及髮型屋,女士們真係可以玩足一日。


Restaurant 仁座食堂

館內餐廳「仁座食堂」提供各種日式美食,從定食、麵類、咖哩,甚至日式甜品都有,平均價格唔使1000円,定價合理,浸完溫泉去醫吓肚就最啱。


平日溫泉收費為700円,週末及節假日為850円。岩盤浴要額外收費800円(平日)/ 900円(週末及節假日)。溫泉開放時間為上午10點至深夜2點(星期六,星期日和節假日從上午8點開始開放)。「仁座食堂」從上午11點開始營業,晚上11點last order








この投稿をInstagramで見る

ERi.mさん(@eripyons2)がシェアした投稿 -




伏見 力の湯


「力の湯」位於京都伏見,被唔少顧客稱為「超級錢湯」,事關呢度除咗有餐廳、按摩院、髮型屋、健身室,甚至連五人制足球場都有。唔單止設施齊全,而且仲有各式各樣嘅風呂,包括露天風呂、女性限定嘅微細泡泡牛奶風呂、強力嘅按摩浴缸、種類豐富又經常變換嘅是日風呂等。


Restaurant じねんと食堂

館內嘅「じねんと食堂」係自助餐餐廳,供應70多種日式及西式佳餚,包括新鮮沙律、熱盤小菜、麵類、甜品等。另外亦有無麩質料理提供,頗受女士歡迎。


平日溫泉收費為650円,週末750円,風呂嘅開放時間為上午10點至深夜1點。

「じねんと食堂」每日午市(11:00-15:00),及週末假日晚市(17:00-22:00)時段營業。自助餐收費為平日1390円,週末假日1590円,任飲要額外收費250円。







この投稿をInstagramで見る

じねんと食堂さん(@jinentoshokudo)がシェアした投稿 -



開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料