日本兩大人氣迴轉壽司攻略【後篇】
2018-05-07

日本兩大人氣迴轉壽司店攻略嚟到後篇啦~上次介紹咗「くら寿司 (藏壽司)」,有得食仲有得抽扭蛋,後編介紹埋「スシロー (Sushiro) (東京 / 大阪 / 京都)」,即刻睇吓有邊款必食壽司先!

Restaurantスシロー 南池袋店Restaurant


小編今次去嘅南池袋店於2016年開業,係首間東京市中心分店。從池袋站步行5分鐘就到,非常方便。


由車站到餐廳路線:

▼池袋站東口一出嚟轉右


▼沿住西武百貨直行


▼過咗Starbucks Coffee前面呢條馬路之後繼續直行


▼冇幾耐會見到右邊轉角嘅無敵家拉麵。喺無敵家對面呢幢大廈會見到「Sushiro」入口。


▼餐廳其實喺地庫,所以入到店內要先落一層樓梯。



▼大廈大堂亦有電梯到餐廳。


如果撞啱冇人等位,店員會主動帶客人就座,但有人等位就要攞飛啦~介紹吓部機點用先!


▼畫面顯示預計等候時間、下一個叫號及其他資訊。按紅色掣「お店で受付の方」攞飛。


▼吧檯位。空間好充足。


▼卡位


▼點餐用嘅平板電腦。提供日文、英文、中文、韓文四種語言。

▼按一下食物圖片再揀數量就得,好易操作。但要留意返,吧檯位每次落單只可以點2碟菜,卡位每次只可以點4碟,想點更多就要再落order。

▼壽司會經專用運輸帶送到客人面前。平板電腦同時會顯示食品名稱。


「Sushiro」嘅壽司比「藏壽司」貴少少,價錢由120円起(未連稅)。基本嘅三文魚、吞拿魚當然唔少得,仲有地區限定Menu添。
人氣壽司TOP 3係:


第1位 吞拿魚 (120円)

選用赤身當中特別好食嘅部位「天身」,吞拿魚味零舍甘香。



第2位 油甘魚 (120円) 

油甘魚全部於店內經過仔細嘅「皮」處理,所以冇魚腥味。除咗蘸醬油之外,唔少熟客會蘸鹽+綠茶粉嚟食,不妨挑戰吓。



第3位 厚切真鯛 (200円)
同油甘魚一樣,每一條魚都於店內經過仔細處理。厚切嘅真鯛呈淡白色,魚味濃郁仲啖啖肉。



▼食飽飽要埋單,按一下電腦上面黃色嘅「会計 (結帳)」掣,再按「はい (是)」,之後就會有店員嚟數碟數。


▼拎呢個「お会計札」到收銀處俾錢。


▼除咗收銀員,仲有自助付款機添。


想同「藏壽司」比較吓嘅可以參考返前篇
延伸閱讀:日本兩大人氣迴轉壽司攻略【前篇】






開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
本月熱門
【隨時更新】日本小編開箱!2018年必試便利店新品速報
1天前