日日食 東京大阪京都餐廳優惠券特集

香港人去日本真係隨時密過返鄉下,想日日留喺日本玩,同時銀包又無咁傷?咁就要善用OpenRice嘅優惠券!而家OpenRice同日本Hotpepper合作,幫大家搜羅東京、大阪同京都餐廳嘅最新優惠券,第一批就有接近700間餐廳!就算唔識日文都可以盡享九折或贈送菜品等著數,而家就等開飯仔講下點用,順手介紹埋精選優惠!

三個步驟輕鬆用優惠券


Step 1:用OpenRice Apps或者去OpenRice網站,可以喺主頁左上角切換日本唔同城市。切換成功後主頁就會立刻顯示「精選優惠」 


Step 2:未有心水嘅話,可以喺主頁點「優惠」Icon;又或者喺「進階搜尋」當中剔「餐廳優惠劵」,搜尋有提供優惠劵嘅餐廳 


Step 3:優惠券會有齊中文條款同細則,不過去到日本嘅時候,就記得出示返下面嘅日文版內容畀餐廳店員啦
 

東京無敵拉麵!
 

池袋必食拉麵  無敵家


被唔少當地人同遊客譽為必食拉麵,其中一個原因係佢地就算每日都有顧客大排長龍,但拉麵嘅水準依然相當穩定。而且招牌豬骨湯底非常香濃,加埋柔嫩嘅厚切叉燒同半熟蛋,完全就係無得輸嘅黃金組合!用優惠券可享贈送菜品優惠,食得更滿足。
 

任食炭燒牛肉  牛角 池袋明治通り店

圖:hotpepper


我知大家一定會話:香港都有牛角啦!但日本店係用嘅係炭爐,有一陣獨特炭燒香味之餘,高溫仲有效鎖住肉汁。另一特點係日本牛角分單點同放題兩個形式,最貴嘅放題有齊海鮮同牛舌!不過唔想食得太飽嘅話不如都係單點啦,單點用埋優惠券有九折優惠,各位食肉獸係咪好心動?
 

大阪要食大阪燒!
 

心齋橋大阪燒老店  法善寺 三平

圖:hotpepper


去到大阪,點都要食一次大阪燒嘅。呢間位於購物熱點心齋橋附近嘅大阪燒店已經創業40年,其中一個賣點係有超過30款唔同食材配搭口味!人氣No.1係牛筋蔥花蒟蒻大阪燒,味道同生啤最夾。另外亦有薯仔芝士煙肉等選擇。有九折優惠嘅話,慳埋啲錢宵夜繼續食!
 

和牛壽喜燒放題  すきやき壱番 心斎橋店

圖:hotpepper


同樣喺心齋橋附近,呢間裝修優雅嘅餐廳專食壽喜燒同涮涮鍋(Shabu-Shabu),而且兩款都有任食,最啱大胃王。最值得一讃嘅係放題用嘅亦係日本國產和牛,點埋日本生雞蛋一齊食特別嫩滑!記得用優惠券享受埋贈送菜品優惠,食得最精明嘅仲唔係你?
 

更多優惠推介:
1. 泰著數!曼谷酒店自助餐低至半價起
2. 台北澳門輕旅行必睇 OpenRice訂枱優惠攻略

 
京都庭院打卡!

 

特色豚骨黑拉麵  博多 一幸舎 京都拉麺小路店

圖:hotpepper


京都車站嘅拉麵小路係唔少遊客最鐘意去嘅搵食點,一嚟京都車站係多條鐵路嘅交匯點,二嚟佢集合咗日本各地嘅特色拉麵。呢間嚟自福岡縣博多,豬骨湯底濃郁帶獨特香味,重口味人士必點味道有層次嘅黑芝麻蒜味!買食卷之前記得出示優惠券,先有贈送菜品優惠喔。
 

庭院日式蕎麥麵  茶寮 清坂亭

圖:hotpepper


雖然清水寺本堂而家維修緊,但周邊嘅清水坂、三年坂同二年坂依然值得去悠閒散步。如果著住和服,就更加要嚟呢間餐廳!外面有個雅緻小庭院,最啱瘋狂打卡。而賣嘅係傳統蕎麥麵、天婦羅同丼飯,特別有日本風味嘅呢。當然要記得用埋贈送菜品優惠,畫上滋味句號。


三大城市嘅優惠喺哂度:

~東京優惠傳送門~
~
大阪優惠傳送門~
~京都優惠傳送門~

 

而家有近700間餐廳提供優惠券,遲啲仲有更多!收藏咗咁多優惠券怕唔記得用?善用「篩選」功能就可以按唔同條件篩選優惠劵啦。最後提埋你,OpenRice訂枱優惠已經擴展到曼谷台北澳門,出發前不妨睇睇有無心水!

 



文:Cathy

開飯編輯
熱愛日本流行文化的開飯小編會致力為大家追蹤最新、最豐富的美食資訊!