大阪環球影城美食大特集+最新Minion Park介紹
2017-05-21
大阪環球影城成日有新搞作,啱啱喺421日就開咗個目前全球最大規模嘅「Minion Park」,大人小朋友都啱玩,相信會吸引唔少人返鄉下順道探吓Minions。查實環球影城除咗玩,仲有好多主題美食,睇定哂各個園區有咩啱食,跟手Bookmark埋,到時就唔使盲舂舂啦!

※2017年4月21日開幕※【全新園區「Minion Park」】


(圖片:日本環球影城)

園區整體以Minions嘅Boss犀利哥生活嘅小鎮為概念,最新嘅「迷你兵團調皮百厭乘車遊」有全球最大型嘅曲面螢幕,仲有最新高性能投影技術,令影像更鮮明真實,增加臨場感。遊客將會坐上犀利哥嘅發明,喺佢嘅屋企同研究室巡邏冒險。

除咗玩,當然仲有主題美食啦!好似喺
RestaurantDelicious Me! The Cookie Kitchen可以買到嘅「迷你兵團夾心曲奇(500)」,有香蕉雪榚配雜果粒、鮮雜果配忌廉、燒棉花糖配芒果
mousse、Tiramisu四種口味任君選擇。


另一款必食嘅仲有鹽味香蕉焦糖爆谷,但爆谷並唔係重點,重點係個爆谷筒,超得意,有King Bob(2980円)同Talking Bob(3480円)兩款,Talking Bob仲識講「Bello」㗎😍拎住佢影相拍片,肯定呃爆Like。而且4月19日至6月29日期間買King Bob款,又持有USJ全年通行證嘅顧客,爆谷可以
免費無限次任添,一家大細或者成班朋友去都夠食(噢!首先係要有全年證先......)。想買嘅朋友記得去園區嘅Restaurant爆啦吧娜娜買喇!

(圖片:日本環球影城)


【哈利波特魔法世界園區】


以小說《哈利波特》為主題嘅園區喺2014年開幕,將小說入面嘅「霍格華茲魔法與巫術學院」、「活米村」等場景呈現喺遊客眼前,當然仲有唔少遊樂設施,其中最受歡迎嘅絕對係「哈利波特禁忌之旅」。佢採用咗最新嘅4K3D技術,將大家帶到霍格華茲嘅上空高速飛翔,極富臨場感


【投入魔法世界 園區美食Best 3】


Restaurant三根掃帚


活米村嘅老字號酒吧兼餐廳,一眾主角都飲過嘅奶油啤酒(淨飲品600円,連特色杯1100円)絕對係人人必點。嫌齋飲嘢唔夠喉,可以叫個「Great Feast拼盤 (7600円)」,有燒春雞+燒排骨+原條粟米同埋啲蔬菜咁,大約夠4個人食,另外仲有炸魚薯條之類嘅英國菜式𠻹。


Restaurant
豬頭酒吧

豬頭酒吧喺正「三根掃帚」隔離,兩間餐廳嘅內部仲係相連𠻹㗎。吧檯後面嘅野豬頭標本係呢度嘅標誌,除咗供應奶油啤酒、南瓜汁(800円)之外,仲有特別釀造嘅生啤酒同葡萄酒等酒精飲品供應。


@kuronyoがシェアした投稿 -


Restaurant蜂蜜公爵糖果店


想喺哈利波特園區買啲手信嘅話,就一定要嚟呢度啦。霍格華茲嘅學生都Like爆嘅糖果店喎,當然有好多千奇百趣嘅出品。好似鼻屎味糖
同埋變壞嘅雞蛋味糖(嗱講定先,好唔好食見仁見智㗎咋...),仲有青蛙造型嘅朱古力,仲唔係必試?!食完好似入咗魔法世界咁呀~


@princessrose0301がシェアした投稿 -


【環球奇境園區】


園區整體以史努比、Hello Kitty、芝麻街等人氣角色居住嘅小區為概念,
入面分咗「史努比電影工作室」、「Hello Kitty時尚大道」、「芝麻街歡樂世界」三個區域,遊樂設施都充滿角色嘅可愛元素,啱哂一家大細一齊玩



【超得意角色主題美食BEST3】

RestaurantSnoopy's Backlot Cafe


環球奇境園區裡面最大嘅Cafe,入面除咗可以搵到好多Snoopy,仲有漫畫嘅其他角色等緊大家,身為Fans一定要去打卡
。餐點方面主要有漢堡包、意粉等輕食套餐,推介可以叫個蛋包飯炸蝦
(1,450円),跟餐仲有薯條同嘢飲。用嚟放食物嘅Snoopy盒都夠哂心思,一於相機食先。


@nicole_xw27がシェアした投稿 -


RestaurantHello Kitty轉角咖啡廳


喺呢間全粉紅色嘅小食亭度可以搵到好得意嘅Hello Kitty造型包
(450円),內餡係芝士同豬肉,據食家所講都有肉味而且調味啱啱好,另外仲有蘋果味Churros(450円),玩到肚餓不妨買嚟醫肚。店舖旁邊有少量座位,可以坐低慢慢食,或者拎走邊行邊食亦得。



Restaurant曲奇怪獸的廚房


呢間餐廳嘅主廚係芝麻街入面最為食嘅曲奇怪獸,為大家供應輕食為主嘅芝麻街主題美食,好似三文治、泡芙、軟雪榚等。曲奇怪獸得閒仲會搞吓親子烹飪教室,教大家整原創甜品
!嗚呀,真係好得意呀~


【荷里活園區】


園區重現1930至1940年代嘅美國荷里活大街,入面最受歡迎嘅遊樂設施有3樣,第1樣係「荷里活美夢.乘車遊」,佢係日本環球影城嘅第一個過山車。
想再刺激啲嘅話,可以玩佢嘅倒後行版本--「荷里活美夢.乘車遊~逆轉世界~」,連日本紅星木村拓哉同香取慎吾試玩完都勁Like!第3樣就係以宇宙空間為主題,每次旋轉次數同速度都唔同嘅「太空幻想列車 (關閉中,官網公告話2017年6月30日會重新開放)」。


【充滿美國風格 推介美食BEST4】


呢間法式咖啡店門面走歐美風格,供應三文治同甜品等。「Boulangerie Sandwich Meal(1,390円)」呢個餐可以喺4款三文治度揀1款,仲跟一份凱撒沙律同飲品,做早餐或者Brunch啱哂



呢度由外到內都係粉紅色,夠哂夢幻夠哂少女,主要供應雪榚等甜品,而且差唔多款款食品都係粉紅色。不過最近大熱嘅都係黃黚黚
Minions系列甜品,好似檸檬梳打同香蕉Cupcake(570円)咁。


成間漢堡包店以1973年上映嘅美國電影「美國風情畫」為概念,勁有50年代Feel。食埋個Mel's 50年代三重芝士漢堡餐,或者BBQ煙肉芝士漢堡餐(各1590円),直頭好似一秒穿越到50年代嘅美國咁呀。


呢間西餐廳以影城嘅自助食堂為藍本,最受歡迎嘅係「荷里活巨星套餐(1,790円)」,有半隻燒春雞、沙律、薯條、餐包/飯,夠哂份量,做晚餐都啱。


【紐約園區】


用1930年代嘅紐約街頭為設計背景,由時尚貴氣嘅第五大道到平民啲嘅地蘭西街都有,將當時嘅風景再次呈現。


園區入面有連續7年獲得Amusement Today之最優秀室內遊戲設施Golden Ticket獎第1名嘅「蜘蛛俠驚魂歷險記・乘車遊4K3D」。佢用咗超過100個特殊效果,遊客坐住嘅「車」仲會配合影像郁動,感覺好似化身成蜘蛛俠咁親歷其境!


【充分享受電影世界! 推介美食BEST5


餐廳裝潢以愛爾蘭嘅酒吧為主題,供應愛爾蘭菜同酒精飲品,其中啤酒種類都唔少。嘢食方面都係以套餐居多,份量一啲都唔輕食,好似「芬尼根燉牛肉套餐(1890円)」有愛爾蘭燉牛肉+韭蔥+薯仔湯+蘇打麵包,仲有其他肉類套餐以供選擇。
另外呢間餐廳仲有一款必食名物,就係「Onion Blossom(1100円)」啦!炸成花一樣嘅洋蔥配啤酒一流,而且賣相特別,唔使講又係相機食先。呢度仲有個吧檯提供當季Highball雞尾酒𠻹。


@pqueenpがシェアした投稿 -


紐約曼哈頓下城有個俗稱「小意大利」嘅小區,而呢間意大利餐廳就以1930年代當時
小區內嘅意大利餐廳為裝潢概念。
比較多人叫嘅係套餐「Louie's Italian Set (1450円)」,包括1片Pizza (口味2揀1)+半份意粉 (口味3揀1)+飲品,份量都唔算少,當然多人一齊去玩嘅話都可以叫個大Pizza開心Share。



日本環球影城入面唯一嘅日本餐廳。呢度無論裝潢同餐單都有啲西方風格,好似「牛ステーキと握り寿司御膳(2,440円)」咁,一個餐入面可以食到牛扒同握壽司。不過都有啲和式啲嘅餐嘅,「あさりうどん御膳 (2,040
円)」就係蜆肉烏冬+4款天婦羅+竹葉飯糰+卷蛋,清清哋啱哂女士。


呢間Steak House嘅裝修勁有歐陸風格,而且供應嘅安格斯牛都經過精挑細選,有哂CAB認證。招牌嘅安格斯熟成牛扒(400g:5,000円 / 250g:3,800円)嘅油脂同紅肉比例完美,肉質柔軟又夠肉汁。除咗牛肉之外仲有燒豬肉、
羊肉、龍蝦等其他選擇。


@kuronyoがシェアした投稿 -


RestaurantAzzurra di Capri

喺呢度可以食到正宗石窯烤出嚟嘅薄Pizza,麵粉係即叫即搓,烤好嘅Pizza口感脆卜卜。最受歡迎嘅口味係「ピッツァ アズーラ(2,840円)」同埋「トレ ガンベレッティ(2,540円)」,前者有4種芝士+生火腿+芝麻菜Pizza黑松露,後者有南美白對蝦+甜蝦+櫻花蝦+混合香料,而且份量唔細。


【侏羅紀公園園區】


入到呢個園區,就好似置身於電影侏羅紀公園嘅世界咁,又有亞熱帶森林又有恐龍。上年仲開咗個新遊樂設施「飛天翼龍」,路軌全長超過1公里,最大落差嘅高度有37.8米,係號稱「全球最長路軌」同「全球最大落差」嘅飛行式過山車。坐喺上面可以享受喺侏羅紀公園高速穿梭嘅感覺,超驚險刺激!


@yyytomikoがシェアした投稿 -



【食肉獸樂園! 侏羅紀園區推介美食😋】

Restaurant
必食名物火雞脾


呢隻喺小食亭「Splashdown  Snacks」有售嘅火雞脾,堪稱為USJ必食名物,園區入面差唔多每人手上都有一隻,冇食過嘅話直頭好似冇去過USJ咁呀!淨火雞脾大約賣850円,加多幾百円可以連埋個好搞鬼嘅恐龍手套,俾你揸住食之餘,仲照顧埋你部相機,等你俾佢食先。火雞脾大大隻,味道亦都不錯
𠻹。


Cherry Chan(@lokrry)分享的貼文 -


@p______yp 分享的貼文 -


Restaurant新發現餐廳


裝潢以電影入面嘅遊客中心為藍本,入面仲有個實物大嘅恐龍骨標本,係餐廳嘅標誌。切合返個恐龍主題,餐單都係以肉類為主,啱哂食肉獸。最受歡迎嘅套餐要數「侏羅紀漢堡扒餐(1,690)」,有漢堡扒+洋蔥圈+紅米飯,漢堡扒上面仲有個用炸薯條整成嘅「恐龍巢」,上面隻蛋色彩繽紛,切開蛋黃係流心㗎!



meiyunphoto(@meiyunphoto)分享的貼文 -


餓底們喺USJ
玩,一定要留意埋園內嘅小食車,事關小食車都有賣唔同嘅主題小食,玩到攰嘅時候買番份邊食邊小休一下,啱哂!所以見到小食車嘅時候,記得行埋去八吓有咩好食啦~

各款角色造型包


環球影城人氣角色嘅造型蒸包,好似有「豬肉米粉蜘蛛俠包」、「照燒雞味
Elmo」等等,各賣450円,每款嘅餡料都唔同
㗎!


「鯊魚的獵物」 /
 Churros


「鯊魚的獵物」其實係連骨嘅香腸
(另包埋一個大白鯊造型手套),日本網民話香腸皮脆有肉香又Juicy,喺水世界園區入面「大白鯊」旁邊嘅小食車就可以買到。
至於Churros就深受女士們熱捧,皆因佢細細支容易邊行邊食,而且又多口味,好似有朱古力、曲奇、楓糖等等,喺各園區嘅小食車都有得賣。


Aririn(@aririn411)分享的貼文 -


M.M🦄(@mahalo038)分享的貼文 於 -

關鍵字
大阪
環球影城
USJ
美食
snoopy
芝麻街
Minions
迷你兵團
哈利波特
主題公園餐廳
開飯編輯
熱愛日本流行文化的開飯小編會致力為大家追蹤最新、最豐富的美食資訊!
本月熱門
【隨時更新】日本小編開箱!必試便利店新品速報
7天前
京都米芝蓮2018 車胎人美食6大推介
2017-11-16
京都追楓景點及周邊主題甜品推介 -2017年版-
2017-11-23
東京米芝蓮2018 上位餐廳5大推介
7天前
東京米芝蓮2018 新上榜餐廳精選
3天前