去東京先嚟落雨... 咁就啱晒去惠比壽橫丁啦!
2019-08-22
一向都被視為比較高尚地帶嘅惠比壽,其實暗地裡藏住一個極有本地特色、叫做「惠比壽橫丁」嘅室內居酒屋小街。惠比壽橫丁處於惠比壽站嘅5分鐘距離入面。雖然佢嘅外觀同普通嘅居酒屋冇乜分別,但係佢嘅五顏六色嘅招牌同埋人流滾滾來嘅門口足以令你卻步。



惠比壽橫丁幾時都係咁多人,尤其是係打工仔、後生女同埋間唔中嘅遊客。喺呢條巷仔入面有近二十間鋪,因為時時都咁多人嘅關係,建議提早預訂唔使同人逼!

日本人氣家庭料理:關東煮

Restaurant Denraku


惠比壽橫丁入面其中一間好受歡迎嘅舖頭叫做Denraku,係日本冬天家庭料理關東煮嘅專門店。如果你想乜都試啲,不妨試試佢哋嘅雜錦,有魚餅、海藻、蒟蒻、大根、雞蛋同埋粉絲。



其他有特色嘅料理包括一大舊白色三角形嘅軟熟魚餅、煙燻醃菜干同埋牛油果燒。




Restaurant Gyumaru/Ginmaru/Uomaru

繼續向前行,你會發現有三間連住、個名入面有個「O」字嘅舖頭。呢三間舖頭分別出名食牛、魚同埋其他居酒屋嘅小食。喺呢度你真係會體會到日本人一路飲、一路只食少少嘢嘅居酒屋文化。


當然,你可以選擇食飯類嘢食,但係因為個個都會去幾間唔同嘅舖頭,所以今次等我地介紹送酒最正嘅小食啦。



望落去係一舊生菜,但當你點點隔離呢個蛋黃醬撈味噌嘅甜甜酸酸醬之後,只怕會食呢舊生菜食到上癮。



左手面嘅叫做「梅水晶」,用粉紅色嘅梅肉撈鯊魚嘅軟骨同埋魚子,非常有口感。右手面嘅叫做「墨魚Wasabi」,將細細粒嘅墨魚粒撈落微辣嘅Wasabi 醬入面。呢兩個菜式都有非常獨特嘅質地,而又唔太飽肚,最啱送酒!

肉壽司??!!

Restaurant Nikuzushi

去到最後你都應該想食返啲飽肚嘅嘢食 - 肉壽司隨傳隨到呀!聽個名都知,呢間舖頭嘅賣點就係肉嘅壽司啦!



睇下你想食咩肉,你可以揀馬肉、牛肉、雞肉、豬肉同埋鴨肉。有啲壽司嘅肉會一早已經被煮熟,但係有的就會係喺你眼前被高速快煎。




呢間舖頭嘅肉超級多汁。當然,最常見嘅大細嘅壽司都已經好好味,但係當店最有名嘅「刺拖羅」真係唔試嘅話會對唔住自己。喺兩舊壽司飯上面噉住一塊最大塊、同埋完美地調味嘅肥牛。 

食完呢大大塊奢侈嘅肥牛可能你已經無言; 對肉食愛好者嚟講,呢塊肉就是幸福。




關鍵字
惠比壽橫丁
惠比壽
關東煮
肉壽司
OpenRice JP Editor
Provide the latest food trends and news in Japan.
餐廳資料
更多
收起
本月熱門
去東京先嚟落雨... 咁就啱晒去惠比壽橫丁啦!
2019-08-22
京都地標:平安神宮及周邊餐廳推介
2019-08-29
東京地標:迪士尼海洋餐廳推介
2019-08-27