京都米芝蓮2018 新摘星餐廳5大推介
2017-11-13

京阪米芝蓮2018結果已經出爐,京都三星餐廳有8間 (比上年多1間)、新摘星有12間、車胎人美食新上榜有18間。今次日本小編幫大家喺12間新摘星餐廳中,精選咗必試5間。唔好理咁多,一於Bookmark定先再儲錢啦喂!


Restaurant修伯 [一星]

餐廳喺「八坂の塔」旁邊,鄰近清水寺。供應嘅懷石料理套餐傳統之餘,亦有採用西方食材及烹調手法帶嚟新風格。
例如「野菜の盛込み」呢款前菜就嚴選咗20種時令蔬菜,再以最適合食材嘅各式烹調手法炮製而成。另外店員會喺甜品環節,將約10款日式、西式甜品送到客人面前,
客人可以從中慢慢揀自己嘅心水,特別受女性顧客歡迎。

午市及晚市都只提供套餐,午市5,800円起,晚市12,000円起,必須提前訂座。


Restaurant木山 [一星]

餐廳位於一幢住宅公寓地下,鄰近京都御苑,從丸太町站步行約5分鐘即達。主廚曾於「Restaurant京都和久傳鑽研手藝15年,獨立發展後於今年4月開咗呢間餐廳,短短半年就成功摘星,絕對係今年榜單上嘅話題餐廳。

呢度最與眾不同嘅係「水」,皆因係從餐廳自家水井抽取。懷石套餐以奉上一杯井水開始,據食客所講,的確係幼滑清甜。高湯係日本料理餐廳嘅靈魂,呢度製作高湯時都係用井水,仲會喺客人面前即場製作添。

午市及晚市都只提供套餐,午市10,800円起,晚市16,200円起,必須提前訂座。


Restaurant鮨 和魂 [一星]

2016年秋天於京都四季酒店內開業。主理嘅壽司職人出身自東京南青山嘅知名餐廳「Restaurant鮨 ます田 (2017東京米芝蓮指南二星餐廳)」。

呢度供應兩款廚師發辦握壽司套餐,每日由京都市場同築地市場購入最高級嘅新鮮食材,仲會以當日食材嘅狀態決定配搭同醋飯嘅溫度。客人享受美食嘅同時,亦可欣賞到歷史名庭「積翠園」嘅醉人景緻。

午市消費18,000円起,晚市23,000円起,必須提前訂座。


Restaurantにくの匠 三芳 [一星]

位於祗園大街一幢京都古風樓房中,主打牛肉割烹料理。供應嘅和牛都係有名嘅品牌和牛,從京都、神戶及滋賀直送。懷石套餐嘅每樣餐點都係精緻嘅牛料理 (當然甜品除外),例如以昆布絲及柚子醋調味嘅牛舌、備長炭燒牛腰肉、熬煮4個鐘嘅神戶牛柳昆布捲等,只此一家。
餐廳只提供套餐,價錢由21,000円起。


Restaurant天麩羅 水暉 [一星]

【水暉】位於京都The Ritz-Carlton酒店地庫,分為會席料理、壽司、天婦羅、鐵板燒4部份。而今次獲得一星嘅【天麩羅 水暉】,所提供嘅天婦羅均採用日本國內外嘅優質食材,而且由老練專業嘅職人於客人面前即席烹調,新鮮炸起嘅天婦羅口感絕佳。午市套餐5,000円起、晚市套餐9,000円起。


nさん(@maaai__nsta)がシェアした投稿 -


其他米芝蓮消息:

大阪米芝蓮2018 車胎人平民推介精選:https://s.openrice.com/UbbcAzu0000

京阪米芝蓮2018 大阪新摘星餐廳介紹:https://s.openrice.com/UbbcAzm0000

大阪米芝蓮2018完整名單:https://s.openrice.com/UbbcAzW0000

京都米芝蓮2018完整名單:https://s.openrice.com/UbbcAze0000



關鍵字
京都
米芝蓮
2018
一星
日本料理
開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
更多
收起
本月熱門
點指冰冰!夏日炎炎3大東京清涼Cafe
2022-07-29