【期間限定】必食聖誕版班戟特集🎄
2017-12-18
又到聖誕,又到聖誕~睇睇今次嘅標題先,「聖誕 x 班戟 x 限定」,真係見到都興奮!以下介紹嘅間間都係人氣大熱班戟店嚟,平時得普通口味都要朝聖啦,何況依家仲有聖誕版?唔試返一兩款真係對唔住張機票呀~🎄

RestaurantFLIPPER'S


梳乎厘班戟店FLIPPER'S登陸咗香港一排,相信大家都唔太陌生。招牌嘅「奇蹟之
班戟」有聖誕版,叫奇蹟之班戟 雪草莓 (1,400円)」。班戟厚度係平時嘅1.5倍,有兩塊,上面有忌廉芝士同大大粒士多啤梨。另外仲有每日限定20份嘅超限量「奇蹟之班戟 白雪草莓 (1,600円)」,升呢用咗「淡雪」白色士多啤梨,夠哂矜貴。

「奇蹟之班戟 雪草莓」供應期:12月15日-12月25日

「奇蹟之班戟 白雪草莓」供應期:12月11日-1月8日


RestaurantAccueil


「Accueil」喺唔少班戟排行榜都名列前茅,每逢聖誕推出嘅「聖誕樹
班戟 (1,850円)」仲年年熱賣添。厚班戟分量唔少,有幾層,食落口感扎實兼彈牙。另外有色彩繽紛嘅雜果+成座山仔咁高嘅開心果忌廉,仲灑咗啲糖粉丫咁,節日氣氛爆燈,靚到唔捨得食。供應期為即日至12月25日。


Eggs’n Things (Restaurant東京 / Restaurant大阪 / Restaurant京都)


嚟自夏威夷嘅「Eggs’n Things」絕對係日本班戟熱潮嘅引領者之一。今年推出兩款
聖誕限定班戟,第一款「"HAUHAU"士多啤梨班戟 (1,680円)」將招牌忌廉變成開心果味,幾層班戟中間夾住新鮮士多啤梨,仲有濃郁嘅忌廉芝士喺面添

第二款「"KOKOLEKA"雜莓班戟 (1,580円)」係朱古力味,食落有可可香兼帶微苦,拼埋士多啤梨、藍莓、覆盆子,同樣吸引。兩款班戟供應期為即日至12月25日。


RestaurantBROTHERS Cafe 


BROTHERS Cafe目前喺大阪有兩間分店,憑住帶出食材原有風味嘅自家製班戟,成為大阪人氣Cafe。聖誕推出「白雪心太軟梳乎里班
」,一切開就會有滑溜白朱古力流出嚟,好特別!供應期為即日至12月尾。



Butter (Restaurant東京Restaurant大阪)

Butter今年秋天推出「焦糖梳乎里班戟」,喺鬆軟嘅梳乎里班戟上面加咗一層香脆焦糖,口感獨特令佢旋即大熱聖誕特別版(1,380円)多咗熱帶水果,配埋覆盆子雪榚同紅莓醬,味道清新

另外「自訂口味派對班戟」亦係期間限定發售,有士多啤梨、棉花糖等16款配料俾大家自由組合。16揀10盛惠1,980円,有選擇困難嘅話不妨要哂16種,俾多600円就得。兩款班戟供應期為即日至12月25日。



RestaurantBURN SIDE st CAFE (Restaurant東京 / Restaurant大阪)


呢度最出名就係招牌三層厚班戟,聖誕版(1,680円)嘅班戟以特濃朱古力醬整成,配埋cappuccino雪榚、開心果忌廉同士多啤梨,好豐富。供應期為即日至12月25日。





關鍵字
聖誕
期間限定
班戟
東京
大阪
京都
pancake
2017
必食
FLIPPER'S
Accueil
Eggs’n Things
BROTHERS Cafe
Butter
BURN SIDE st CAFE
開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
更多
收起
本月熱門
去東京先嚟落雨... 咁就啱晒去惠比壽橫丁啦!
2019-08-22
京都地標:平安神宮及周邊餐廳推介
2019-08-29
東京地標:迪士尼海洋餐廳推介
2019-08-27