3
0
0
等級6
77
0
燒肉神店全牛宴
2023-11-15 75 瀏覽
表哥女朋友多年前已推介東京惠比壽燒肉神店「蕃 YORONIKU」，其中一個條款係顧客必需年滿十七歲，咁咪即係兒童不宜？！好在肥肥家族全部都係成年人，今年四月終於有緣一試！燒肉店只接受網上訂座，講真話難唔難、話易唔易，因為要用餐前一個月嘅一號朝早踏正十一點開始試圖登入，無錯係要試圖好多次先會登入到！人數、時段、同食乜最好諗掂哂，因為全枱人必需點選同一款套餐，六個人以上已經要分枱坐，即係七個人的話都要分開玩兩次，XO仔結果狂撳咗成十分鐘方才可完成搶位任務，訂下九位嘅限定Omakase晚餐「限定おまかせコース」（22,000円/位）。樓上餐廳大堂排出闊落嘅厚墊卡位，食客可存放隨身物於密封嘅櫈下，設計師當真懂得善用空間。細佬原本想影幾幅室內環境相，點知未開波已俾姐姐仔截停，告知為怕影響其他食客，除咗食物及同行嘅親友之外，餐廳係嚴禁客人四周拍照嘅。人家有道理時小肥當然係唔會強人所難啦，嘻嘻，唔影得相就不如飲多杯！每位席上擺有自用餐具、調味燒汁及檸檬角。由於食物早已預先點好，而且均由靚女姐姐於桌上燒煮，大家只需飯來張口，欣賞佢嘅廚藝表演。西餐有免費嘅餐前小食「amuse bouche」，原來日本料
更多
表哥女朋友多年前已推介東京惠比壽燒肉神店「蕃 YORONIKU」
，其中一個條款係顧客必需年滿十七歲，咁咪即係兒童不宜
？！好在肥肥家族全部都係成年人，今年四月終於有緣一試！
111 瀏覽
1 讚好
0 留言
 燒肉店只接受網上訂座，講真話難唔難、話易唔易，因為要用餐前一個月嘅一號朝早踏正十一點開始試圖登入，無錯係要試圖好多次先會登入到
！人數、時段、同食乜最好諗掂哂，因為全枱人必需點選同一款套餐，六個人以上已經要分枱坐，即係七個人的話都要分開玩兩次，XO仔結果狂撳咗成十分鐘方才可完成搶位任務，訂下九位嘅限定Omakase晚餐「限定おまかせコース」（22,000円/位）
。
169 瀏覽
1 讚好
0 留言
 樓上餐廳大堂排出闊落嘅厚墊卡位，食客可存放隨身物於密封嘅櫈下，設計師當真懂得善用空間。細佬原本想影幾幅室內環境相，點知未開波已俾姐姐仔截停，告知為怕影響其他食客，除咗食物及同行嘅親友之外，餐廳係嚴禁客人四周拍照嘅。人家有道理時小肥當然係唔會強人所難啦，嘻嘻，唔影得相就不如飲多杯
！
96 瀏覽
1 讚好
0 留言
 每位席上擺有自用餐具、調味燒汁及檸檬角。由於食物早已預先點好，而且均由靚女姐姐於桌上燒煮，大家只需飯來張口，欣賞佢嘅廚藝表演。
68 瀏覽
1 讚好
0 留言
 西餐有免費嘅餐前小食「amuse bouche」，原來日本料理都有類似嘅「お通し」（Otoushi），餐牌寫明550円/位，全牛宴亦正式以每人一小碗嘅「お通し」凍紫菜豆腐作序。
凍紫菜豆腐
¥550
68 瀏覽
1 讚好
0 留言
前菜：日式燒肉店選以六款韓式涼拌菜及泡菜作為前菜，清爽惹味又醒胃，用黎送燒物可中和返啲油膩感，絕配也
！
前菜
63 瀏覽
1 讚好
0 留言
冷製盛合せ：三色冷盤組合左起分別為爽脆香辣嘅牛柏葉絲、軟滑無比兼入口即溶嘅和牛菲力免翁刺身
、及韓式生牛肉。
冷製盛合せ
54 瀏覽
1 讚好
0 留言
 當中韓式生牛肉要美女廚神做多少少功夫，首先喺爐上烘熱啲多士，撈勻生牛肉、生鵪鶉蛋黃同其他配料後再放上多士度。暖手嘅韓式生牛肉多士集香潤、軟滑、鬆脆於一身，實滋味無窮。
韓式生牛肉
52 瀏覽
1 讚好
0 留言
鮮菜：轉入熱食前先以簡單清爽嘅鹽味沙律為味蕾潔淨一番。
鮮菜
54 瀏覽
1 讚好
0 留言
焼き物　塩1：燒肉第一部份嘅鹽燒菜式有兩款牛脷，第一件厚切牛脷並非平時見開嘅方磚形，而係好似中國殭屍伸出黎嗰條脷咁長到要捲起嗰隻
。未煮前已閃出油光，燒熟後對摺成嘴唇般都幾過癮，咬落去爽脆彈牙得黎好潤滑，超
！
焼き物　塩1
54 瀏覽
1 讚好
0 留言
 如相所示，第二件同樣為長身嘅牛脷就切到超薄，靚女喺烤爐上熟手地拖住咁焫幾焫即摺三摺，夾上碟後加幾條昆布絲即搞掂。超薄嘅昆布牛脷卷爽薄中帶著柔軟嘅絲質，昆布嘅咸香成功點睛提鮮，兩件牛脷屬極端嘅不同但絕對係食牛脷嘅新境界，個人極之享受！
焼き物　塩1
51 瀏覽
1 讚好
0 留言
焼き物　たれ：接著嘅汁燒二重奏分別為「本日の赤身：肩三角（Kata Sankaku）」及「ツチノコ」（Tsuchinoko）
。相中前方較為粉嫩嘅肩三角肉紅白色嘅葉紋線條優美，靚肉半溶於口腔，軟滑尤甚！上網查過，鮮紅有光澤嘅「ツチノコ」屬牛隻腰間某一細小面積嘅部位，點上秘汁，入口柔滑軟潤，肉香甜美！
焼き物　たれ
48 瀏覽
1 讚好
0 留言
焼き物　塩2：第二部份嘅鹽燒菜式包括「本日の塩肉：Bottom Flap」及上等牛肚「上ミノ」（Jou Mino）。姐姐仔嘅時間管理控制得恰到好處，厚厚嘅牛扒早就喺爐邊慢慢燒，熟咗就喺黑色砧板上切開。外焦內紅嘅牛腹肉厚身得黎好鬆潤，肉味比之前嗰幾款明顯濃郁，肉汁豐沛，每人兩件剛剛好，唔會滯。
焼き物　塩2
44 瀏覽
1 讚好
0 留言
 第二件杏式嘅上等牛肚薄薄嘅一片勁爽脆，簡單唧上檸檬汁已夠清新，大肥爸爸喺冇聽書嘅情況下形容為「好似豬肚尖咁爽口」
，仲問人地有冇得追加，依個牛肚尖絕對係極品啦
！
焼き物　塩2
43 瀏覽
1 讚好
0 留言
椀　握り：碗牛牛清湯真係好似水咁清，淡而無味
，係成餐飯最弱嘅一環！
椀
58 瀏覽
1 讚好
0 留言
 以金箔點綴嘅魚籽醬和牛壽司攤平黎上，層次分明嘅賣相精美吸睛
，閃亮有氣派！
握り
40 瀏覽
1 讚好
0 留言
 用手指捲起紫菜兩邊即可一野放入口，魚籽醬爆裂於和牛上，組口鮮濃芬芳。
握り
38 瀏覽
1 讚好
0 留言
焼物　希少部位：稀少部位共有三項，頭兩款以拼盤呈上嘅分別為七打扒「シャトーブリアン」（Chateaubriand）及「シルクロース」（Silk Rousu），每片嘅紅白雲石紋理都咁鮮明。
焼物　希少部位
46 瀏覽
1 讚好
0 留言
 前者厚身少少嘅七打扒軟嫩潤甜，而且肉汁豐盈
。
焼物　希少部位
43 瀏覽
1 讚好
0 留言
後者雖然薄一半，食落肉質當真如絲般柔滑，由於其脂肪含量更豐腴，所以跟咗一口白飯去索解部份油脂分泌。
焼物　希少部位
36 瀏覽
1 讚好
0 留言
 第三款醋漬牛小腸「コブチャンポン酢」（Kobuchan Ponzu）未煮前呈奶白色，黐住件肥膏一燒起即變成小火球
，油到嚇親啲老人家，嘻嘻，結果益小肥食多兩件。牛小腸一定要親熱食，腸邊位脆薄得黎有嚼勁，肥膏球則軟綿綿，伴配酸汁同蘿蔔蓉有助分解膩感。
焼物　希少部位
40 瀏覽
1 讚好
0 留言
特選：壓軸嘅特選靚肉有二，分別為炸七打扒三文治「シャトーブリアンのロゼカツサンド」（Chateaubriand Rosé Katsu Sando）及松露壽喜燒座布團「ザブトンのすき焼きトリュフ添え」（Zabuton no Sukiyaki Toryufu Soe）。炸七打扒上枱時每件都預先切開咗一角，以展露出牛扒心呈玫瑰紅色
，並好讓各人先品嚐未添加嘅第一口。
特選
36 瀏覽
1 讚好
0 留言
 七打扒嘅炸皮酥化香脆，牛扒厚肉得黎好鬆好軟熟，完全唔硬唔嚡。
特選
29 瀏覽
1 讚好
0 留言
 餐店選用麵包名店「Centre The Bakery」嘅白麵包，衛生起見，妹妹先帶上白色手套，烤烘麵包至金黃色後，於炸七打扒上塗搽秘醬，夾好再一開二，熟巧地炮製出和牛三文治。
特選
33 瀏覽
1 讚好
0 留言
 三文治底面兩層麵包鬆軟帶脆，炸牛扒餡心咬落爽彈無比，酸酸甜甜嘅秘醬為牛牛添上濕潤
，半件嘅份量毫不溜滯剛剛好。
特選
42 瀏覽
1 讚好
0 留言
 真係冇諗過喺燒爐上可以用瓦煲煮壽喜燒
！超薄嘅座布團於壽喜燒汁涮煮過後即放入秘醬中，喺面刨上黑松露後再攪勻鮮黃色嘅雞蛋黃就大功告成。滑嘟嘟嘅壽喜燒座布團芳香甜美，為求唔浪費啲壽喜燒精華，於小砵中撈入另上嘅一球白飯即混出洋溢著松露香嘅泡飯，實在可口
！
特選
46 瀏覽
1 讚好
0 留言
麵物 お食事：單尾一注冷素麵「阿波の手延べ素麺」夠哂清。
麵物 お食事
49 瀏覽
1 讚好
0 留言
 甘味：甜品共有兩款刨冰「かき氷」，沙冰幼細得黎好蓬鬆，而且唔會過甜或者好溜，綠色嘅綠茶味另跟黑豆同煉奶，令口感更有層次。
甘味
52 瀏覽
1 讚好
0 留言
 白色嘅煉奶味刨冰清新微甜，同樣輕盈易入口。
甘味
62 瀏覽
1 讚好
0 留言
 樓上燒肉店「蕃 YORONIKU」環境簡潔樸實，座位闊落舒適，由專人於貴客面前烹調嘅全牛宴質高味佳，定價唔算太過份，被封為神店實不無道理，絕對值得去見識
！唯一美中不足係顏值高嘅服務生態度未為最友善，網上訂座又帶點難度，頭輪要食五點也未免太早了
，幾方面都有改善嘅空間。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2023-04-07
    用餐途徑
    堂食
    人均消費
    ¥25000 (晚餐)
    慶祝紀念
    生日
    推介美食
    前菜
    冷製盛合せ
    韓式生牛肉
    焼き物　塩1
    焼き物　塩1
    焼き物　たれ
    焼き物　塩2
    焼き物　塩2
    握り
    握り
    焼物　希少部位
    焼物　希少部位
    焼物　希少部位
    焼物　希少部位
    特選
    特選
    特選
    特選
    甘味
    甘味