新宿焼肉 牛たんの檸檬

營業中

休息中

呢間朋友都推介嘅檸檬牛舌，去完之後真係極度推介。佢係第一啖食完之後係會woo 出來嗰隻。首先餐廳我哋係提早一個月就已經訂位。提早一個月都已經冇咗啲好好嘅時間，所以我哋都係訂咗5:30，相對比較早嘅時間。入到去餐廳已經聞到嗰陣燒烤味，因為餐廳係開放式廚房。店員都好有禮貌，而且仲會走來問吓你來自邊一度。我哋嗌咗兩個餐，分別都係檸檬牛舌配其他肉類。佢一個set有肉有飯有湯同埋前菜再加埋咖喱俾你送飯。一個set入邊所有嘢都係好食嘅，就算係咖喱入邊嘅牛肉都係好好食。佢嘅主角檸檬牛舌真係做得超級出色，超級有驚喜。佢係每次都燒到同一個生熟嘅程度，可以睇到廚師嘅功夫一啲都唔差，佢哋牛舌每一舊都可以做到非常軟腍腍肉汁爆滿。應該係有成世人食過最好食嘅牛舌，而且仲會有陣陣炭燒味喺表面，再加埋少許調味。冇食過呢間真係唔好話去過東京。