1
0
0
等級1
1
0
鎌倉不識庵 (小牧食堂) 係東京少有不含五辛、蛋、奶、砂糖同酒嘅素食餐廳😍。餐廳位於秋葉源一間食品店 Chabara內,一入門口直望就見到,位於秋葉源站附近,位置方便👍🏼。餐廳面積唔大,有大約6張4人枱,只有1位店員,所以上菜時間可能會耐D。餐廳有提供中文菜單,而且店員識講英文。去到先落單,之後揾位坐等店員上菜,食完自己將餐盤放在牆邊嘅回收區。(1) 豆腐定食 (素食豆腐套餐) (¥1200 + ¥200 轉 酵素玄米)前菜同主食同口福定食差唔多,但冇咁多款前菜食。酵素玄米口感較黏身,好似糯米飯。(4) 口福定食 (招牌綜合套餐) (¥1500) 🥢麵醬南瓜南瓜連皮食,外皮硬、南瓜肉淋,味道香甜,麵豉醬味道偏淡,唔會搶咗南瓜嘅味。🥢紅蘿蔔絲紅蘿蔔絲味道偏酸,切得夠薄,口感爽脆。🥢胡麻青菜豆皮青菜味道類似芥菜,有部分沾唔到胡麻醬嘅青菜味道有少少甘,將胡麻醬拌勻黎食味道剛剛好。🥢芝麻豆腐豆腐好滑,佢會慢慢係口到溶化,好香豆漿味。🥢粉絲海茸黑色條狀物口感偏淋,唔肯定係咩黎,我估係海燥之類嘅食品。粉絲嘅口感亦係偏淋身。🥢油炸麵筋外皮硬而脆,初時覺得入面似油炸鬼,食食下又有食豆腐嘅味道,唔似麵筋
更多
鎌倉不識庵 (小牧食堂) 係東京少有不含五辛、蛋、奶、砂糖同酒嘅素食餐廳😍。餐廳位於秋葉源一間食品店 Chabara內,一入門口直望就見到,位於秋葉源站附近,位置方便👍🏼。餐廳面積唔大,有大約6張4人枱,只有1位店員,所以上菜時間可能會耐D。

餐廳有提供中文菜單,而且店員識講英文。去到先落單,之後揾位坐等店員上菜,食完自己將餐盤放在牆邊嘅回收區。


4 瀏覽
0 讚好
0 留言



(1) 豆腐定食 (素食豆腐套餐) (¥1200 + ¥200 轉 酵素玄米)

前菜同主食同口福定食差唔多,但冇咁多款前菜食。酵素玄米口感較黏身,好似糯米飯。


豆腐定食
6 瀏覽
0 讚好
0 留言



(4) 口福定食 (招牌綜合套餐) (¥1500)

🥢麵醬南瓜
南瓜連皮食,外皮硬、南瓜肉淋,味道香甜,麵豉醬味道偏淡,唔會搶咗南瓜嘅味。

🥢紅蘿蔔絲
紅蘿蔔絲味道偏酸,切得夠薄,口感爽脆。

🥢胡麻青菜豆皮
青菜味道類似芥菜,有部分沾唔到胡麻醬嘅青菜味道有少少甘,將胡麻醬拌勻黎食味道剛剛好。

🥢芝麻豆腐
豆腐好滑,佢會慢慢係口到溶化,好香豆漿味。

🥢粉絲海茸
黑色條狀物口感偏淋,唔肯定係咩黎,我估係海燥之類嘅食品。粉絲嘅口感亦係偏淋身。

🥢油炸麵筋
外皮硬而脆,初時覺得入面似油炸鬼,食食下又有食豆腐嘅味道,唔似麵筋。佢表面仲放有類似麵豉醬嘅醬料。

🥢大白菜
味道好淡,沾咖哩醬黎食味道就剛剛好。

🥢炸豆腐
炸豆腐外脆內軟,表面淋有芡汁同紅蘿蔔絲。

🥢味噌湯
味道清甜,有淡淡嘅味噌味,冇出面飲到嘅咁鹹,配料有白蘿蔔、牛蒡…

🥢雜穀米


口福定食
4 瀏覽
0 讚好
0 留言


P.S. 餐牌上嘅價錢唔準確,我張單上顯示嘅價錢係平D
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-02-02
用餐途徑
堂食
用餐時段
午餐
推介美食
豆腐定食
口福定食