影片
以上資料只供參考, 請與餐廳確認詳情
一間位於東京銀座中心小巷里嘅Cafe ☕️☕️☕️ 裝橫以現代日式簡約風格主調，望落去同坐落都好有舒服，感覺好Relax 🥰🥰🥰 可惜座位唔係Sofa, 如果有埋會多一份Hea嘅享受 🤣🤣🤣食物方面就不過不失👌👌👌，個夾牛肉Panini偏乾身 🌮🌮🌮 餡料太少，🥗🥗🥗配菜沙律唔錯 ，而個粟米忌廉湯幾香同creamy 🫕🫕🫕😋😋😋, 杯Lemon Tea 加糖水後有d似午後紅茶嘅味道 🤣🤣🤣 I like~ Overall, 喺附近shopping到攰，過嚟坐吓休息係一個唔錯嘅選擇 😊😊😊
繼續閱讀
於銀座區購物真係可以停唔到手架，不過點買長輩們中途都要歇一歇。原本計劃咗去上榜熱店「Tricolore」飲下午茶，無奈店子早已滿座，八人唯有改去附近仲有大把位嘅「Noa Café」。前往地牢餐廳必需行落十幾級樓梯。適逢聖誕佳節，接待處擺出聖誕樹，好有氣氛。服務生態度唔算差，只係比起平時遇見嘅差咗份熱誠同衝勁。黐立立嘅雲石餐桌上有自助餐具及餐紙，埋位姨丈即要狂抹，明顯衛生水平唔係咁高。厚本餐牌共有十五頁之多，名就日英對照，但詳細說明就只有日文版，另附彩圖參考。其中四頁為飲品項目。小食及甜品系列大多可以散點或跟指定飲品叫套餐。Hot Cocoa（620円）：細佬杯熱朱古力飲落淡而無味，而且稀如奶水，奶味多過朱古力味，完全唔掂！姨媽姨丈們分咗個Panini Set（1,100 円）同Mont Blanc Waffle Set（1,420円），食後感想係：「Panini好似烘過嘅三文治咁，嗰餡唔乾，味道一般。」「粟子Waffle個樣靚過客Panini，個味唔會太甜，正正常常。」Dark Syrup & Soybean Flower & Sesame Gelato Waffle Set（1,420円）：節令限定嘅「黑蜜糖芝麻雪糕窩夫」賣相甚為震撼，兩件厚厚嘅窩夫中間夾咗球芝麻雪糕同忌廉，頂面再淋上黑蜜糖漿及黑蜜糖粉，顏值夠高。配料芝麻雪糕清涼微甜，忌廉亦幼滑軟潤，當中嘅黑蜜糖微甜討好，只可惜窩夫厚而偏實，毫不香脆，唔得鬆化，直令甜品美味程度大打折扣。隱藏於銀座購物區嘅地牢咖啡屋「Noa Café」環境、服務、衛生、食物質素等，各方面嘅水平均只屬一般，請恕細佬未能推介。
繼續閱讀