香港飲茶専門店 香港大飯店 (關內・伊勢佐木町)

去到橫濱，點可以唔去下中華街，作為日本三大中華街之一，歷史源與悠久。中華街一定要試下中菜😂，一過牌坊踏入街道，各式小籠句、生煎包、刈包店、台式飲品店、台式食品店、中菜餐廳、港式餐廳進入眼簾，可以😌食到好平賣包、燒賣等路邊進食，亦可以中價位的中菜放題（平均3-5000yen)。貴價點還可以去高級餐廳食套餐式單點。各式各樣咩野都有，今次試左選左間叫香港的試佢地放題，店員能操流利普通話，客人數量頗多，8成座入座率，驚訝的是客人大部分都是講日文的，得少量係普通話，廣東話就唔見有。

落單使用iPad 落單，規則上一定要花200-450yen叫一杯凍飲或熱飲🤔，飲完後出面有自助汽水/凍茶吧及甜品櫃，甜品櫃有芒果布甸、杏仁豆腐、豆糕、疑似杏仁糊等五類甜品。

講真的每碟份量都唔算細，肚子空間有限只能輕點幾樣試下味道。

碗仔翅：
有冬菇、金菇、粉絲、肉粒作材料，材料比例中少，湯汁唔算稀唔算杰，有少少似雞湯味？🤔

片皮鴨：
荷麗餅與片皮鴨賣相算係差，荷麗餅暖手但硬身，應該係凍左再蒸下。鴨無咩鴨味，青瓜蔥份量算多，原則上可以不點。

海蜇：
色水同我地平時食開有點分別，味道爽口，作為放題如果香港無論日式式中式放題都好少放呢道落去，因為呢道算係老少咸宜一道菜，有佢在香港應該供不應求。

小籠包：
皮算有點厚但夾起跌落唔會穿，肉汁味道一般，無特別鮮。

蝦餃：
皮厚，蝦肉入面無竹筍絲成件事無咁爽口。

燒賣：
可以接受範圍，豬肉味似食緊日式燒賣。

蟹肉鉗：
蟹肉多有誠意，肉質結實無散收收，唔知點解係茄汁。🤔

腰果雞丁：
雞粒雞肉味重，似雞腿肉。大蔥用日本大蔥味道變更香口。

蝦肉炒蛋：
蝦肉份量少仲要切粒無咩口感可言，蛋味ok唔係滑蛋遺憾。蔥花加分。

水煮牛肉：
合格，麻香，辛辣味有做到。

避風塘蝦：
炸粒係麵包糠粒唔係炸蒜唔夠香口，蝦唔入味。

白灼鮮魷：
灼得較生，但日本海鮮可以接受。豉油麻油有點重手，比較咸。辣椒乾無鮮辣椒果種辣味，明白成本關係。

豉汁蒸鳳爪：
色水做到，無乜豉椒味。豉椒好似失蹤左，最後食晒成碟晌碟底先見到一粒。

金錢肚：
醬料味食唔出係咩味😅，金錢肚唔靱，味道是有偏淡。

味道大致ok接受到範圍，不過係好抵食，最後埋單4000幾yen，覺得幾岩住日本當地華人解下嘴饞。