淺草商店街真係有好多美食㗎💁🏻♀️～除咗炸肉餅、紅白草莓串、草莓冰沙之外，妹豬仔同男朋友仲食咗呢個人氣必食嘅吉備糰子，行到店舖附近就已經聞到濃濃嘅香味喇😉～.🔸[吉備糰子🍡] (¥350)一份共有5串，每串有四粒吉備糰子，而糰子大小都係比較迷你😆。當俾完錢之後，店員就將浸喺熱水嘅5串吉備糰子取出，稍為瀝一瀝水再放入一大窩黃豆粉入面，令吉備糰子沾上滿滿嘅黃豆粉。.攞咗吉備糰子之後，就可以企喺店舖用餐區慢慢品嘗～吉備糰子仲係熱熱地，而且煙煙韌韌😍。黃豆粉令糰子味道甜甜地，但又未去到甜膩嘅程度。由於糰子比較迷你嘅關係，食完都唔會有飽滯嘅感覺，可以放心食完再食其他美食🤣。.💡妹豬仔話你知～吉備糰子🍡係日式糰子嘅其中一個款式，以黍子為材料，相傳源於岡山桃太郎嘅故事，由桃太郎婆婆製作而成，幫忙降妖伏魔。…查看更多
