影片
電話號碼
03-5568-1212
開飯介紹
連鎖壽司店，因使用全條海鰻的壽司而聞名。也提供精選套餐。
繼續閱讀
營業時間
今日營業
11:00 - 22:00
星期一至六
11:00 - 22:00
星期日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
招牌菜
安排坐在counter 前，司傅好nice，又介紹啲好野俾我地食，個三色海膽，碎拖羅，三文魚籽好正，眼闊肚窄，不定叫，原來佢每件size 都好大件，食完兩件超肥拖羅壽司已經半胞，件肥拖夠油夠甘香，忍唔住要叫碟拖羅刺身，入口即溶，除左拖羅，生蠔，左口魚，赤貝，甜蝦，白子，帶子⋯全部都好新鮮，仲要好抵食，要排隊都值得既！
繼續閱讀
上次無叫呢個蟹膏乜乜乜!!好彩今次食返,不能錯過的美食,600yen,兩個食到勁滿足超多蟹膏下層滿滿的蟹肉!!咁抵食~好過分!赤身很肥美,不要說中,大拖羅了~肯定更美味~大拖羅入口爆油!!無得頂極甜海膽!!綿密得來帶點爽口,無一般的海膽咁重海水味,又愛又恨所有壽司都比一般的大件,肥美,入口油份極重既左口魚,輕輕灸燒過令魚油更香!!赤貝厚身鮮甜,絕對不會失望!鮟鱇魚肝陣陣柚子味,食落唔覺好膩,魚肝香滑!
繼續閱讀
唔知係落雪 o 既關係，亦或係週末 o 既關係呢，嗰朝早無論喺街道上，亦或喺地鐡上，人流都少之又少，就連平時門口排長龍 o 既美登利壽司店都冇人企喺門口，真係有種杳無人煙 o 既感覺。 雖然街上冇乜人，但係原來壽司店內已經差不多爆滿，嘻嘻，好在咁啱有三張吉枱，剛剛好比我地十一個人坐哂。闊別四年，美登利壽司店外貌同以前一樣，無論係室內裝修 、 枱櫈 、餐具等，毫無 陳舊 feel ，衛生依然，而且人氣似乎亦冇減弱，因為我地坐低冇耐，門口已經排滿哂人，走時仲打哂蛇餅添。 店舖冇乜改變，不過識講國語 o 既妹妹仔就唔見咗，溝通變咗主要用日文。食物方面，因季節同上一次唔同，壽司店所推介 o 既食品及其提供 o 既精選套餐亦有所不同： 旬特選 Nigiri （季節週末套餐， 2,625 日元）：哥哥位靚女朋友極力推介，所以我地三個人叫咗一份黎分。套餐除咗有多款壽司外，每客亦包有一碗美登利獨有o既名菜「迷你蟹肉味噌沙律」（Mini Kani Miso Salad）、一碗迷你燉蛋、豆腐、及醃蘿蔔；當中「迷你蟹肉味噌沙律」真係名不虛傳，蟹肉鮮甜，配上味噌醬同時又覺野味，沙律頓時變得既清新又香濃！美登利絕不吝嗇，套餐o既壽司種類並非平野，更有大拖羅、中拖羅、海膽等貴價貨，只售2,625日元真係抵到爛呀 ！ 間八刺身（ Kanpachi ）：靚女姐姐話間八正正係當做期，依段時間食可稱得上最為肥美。間八刺身貌似油甘魚，味道亦頗為相近；個人覺得間八冇咁溜，口感較為爽口彈牙，清麗脫俗，果然冇介紹錯！ 精選金槍魚片拼盤（ 2,940 日元）：餐牌例明，此拼盤選用「極上」金槍魚，即吞拿魚，握製兩款壽司及一款吞拿魚碎卷，連湯同燉蛋。如相所示，葱花吞拿魚碎卷色澤鮮亮，味道更加係鮮甜香脆；兩款壽司亦不弱，又長又美味，而且魚油充足，超正！燒鱈場蟹：我地一坐埋位，服務生就立刻推介，話今朝早新鮮來貨，但只剩兩客，團友中多位係「蟹痴」，當然係要哂啦！蟹痴們評語為：「蟹肉鮮甜幼嫩，比起香港所食到o既美味得多，最重要係價錢平成三分之二，三個字講哂：平、靚、正！」 肥肥家族已經係第二次黎美登利壽司專門店用膳，雖然兩次所食 o 既魚生款色不同，不過美登利所選用 o 既魚材新鮮，提供 o 既食物全為高質，每次都食得咁開心 、咁滿足！ 就連第一次黎 o 既兩位靚女 auntie 都話想臨走前再返黎食多餐呀！
繼續閱讀