這次住六本木想找一間迴轉壽司吃晚飯，在google上找到這間分數都幾高嘅迴轉壽司。加上之前食過名古屋間梅丘美登利覺得好好味，就決定搭幾個站黎食。黎到足足排左差唔多2個鐘隊先食到😂😂但好彩張飛可以scan QR code睇仲有幾耐可以入座，可以周圍行下打發時間。壽司以迴轉黎講幾高質，大拖羅、生白飯魚、松葉蟹生熟兩食壽司好味，軍艦三拼都唔錯，海膽冇明礬味。蟹麵豉湯都係必點，好鮮甜。但鰻魚肝串燒好苦，唔建議點。最後點埋甜品樽仔cheese cake，芝士味香濃，奶香味重，好滑好好味。雖然等嘅時間有d耐，但食物質素唔錯，都算物有所值。…ดูเพิ่มเติม
