0
1
0
電話號碼
03-6263-0782
開飯介紹
高品質な「佐賀牛」を、部位に合わせた様々な調理法でご提供。オープン当初より人気のスペシャリテ「佐賀牛サーロインすき焼き仕立て」をはじめとする逸品の数々を、コースでお愉しみください。日本の文化と伝統が息づく有田焼や伊万里焼の器が、旬の食材を活かした料理を鮮やかに彩ります。厳選ワインとのマリアージュをどうぞ心ゆくまで。店内にはゆったりと寛げる完全個室を完備。大切な接待や会社の飲み会にもご利用ください。 繼續閱讀
營業時間
[月]  17:30 - 23:00 [火]  17:30 - 23:00 [水]  17:30 - 23:00 [木]  17:30 - 23:00 [金]  17:30 - 23:00 [土]  17:30 - 23:00 [日]  定休日 [祝日]  定休日 ■ 営業時間 21:00(最終入店時刻) ■ 定休日 日、祝日(詳細はHPをご覧ください) 日曜日、祝日
付款方式
Visa Master AE 現金 JCB Diners
其他資料
停車場
24小時營業
可吸煙
可訂位
以上資料只供參考, 請與餐廳確認詳情
食評 (1)
等級3 2024-01-24
35 瀏覽
近年人氣超強嘅跨學科藝術創意團隊「teamLab」於亞洲區極之活躍,原來此家日本公司早於2017年已經開始同餐廳合作,大玩創新嘅視藝餐飲體驗!第一間結精品就係伙拍銀座「佐賀牛」(Sagaya)所設嘅「月花 MoonFlower Sagaya Ginza Art by teamLab」。晚餐準晚上七點正開始,食客必需於六點四十五分前抵達,遲到者不能內進。樓底高高嘅互動領域相當寬廣,獨特嘅餐藝概念其實係將飲食空間締造成一個變幻不斷嘅立體舞台,讓貴客可置身其中化成一角。長達三至四小時嘅晚餐只有一款十二道菜「月花」廚師發辦料理(33,000円/位;另加稅及服務費),每次最多容許八人參與,客人必先於網上訂座並預繳全數。用餐前,哥哥仔先介紹超大型嘅餐桌為感官旅程嘅投射屏幕之一,並即場以名貴嘅陶瓷碟示範擺位如何影響射燈效果。飲品餐牌有好幾頁,包括配酒套餐(12,000円/位;另加稅及服務費),不過家人連日黎已經飲咗好多餐,結果啲大人開咗兩枝日本清酒分,細佬就簡單啲淨飲梅酒(1,200円/杯)。Early Spring顧名思義,「月花」用上季節嘅琪花瑤草作主題,一年換季四次。四月用餐剛好踏入春分,第一環節嘅初春,牆身及餐桌上同時生長出櫻花,腦中不禁奏起「櫻花樹下之綿綿頭上飛花」。Karasumi Monaka:第一道烏魚子最中餅原來早已放咗喺枱上面,暗藏於磨砂紙袋內。小點外脆內乾嚡,咸中帶微微辣,從大家嘅面部表情已可睇得出唔係咁開胃。Saga beef white kelp shrimp rolls and caviar:以魚籽醬點綴嘅佐賀和牛蝦卷清脆鮮爽,一口一件極易入口。Black abalone rice-mochi flour stew:形似火星嘅碟盤勁立體。上枱一刻即長出樹幹,漸漸地萌芽,開出片片櫻花。紅蓋下嘅兩片黑鮑魚煙韌有嚼勁,可惜同墊底嗰球飯團一樣淡而無味,單靠頂面嘅山葵只能添上一陣辣勁,設計者似乎過於著重電子藝術而忽略咗餐飲最基本嘅美味要素。Blue “Sometsuke” Blue Sashimi of the Day:第二節主題為「藍」,映畫自然地交接上富動感嘅流水。閃出銀藍光彩嘅平貝外殼頓化成河上一隻小船般,擺盤確真美艷。無奈偏乾嘅平貝刺身鮮味欠奉,麻麻過麻麻!Charcoal Grilled Scabbard Fish:視覺效果中,整晚最有驚喜就係每放一隻碟都會慢慢跳出飛魚嘅一幕!一如餐廳名「佐賀牛」暗示,海鮮菜式明顯並非廚師嘅手本,炭燒刀魚質感硬實帶韌,而且配唔夠汁,食落唔夠熱之餘兼帶點腥,失色之作也。櫻花飄散過後就輪到竹林伴著水仙一同綻放。Saga Beef Fillet Tempura:從碟邊生出水仙花嘅天婦羅和牛卷皮脆肉鬆潤,其中一件加配鮮亮嘅海膽喺面,成功為卷物增添鮮甜與嫩滑,視覺同味覺同時營造出錦上添花!Saga Beef Shabu-Shabu:必需由專人續一揭開嘅陶瓷蓋重量不輕。大大片涮涮佐賀和牛粉嫩潤澤,入口即溶化於舌上,滑溜非常,簡單浸上高湯已夠甘香!A Night in Spring餐牌上其實提到應有瀑布出現,不過到章節完結時只換上春夜篇中粉艷嘅杜鵑花登場,唔知係咪臨時被刪除咗呢?!Soup of the Month:碗中嘅玉子豆腐軟滑有彈性,白雪雪嘅魚肉雖則比之前啲魚魚幼嫩,奈何魚肉唔得鮮香,個湯底直頭清到好似熱水少甜咁,真係睇唔出特色何在!Charcoal grilled Saga beef steak:吸引到夜鶯飛近觀賞嘅炭燒佐賀牛扒色澤鮮紅奪目,肉質鬆厚爽潤,沾上鮮磨嘅山葵成功吊出和牛肉香。象徵著春季踏入尾聲,杜鵑開盡時即呈露出夢幻粉紫嘅紫藤花簾。<https://youtu.be/9_GnuYGI2bE>Japanese Clam and Sea Bream Clay-Pot Rice:熱食最後一道海鮮煲仔飯由經理哥哥現場撈製。順帶一提,整頓晚飯其實都係由下圖中右手邊嘅外籍哥哥仔作嚮導,講解視藝與餐飲嘅結構及資訊。煲仔飯熱辣辣、香噴噴,米飯粒粒飽滿,連殼嘅蜆隻亦鮮甜肥美,唯一小肥嫌飯中嘅鯛魚肉同豆豆乾乾嚡嚡,略有畫蛇添足之感。Flowers and People作結部份由翩翩起舞嘅蝴蝶領進鳥語花香嘅境界。Dessert of the Day:前菜熱食用上嘅大多為墜手嘅陶瓷瓦器承載,甜品則轉用透明玻璃器皿,實感煥然一新!是日甜品為士多啤梨三重奏,最底層有清涼微甜嘅海绵蛋糕,淋上士多啤梨醬,蓋上柔韌嘅糯米糍皮,頂面再以爽甜嘅士多啤梨肉點綴,組合集香軟爽潤清甜於一身,口感極富層次。Green Tea “Ureshino” & Petit Sweets:法式小點canelé深啡色嘅焦糖外層有啲硬同實,糕身亦唔得鬆軟。XO仔原本仲以為玻璃杯入面係甜品酒,點知哥哥仔介紹此乃同和牛一樣源自佐賀嘅「嬉野綠茶」,「嬉野」(Ureshino)係地方名。綠茶甘香清甜,凍飲尤其感受到春天氣息。首間與「teamLab」攜手合創嘅電子藝術餐廳「銀座佐賀牛月花」環境高雅闊落,服務生專業有禮。以春季作題嘅視藝幻影襯托著十二道菜晚餐絕對係一個嶄新且多元化嘅感官餐飲體驗!從藝術嘅角度黎睇確真盞鬼,之但係作為用餐者,卻留意到佐賀牛專門店所烹調出嘅和牛菜式高質美味,可惜海鮮類別不甚精彩,差距極端顯明,難免會令人覺得好睇唔好食,唔值四萬円囉!小弟愚見,廚師其實唔洗夾硬換上不善長嘅海鮮做主材去配合視藝中嘅河流、飛魚、藍海等細節,反而應該專心集中返喺主打佐賀牛,相信貴客們會更享受品嚐和牛三文治及和牛他他等佳餚。 繼續閱讀
(以上食評乃用戶個人意見 , 並不代表OpenRice之觀點。)