影片
以上資料只供參考, 請與餐廳確認詳情
喺「きすけ 赤坂本店」食完個親子丼午餐後，等待鄰近嘅天台花園「コマツビル屋上庭園」（Komatsu Building Rooftop Garden）開放時，七口子就喺街口間「ドトールコーヒーショップ」（Doutor Coffee Shop）坐底飲咗杯野，順便問定路。連鎖店快餐形式經營，見到有人離座就要快速霸位。餐牌項目大多為咖啡、茶、三文治同甜品。宇治抹茶ラテ（430円）：小肥所點嘅宇治抹茶拿鐵芳香柔滑，微甜暖胃。沖縄黒糖あずきラテ（520円）：姨媽們大讚沖繩黑糖紅豆拿鐵組合獨特，黑糖唔會過甜之餘，意外地混入咗紅豆蓉個質感同味道都完全冇衝突，好有新鮮感。半個鐘話咁快就到，最感動就係收銀妹妹細心體貼，可能見XO仔生面口兼啲日文有音，同行嘅長輩又行動不便，雖然每人淨係叫咗一杯飲品，埋位後不單幫忙多加清潔枱枱，臨行前解釋天台花園位置時仲行埋出門口帶路，其禮待之情實在誠懇！抱住靚靚心情賞花花，連相都影得份外迷人！
繼續閱讀