唔知大家有冇一聽到開關就開心到即刻幫手「癱瘓」航空公司網站去買機票「返鄉下」呢？雖然大熱直航點東京、大阪呢啲好快已經「升價十倍」，但相信仍然無阻大家嘅決心！買完機票，當然要Update吓呢兩年多咗幾多新嘢，去東京嘅話就唔使多講一定要去流行集中地——表參道啦！點樣安排一日行程同食盡啲？等我咃當地編輯介紹返~

Source

bills 東急プラザ表参道原宿

正所謂一日之計在於晨，食份又豐富又靚又好味嘅早餐真係好重要！而呢份世一早餐，大家可以喺表參道Tokyu Plaza 7樓嘅 bills搵到，兩個人去，一個人叫份鹹食 (譬如係澳洲全日早餐)，另一個叫份招牌香蕉蜂蜜奶油鬆餅就剛剛好！如果朝早排隊等太耐，可以考慮喺網上預約晚餐時段時間，人少啲分分鐘仲可以坐到表參道店嘅人氣「圖書館」位！

表参道バンブー

一早已見識過bills嘅美味？早起唔到？一大班人去啲細咖啡店驚好難等位？唔驚！呢度介紹返一間景靚嘢食正嘅意大利餐廳俾大家認識，佢哋嘅拿坡里薄餅出名嘅菜式係窯烤「瑪格麗特」Pizza (1,870円)，人多嘅話可以乾脆叫埋有齊前菜、主菜、意粉同甜品嘅「BUONISSIMO」套餐(4,180円)，坐喺露台一邊傾計一邊分享，都咪話唔Chill吓~

Source

Source

Cafe & Dining ZelkovA

食完晏晝，下一餐當然唔係晚餐，而係下午茶！！呢間餐廳佈置到成個歐式花園咁，採光極好，無論係嘢食定人都係咩角度影都靚！2022年更係佢哋開業5週年，現正推出特別下午茶套餐，偏高貴款又有，走可愛路線食埋「哈囉喂」主題都有！講真如果唔係話一大班人驚食唔飽，上面間意式餐廳可以直接SKIP嚟食呢間。佢哋嘅「Prefix lunch」套餐 (3,500円) 主打健康食品，當中更有素食Menu可供選擇㖭！最後提提大家，佢哋設有網上預約，Book定先就唔驚有得睇冇得食啦~

Source

▼9/6-10/31 (reservation required) Montblanc Afternoon Tea

Source

MERCER BRUNCH TERRACE HOUSE TOKYO

有飯前飲杯嘢習慣嘅話，搵個睇到靚靚日落景或夜景嘅地方就至關緊要喇！好似呢間有室外座位，又位於大廈天台可以望到聖葛蕾絲大教堂，仲要行2分鐘就到表參道B2出口，真係諗唔到有咩理由拒絕入去囉~
另外呢度嘅環境佈置都適合慶祝特別日子嘅，大家可以喺度鋸埋扒甚至叫個配咗香檳嘅「Prefix Share Plan」(6,000円)套餐慢慢歎。

Source

Source

GENTLE Dining & Sushi Bar

去到最重要嘅晚餐時間，我哋駐當地嘅編輯就推介呢間少少「隱世」嘅地中海料理X壽司吧。雖然事實上係分成兩層，但其實去1樓地中海料理果邊叫份「Prefix Course」(5,940円；包前菜、主菜、意粉同自選甜品) 晚餐之外，都可以喺A La Carte Menu叫到燒牛肉同拖羅壽司。如此一來，心多多嘅為食鬼s唔使再頭痕啦~

Source

Source

今期流行!!

くら寿司 原宿店

嚟表參道無非都係想睇吓「潮物」，而於上年12月開幕至今一直都喺日本民眾SNS平台上爆多討論嘅新餐廳莫過於呢間原宿店藏壽司喇！佢特別在成功將原宿系Kawaii文化融入和食中，就算唔入去堂食都見到好多好似下圖彩色日式燈籠牆呢類有趣嘅打卡位。入埋去就仲精彩，大家點估到壽司竟然可以同Crepe (可麗餅)合體？雖然了解清楚啲食材組合之後會發現好合理，但起碼先聲奪人ed！

Source

Source