橫濱嘅紅磚倉庫係橫濱嘅必遊之地，原為保稅倉庫，於2002年被改造成橫濱最著名嘅購物區之一，附近仲有橫濱港未來21和合味道紀念館添。以下小編介紹返紅磚倉庫內幾間餐廳，啱哂舒舒服服食餐晏或者hea住食個tea。
横濱たちばな亭 横浜赤レンガ倉庫店餐廳位於紅磚倉庫一樓美食廣場後面，係橫濱最受歡迎嘅蛋包飯餐廳之一！經典的蛋包飯有軟滑蓬鬆嘅雞蛋配上濃郁嘅濃縮牛肉醬汁，叫定食的話仲有薯仔沙律及飲料。
另一個選擇係豬肉燴飯，唔單止有份量十足兼醃到入哂味嘅豬肉，仲有一隻半熟溫泉蛋、「福神漬」漬物、沙律同飯，夠曬豐富。
チャノマ 横浜
想搵個地方慢慢hea，可以去三樓嘅Cafe「チャノマ 横浜」。店內裝潢有經典日式茶室風格之餘，亦帶現代風格。客人可以選擇三種座位：標準檯、卡位及最獨特嘅床式躺椅。客人需要根據座位偏好排隊，等候時間會因座位類型而有所不同。
呢間雪榚店最出名係經典牛奶口味及吉士口味，味道清新唔會太甜，另外亦有各種季節性口味以供選擇。
View this post on Instagram
除咗以上介紹嘅幾間餐廳，紅磚倉庫入面仲有唔少美食，想食得豐富啲又有，輕食又有，食飽又可以繼續shopping，喺度hea足成日都冇難度啦~