日本人其實好少會出街食早餐，大多數都係喺屋企解決。所以一到早餐時間，真正有開門嘅餐廳其實唔多。如果你住嘅酒店包早餐就當然冇問題，但如果冇包，朝早要搵地方食嘢，真係會有啲頭痕。
想喺東京食到一頓正宗嘅早餐？今次就由海鮮壽司、早午餐到日本傳統定食分3大類為大家推介9間必去餐廳，無論係觀光前嘅一餐，抑或係慢慢歎嘅早晨，都可以搵到心水選擇！
營業時間及餐牌價格或會有所變更，出發前請先到官方網站確認最新資訊。
🍣 早上就食海鮮！東京2大市場豪華早餐推介
お食事処 たねいち（築地海鮮丼／海鮮料理）
Resouce:OpenRice.com營業時間：07:30～16:00（不定休）
推介菜式：本日9種海鮮丼 ¥1200
位於築地場外市場附近，主打豐洲市場及各地直送嘅海鮮，用料豐富份量十足，價格相對親民。人氣嘅海鮮十種丼、各種魚類丼飯用料實在，份量豪爽，飯量加大免費＋紫菜味噌湯任飲，可以一次過味嚐東京海鮮精華。
多け乃（築地傳統魚料理）
Resource:User tomizou’s photo營業時間：【星期一～五】11:00 - 21:00／【星期六】11:00 - 20:00／【星期日・公眾假期】休息
推介菜式：炸蠔定食 ¥1600
有超過數十年歷史嘅老字號魚料理店，提供多款魚介定食同炸物定食。純日本人小店，基本見唔到遊客。 外觀同店內都充滿昭和風，推門入去好似瞬間穿越返 40～50 年前，氣氛已經值回票價。推介「炸物定食 」，CP 值相當高。炸蠔一咬落去即爆汁，配搭白飯同味噌湯都非常有滋味。
寿司処 やまざき（豊洲壽司／海鮮料理）
Resouce:OpenRice.com
營業時間：【星期一・二・四・五・六・假期前後日】07:00 - 13:30／【星期三・星期日・公眾假期】休息
推介菜式：廚師發辦壽司套餐 時價
位於豊洲地區高評價嘅壽司店，以精緻壽司聞名。招牌新鮮壽司組合適合想來一頓高質海鮮早餐或早午餐嘅旅客。環境舒適、選料講究，食材鮮味濃郁，係壽司迷嘅推介之選。
🥞 打卡一流！東京都市時尚Brunch
Sarabeth's LUMINE 2 Shinjuku Branch（紐約風早午餐）
Resource:User 蜂蜜長頸鹿’s photo
營業時間：09:00 - 22:00
推介菜式：Classic Eggs Benedict ¥2,000
來自紐約人氣早餐品牌 Sarabeth’s，曾被《New York Magazine》封為「紐約早餐女王」。最出名嘅係法式吐司、班尼迪蛋同鬆餅。走健康又精緻路線，風味豐富，啱晒想食豐富早餐嘅旅客。喺新宿 LUMINE2 分店食完直接shopping夠哂方便。
bills 東急Plaza表参道原宿（澳洲風早午餐）
Resource:User Priscilla Chan’s photo
營業時間：08:30 - 22:00（不定休）
推介菜式：Ricotta 鬆餅 ¥2,400
位於表參道東急Plaza嘅 flagship 店，係來自澳洲悉尼嘅人氣 All Day Dining。以鬆軟 Ricotta Pancake、滑蛋同咖啡聞名，地段優越兼有開揚景觀，可慢慢享受悠閒 brunch 氣氛，非常適合作為東京觀光前嘅一餐。
Furutoshi（Buffet／混合料理）
Resouce:OpenRice.com營業時間：07:00 - 22:00（不定休）
推介菜式：早餐全自助餐 ¥3,300
位於「Solaria Nishitetsu Hotel 銀座」2樓擁有超過 20 年歷史嘅餐廳，一直堅持選用優質食材，提供可以輕鬆享用嘅大人系 Casual 意大利料理。
早餐係 Buffet 形式（早餐時段不設預約，請直接到店）早餐時段仲有和食選澤。可以喺銀座地段由朝早開始食高質早餐Buffet，酒店餐廳果然有水準。
🍱日本傳統早餐 和式定食
おひつ膳 田んぼ 表参道店（表参道傳統日式定食）
Resource:User DeN dEn’s photo營業時間：【星期一～六】11:00 - 20:30／【星期日・公眾假期】休息
推介菜式：おひつ膳（味噌煮鯖魚）定食 ¥1400
主打「おひつ膳」，係一間以白飯出名嘅定食店，對米飯品質相當講究。店舖使用即日精米、即煮嘅白飯，入口香軟，米味特別突出。用嚴選米飯配搭各種小菜同烤魚，講求米飯嘅口感同食材本味。來到表參道嘅早上，喺呢度慢慢歎份傳統日式早餐，係一種治癒身心嘅好方法。
定食屋 しんぱち食堂 渋谷店（渋谷平價定食）
Resource:User LenaKong’s photo
營業時間：07:00 - 23:00
推介菜式：早餐燒三文魚定食（普通飯量）¥572
以平價又有質素嘅定食聞名，主打各款燒魚料理，深受上班族同旅客歡迎。早上開始營業就有各款經典日本家庭風定食，人氣早餐「朝燒三文魚定食」，三文魚同白飯永遠係最穩陣嘅組合。另外可以加錢追加小菜，例如四季豆芝麻拌菜、炒蘿蔔絲等，令整個早餐更豐富。
早餐時段提供 4 款早餐選擇，價錢親民，朝早都有唔少客人排隊入座，人氣相當高。
かつおとぼんた（渋谷和食小店）
Resouce:OpenRice.com營業時間：08:00 - 22:00（不定休）
推介菜式：早餐A套餐（飯糰價錢）＋¥200
位於渋谷 Stream 商場附近嘅日本小店，以簡單和食小碟、配飯同湯早餐為主。「飯糰＋小菜套餐」以配埋小菜拼盤同味噌湯。小菜內容包括炸雞、玉子燒、漬物等，簡單但好滿足。
定位比較平民，日式口味親切，份量適中，好適合行程滿檔前快速解決一餐。
※注意：以上價格為以2026年2月的之參考價，實際金額將以當日為準。預約前請確認最新價格。
※擅自取消會對其他顧客和本店造成不便。如您無法如期出席，請務必要在事前取消預約！