串遊海鮮 かいり (惠比壽)
在 Instagram 查看這則帖子
牛たん焼きしゃぶ 元祖たこしゃぶ 紅れや 池袋西口店 (池袋)
牛舌關注組成員見到張相都見到個火鍋有幾浮誇啦，真係唔只要Bookmark，直情係要去啊！一字排開嘅牛舌大概有20幾塊(按人頭計)，下面用差唔多份量嘅芽菜墊底，食嘅時候只要夾牛舌放入中間嘅清湯涮一涮，再點個特色蘸醬食就得！留意返個鍋身都滾到熱辣辣，夾肉時要小心燙手！另外呢度仲有招牌八爪魚涮涮鍋同鐵板拉絲芝士章魚燒，人多嘅話就可以我全部都要啦！
九州黒太鼓 池袋 (池袋)
同上面一樣位於池袋，而且一樣走浮跨系路線，分別只在於食材同表現手法！呢度嘅名物係疊到成座山、規定有2個人先可以叫嘅「肉肉肉×29盛り鍋」，有辣、黑芝麻同芝士口味；如果想食得再有特色啲仲可以叫餃子餃子餃子鍋、食完保證口臭嘅洋蔥x大蒜x蔥鍋，總之種類繁多，梗有一款適合啦！最後都想提吓呢度啲座位大部分都係畀竹林包圍住嘅圓檯，有私隱度之餘仲真正地呈現到咩叫圍爐取暖！博多 もつ楽 渋谷店 (涉谷)
講到日本火鍋派系又點少得九州牛雜鍋呢？東京作為都心又點會冇得食呢？但我哋喺呢篇文章係唔會介紹平平無奇嘅牛雜鍋，要食就食有埋明太子嘅版本啦！呢度講明只用老品牌KANEFUKU所出品嘅明太子，如果講明嚟慶祝生日或係紀念日更會幫手砌個心型出嚟畀個驚喜大家。隨住滾起時間愈長，成個鍋嘅顏色會逐漸變成粉橙同粉紅色之間，最後用湯底煮雜炊就更加明顯係粉色，成功打破牛雜鍋浸「佬味」令呢間店變得特別受女性客人歡迎！
CAFE RAMBUTAN (新宿)
去日本玩但去食泰國嘢？係啊~尤其如果自問係芫荽控就更加不能錯過呢間距離新宿駅極近 (Metro A6出口有Lift行一分鍾左右就到！)、室內設計又超級IGable嘅泰國菜餐廳 (Post相後其他人可能以為點解突然由東京飛咗去泰國！)~~因為呢度有超級多芫荽菜式，當中一道無限添食芫荽嘅冬蔭功火鍋更係綠得令人雙眼明亮哂！留意返，呢個鍋一樣係按人頭收費，最少2個人先可以叫。另外餐廳亦有包埋沙律、咖哩同甜品合共23種餐點嘅午市冬蔭功 / 泰式壽喜燒火鍋自助餐，收費2,200円起，去得長時間旅行嘅朋友想偶爾轉換吓口味，呢個價錢嚟講試試無妨！