米芝蓮指南京都大阪2018雖然喺11月10日先出版，但已經率先於網上公佈餐廳名單！今年有412間餐廳上榜，京都有185間，而大阪就有227間。兩地不約而同都多咗一間三星餐廳，其他維持不變，驚喜欠奉喎！
大阪米芝蓮三星餐廳有4間，新上榜嘅HAJIME唔係日本料理，而喺法日創意菜，之不過呢間餐廳其實於2010至2012年已奪米芝蓮三星，曾經係全世界開業最短時間奪得三星紀錄保持者及大阪唯一一間三星餐廳，2013至2016為二星，上年更加完全沒星，今次再度吐氣揚眉奪得三星。(👉大阪米芝蓮2018完整名單)
新三星餐廳：
餐廳於2008年開業，日籍大廚米田肇原先係工程師，後來自學成才。他的理念是美食與大自然對話，Tasting Menu有14-16道菜，菜式細膩驚艷，招牌菜「地球」用上100種蔬菜炮製。
二星餐廳布有17間，同去年維持不變。一星餐廳就有75間，今年新增咗13間，大部份都係新開嘅高級懷石料理或者法國菜為主，變化不大，比較突出嘅係有一間中菜上榜。無論如何，即刻睇睇有啲新面孔先！下次去大阪可以book定出發喎！
新一星餐廳：
開業4年，大廚藤田晃成曾遠赴法國、西班牙進修4年，曾經在喺里昂跟國家級名廚學藝。擅於炮製新派法國菜，菜單以多款小碟呈上，將同一款食材以不同手法烹調。
舊名為Unisson des Coeurs嘅法國菜，地址隱蔽，舖頭低調甚少接受採訪。大廚阪本曾在巴黎酒店Le Meurice工作，菜式賣相樸實無華，以經典法國菜為主，肉類及醬汁特別講究。
於2017年1月開業的新店，不足一年就摘星！大廚於二星懷石料理名店とよなか桜会出身，餐廳以95年歷史的古民家改裝而成，主打高級割烹料理。菜式以時令食材配搭，賣相精緻。
少數奪星扒房，大廚曾在意大利學廚，師承米芝蓮三星廚師。最特別係一座特製烤爐，用上法國白土製成磚頭製作，遠紅外線配紀州備長炭燒烤，燒出來黑毛和牛有炭香亦保留肉汁。
此店於2016年曾有一星，搬至心齋橋後今年再度摘星，店主兼大廚大屋友和曾在浪速割烹名店「㐂川」工作11年，將懷石料理大眾化，將傳統日本菜式如吉列豬扒及咖喱飯變調及升級。
位於西天滿的低調和食屋，大廚曾在名店神戶吉兆工作，走實而不華路線，精選季節食材炮製傳統懷石料理。
甚少有中國菜可以奪星！呢一間人氣中華料理店大廚澤田，曾於香港福臨門學廚，回國後名古屋福臨門、人氣店中國旬菜サワダ任總廚，去年自立門戶開店，供應四川、港式點心等食物。
今年3月先開業，店主藤川慎司於多間割烹名店如「船場吉兆」、「一汁二菜うえの」及「よどやばし 燁」工作。選用日本各地的高級食材，招牌菜有即席製作的天婦羅。
呢間高級和食店去年11月開店，罕有地由女廚師中村明美主理，曾於「一汁ニ菜 うえの」、「本多」工作，菜式做得細膩精緻，以多款食材配搭，賣相亦漂亮。
メゾン タテル ヨシノ （Maison Tateru Yoshino）
法國餐廳位於大阪皇冠假日酒店內，曾在巴黎開設一星餐廳、東京Tateru Yoshino Ginza的米芝蓮名廚吉野建監修，於去年9月開業。菜式融合新舊特色，如使用真空烹調法炮製。
去年11月開設，店主兼老闆於「本湖月」出身，自立門戶，請來著名室內設計師操刀，簡潔帶禪味。菜式賣相及製法講究，如選用兩年熟成的北海道昆布、琵琶湖魚即席炭燒、鮑魚天婦羅等。
開業4年的新派法日料理，店主兼大廚仲嶺淳一，曾在巴黎三星餐廳Astrance工作，夥拍東京三星Quintessence大廚，著重鮮味，減少油鹽份量，連餐具、酒杯、茶葉亦一絲不苟。
大阪麗思卡爾頓酒店內的法國菜，以海灣的法文命名，以海鮮為主打。法籍大廚來自布列塔尼大區，經典法式煮法創作帶家鄉風味的海鮮菜式。
其他米芝蓮消息：
大阪米芝蓮2018 車胎人平民推介精選：https://s.openrice.com/UbbcAzu0000
大阪米芝蓮2018完整名單：https://s.openrice.com/UbbcAzW0000
京都米芝蓮2018完整名單：https://s.openrice.com/UbbcAze0000
文：Perrins