2018年10月築地嘅場內市場正式搬遷到豐洲市場，入面當然有唔少知名餐廳，成為東京新美食景點。前篇會介紹新東京廚房豐洲市場嘅交通方法及設施。
築地市場使用多年日漸老化，為咗提供一個更安全可靠嘅環境，所以搬遷至新建嘅豐洲市場。除了海產、蔬菜和肉類等新鮮食品外，仲有鮮花批發。
交通方法
可乘搭電車或巴士前往豐洲市場。
今次小編選擇乘搭電車前往。🚃
▼坐「ゆりかもめ」線到市場前駅下車
▼出咗閘機就有指示，轉右係水産仲卸売場棟，轉左係青果棟、管理施設棟、水産卸売場棟
▼要留意路中間有塊牌，寫住當日係咪市場開放日
［出車站後往右］
水産仲卸売場棟
豐洲市場內最多餐廳(3F)及商店(4F)嘅大樓。仲有可以一覽東京灣嘅天台綠化廣場及參觀畫廊等。
▼從車站出嚟跟住指示行天橋，就可以抵達水産仲卸売場棟3樓餐廳樓層入口
▼3樓餐廳樓層 / 築地市場大熱嘅 
壽司大、 小田保都喺呢度。下圖箭咀位置就係車站天橋出入口位置
▼行到攰可以去天台綠化廣場休息吓。天氣好嘅時候可以望到台場嘅彩虹橋、富士山、東京鐵塔！上天台廣場嘅電梯喺車站往「水産仲卸売場棟」嘅途中，跟住指示唔算難搵。
［出車站後往左］
喺青果棟、管理棟都有餐廳進駐
想參觀吞拿魚拍賣嘅話可以前往水産卸売棟
管理棟有通道前往水産卸売棟。2019年1月15日起可以參觀豐洲市場嘅吞拿魚拍賣，詳情可參考官網。
▼拎到參觀証之後可以進入。水産卸売棟」。離開時記得要歸還參觀証
▼一般參觀人士只可以進入2樓嘅參觀畫廊、1樓嘅拍賣參觀平台。
參觀畫廊有可以望到拍賣情況嘅空間，亦有看板(以日文為主)介紹水産卸売場
即睇豐洲市場攻略後篇>>必食美食、豐洲新打卡勝地