米芝蓮指南京都大阪2018結果已經出爐，不過星級餐廳大部份都係好高檔嘅懷石料理同法國菜，晚餐至少萬円起跳，貼地啲梗係要睇車胎人美食推介啦！今年都多咗15間新餐廳，有拉麵、章魚燒等平民美食，今次幫大家精心挑選咗9間出嚟，去大阪旅行要做定功課呀。
拉麵篇：
開業3年，招牌拉麵配以清爽鹽味湯底，叉燒有燒吞拿魚臉頰肉及有柑橘風味嘅雞肉兩款，加埋粟米仔、蔬菜等配料，仲有煮干醬油、魚白湯及季節限定款式。
用雞及豬骨熬成的白湯，用壓力鍋130度高溫熬成忌廉般濃厚質感，加上如奶泡狀的柚子泡沫及秘製醬油，相當特色。不時推出新口味如蕃茄湯沾麵、冷煮干拉麵等。
曾多次獲獎同參展拉麵博覽，湯底為雞加魚介清湯，以數十款食材熬出鮮味，麵條為自家製粗麵，富彈性有麵粉香，再加上低溫熟成的地雞叉燒，有雞髀肉及雞胸肉兩款。
章魚燒篇：
這一家新派章魚燒吧，只有幾個吧枱座位，店主希望突出自家製木魚昆布汁的風味，只會加少量調味醬，章魚燒亦比一般挺身。店子有法式送酒小菜，可以用葡萄酒配章魚燒。
位於梅田的立食店，有多款醬汁可選，包括醬油、鹽及鹽醬，不停新鮮出爐，質感軟綿綿，用活章魚製作亦好鮮味。最出名是葱花沙律醬，葱多到完全覆蓋，加埋柚子醋好醒胃。
裝修新潮，不過卻以傳統口味做招徠，用料講究，用熊本天草產章魚、出汁及鹽，外層就係用北海道小麥粉及島根縣雞蛋，連葱花都係高級九条葱，以陶藝家作品盛載上枱。
御好燒篇：
好難訂位嘅人氣店，於飲食網站中評價第一位，主打鐵板燒及大阪燒，大阪燒為厚身橢圓形，但質感相當軟滑，亦有加入豬肉的豚平燒可選，串燒款式反而走創作路線。
串揚篇：
大阪名物串炸專門店，裝修及食物同樣新穎，只用時令食材製作，好似有小洋葱、螢光魷魚配香草醬油牛油等甚至鮑魚等。設有廚師發辦，可試勻12款特色串炸。
烏冬篇：
將平民的烏冬變得精緻年輕化，烏冬為自家製麵，用100%日本小麥粉製作。招牌菜有近江和牛shabu烏冬，將熱辣辣的湯倒入烏冬內，好看又好吃。十款野菜烏冬亦很受女性食客歡迎。
其他米芝蓮消息：
京阪米芝蓮2018 大阪新摘星餐廳介紹：https://s.openrice.com/UbbcAzm0000
大阪米芝蓮2018完整名單：https://s.openrice.com/UbbcAzW0000
京都米芝蓮2018完整名單：https://s.openrice.com/UbbcAze0000
文：Perrins