更多
2017-09-25
307 瀏覽
第1晚食完溫野菜放題，而今日下晝又係奈良餵完鹿仔，第2晚應該食番Light D，減低番罪疚感 不過，晚餐都唔可以求求其其既，所以賴生就帶屈小姐黎到呢間由在地日本人推薦既《浪花蛋包飯》，仲係全國得獎蛋包飯添！賴生帶住屈小姐一路係心齋橋奔馳，為既就係可以趕及係夜晚9:00前去到，點知賴生居然記錯左位置，好彩即時check多次，係岩路既，不過要行多2個街口，最終係0906到達，但一開門滿晒座，老闆見我地趕頭趕命咁，叫我地係出面等等 好彩有得食！想食既朋友，千祈唔好學我地較到個時間咁炆呀！ 係門口坐低等左15分鐘，我地就可以入去啦！原來呢度老細係One man bank，侍應廚師收銀都係佢，所以採用Bar檯設計，而座位有限，大約一次過招呼到十個人左右！客人需要自己斟水，袋就有籃比你裝放係地下，而食完都麻煩順手將食完既所有野擺高至老細既檯面，方便佢收同清潔我地都幾鍾意呢種Bar檯，因為可以睇到晒師傅點準備，同客人又互動D親近D，不過大前提係：廚房抽風一定要夠勁，唔會搞到成身油煙味，呢度做得到！安全達陣之後我地就睇下食咩啦！屈小姐當然要叫個Signature 既浪花蛋包飯啦，另外賴生大食，就叫左漢
賴生帶住屈小姐一路係心齋橋奔馳，為既就係可以趕及係夜晚9:00前去到，點知賴生居然記錯左位置，好彩即時check多次，係岩路既，不過要行多2個街口，最終係0906到達，但一開門滿晒座，老闆見我地趕頭趕命咁，叫我地係出面等等 好彩有得食！
想食既朋友，千祈唔好學我地較到個時間咁炆呀！ 係門口坐低等左15分鐘，我地就可以入去啦！原來呢度老細係One man bank，侍應廚師收銀都係佢，所以採用Bar檯設計，而座位有限，大約一次過招呼到十個人左右！客人需要自己斟水，袋就有籃比你裝放係地下，而食完都麻煩順手將食完既所有野擺高至老細既檯面，方便佢收同清潔
我地都幾鍾意呢種Bar檯，因為可以睇到晒師傅點準備，同客人又互動D親近D，不過大前提係：廚房抽風一定要夠勁，唔會搞到成身油煙味，呢度做得到！
安全達陣之後我地就睇下食咩啦！屈小姐當然要叫個Signature 既浪花蛋包飯啦，另外賴生大食，就叫左漢堡排浪花蛋包飯，之後我地想食菜，話要加200Yen要個沙律，老闆即時話唔駛嫁，叫飯有包1碗湯同1個沙律嫁（屈小姐心裏有個謎：賴生幾時識聽日文嫁？）
落完單之後，老闆就展現佢既功架啦，佢即時裝起左D白飯，即場炒個蕃茄飯底，炒既過程超香，離遠都聞到濃濃蕃茄味，過程唔駛5分鐘，炒好之後就裝係飯煲保暖！
跟住佢就開鐵板，拎左舊肉出黎用手搓到變餅，拍下拍下(xN次) 就搞掂落板煎，然後係兜芝士上面加入3.8牛奶，放上鐵板上烘溶佢。隨即再用蛋漿煎蛋，兩三下手勢純熟地用筷子搞下，再拋拋煎Pan，之後鋪飯，落煎好既蛋，淋上咖哩汁，再加D秘制炆牛筋，就整好啦！賴生果個就再加塊漢堡扒係側邊 不過老闆整野既時候，你都可能好忙既，因為有好好味既湯同沙律食
餐前清湯
28 瀏覽
0 讚好
0 留言
1）餐湯：5⭐️
好重菇味既清湯，超濃菇味！正正正！完全諗唔到清到咁都可以咁濃味
餐前沙律
21 瀏覽
0 讚好
0 留言
2）餐前沙律：4.5⭐️
好新鮮既沙律菜呀，鮮甜爽嫁佢有3支沙律醬任你加
和風沙律醬：4⭐️，最普通既和風味，酸酸甜甜
檸檬沙律醬：4.5⭐️，超重檸檬酸味！好刺激！
胡麻醬：5⭐️，好香既芝麻同花生醬味！最緊要係芝麻味出
屈小姐之選：
浪花蛋包飯
¥1400
88 瀏覽
0 讚好
0 留言
3）浪花蛋包飯 (正常量)：5⭐️
流心兼夾好味到核爆!! 真係超強既一份蛋包飯，任何一樣食材單拖出場都咁好味道，而夾埋一齊唔搶味之餘，更加令味道層次提升!! 難怪可以拎到全國大獎!!
首先佢既流心程度真係流得好勁，屈小姐初初擔心唔係奄列蛋果隻可以用刀cut開咁流心，但當個飯一到，賴生問佢係唔係呢隻呀? 屈小姐bling bling眼咁答: 係呀係呀係呢隻! 佢流心程度滿分，加上有蛋香蛋味，又夠滑!! 爆正!!
而且，新鮮炒起既蕃茄飯勁香，蕃茄味好重，酸酸甜甜超開胃呀!!
個咖喱汁又夠香濃，少少少少辣，但香料味重!!唔會遮晒其他野既味!!
芝士汁夠晒流心同量多，芝士味香而濃，出奇地好夾個咖喱!!
最後，加埋老闆既秘制日式燉牛筋，切到細細粒，香甜得黎又淋又有牛肉味! 不過呢個日式既燉牛筋同香港既完全唔同，香港用既多數係全筋，而日本用既每粒都帶肉既，而且香港大多係鹵水或者五香! 風味完全唔同嫁
能夠拎到全國大賞，好大部份都歸功於佢複雜又帶層次既味道 獨自食，每樣味道都好好食；夾埋晒一齊食，佢又唔會互相搶focus 一啖過你會依食到芝士既濃香->香濃咖哩->香甜牛筋->滑得黎又濃既雞蛋->最後係蕃茄飯既酸甜味!! 一流!! 連夜晚唔多好食飯既屈小姐都食左好多!!
賴先生之選:
漢堡扒浪花蛋包飯
¥1800
79 瀏覽
0 讚好
0 留言
4) 漢堡扒浪花蛋包飯 (正常量):5⭐️
塊漢堡扒呢，超厚身!! 成5cm 厚咁濟，咬落去勁彈牙，超Juicy，肉汁飛晒出黎咁，入面有好多洋蔥粒粒，甜甜地又有口感!! 400 yen 超值!!
不枉我地趕住去食~~真係好好味呢!!! 好值得去食!! 日本既蛋包飯超得!!
#好叻呀行錯路都無發脾氣
#進步好大
#食到蛋包飯啦
#全國大賞蛋包飯
#全球大賞女朋友
#最愛食蛋
#香港可唔可以開番間
#辛苦你啦
#好彩有黑洞胃賴生
張貼
