4
0
0
電話號碼
06-6213-0131
營業時間
今日營業
24小時營業
星期一至日
24小時營業
付款方式
現金
其他資料
24小時營業
只接受現金
附禁煙區
可吸煙
可訂位
酒精飲料
食評 (5)
等級2 2018-08-26
63 瀏覽
喺日本,點可以唔食拉麵,呢間係睇推介去的,唔伏,仲幾好味㖭!.無點最貴嗰個超濃湯頭,呢個下一等嘅味道已經好出,食得舒服,豬骨湯味濃度十足,調味恰到好處,沒有誰搶了誰的感覺,叉燒中規中矩,未有神來之筆嘅感覺。.餃子是有點驚喜,真正皮薄餡靚,咬一口焦脆外皮,內裡細軟嘅餡料味道濃厚,肉和菜融為一體,誰都分不了誰,卻又出奇地和諧,令你忍不住一件接一件擺進口裡。.非常滿足的一餐,有時候吃東西不是要吃撐肚子才滿足,簡單的一餐拉麵餃子,也可以令你心滿意足。 繼續閱讀
(以上食評乃用戶個人意見 , 並不代表OpenRice之觀點。)
炒飯偏咸,拉麵可接受!唯一不能接受侍應態度好差,叫餐途中,中途轉其他食物,就服侍應黑面的態度對待,仲要拍壹發脾氣?什麼意思?我問心我態度好好的~下次不會再光顧! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-05
58 瀏覽
今次旅行之前有做功課當然唔會放過同老公嚟呢間位於難波嘅花丸軒拉麵啦,舖頭唔算大,估計可以坐10多個客人左右。今次專登嚟試呢度嘅推介“軟骨叉燒肉拉麵”,我哋另外再點左個“幸福拉麵”。兩個拉麵嘅湯底都好濃郁好好味,我自己本身鐘意軟骨叉燒肉拉麵個湯底多少少。餸方面軟骨叉燒肉拉麵就真係有一條又大又長嘅豬軟骨,豬軟骨炆得好腍入口即化,味道亦好夠味,超正!除左豬軟骨另外仲有一片獅子狗卷、紫菜同青蔥,呢款麵真係好好味,無得輸!另外嘅幸福拉麵餸就有一塊豬軟骨、2片叉燒、亦都係一片獅子狗卷、紫菜同青蔥,味道方面亦都好正!總括嚟講呢2款拉麵都好好味,我下次再嚟大阪的話都會再返嚟幫襯! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-19
54 瀏覽
同老婆去大阪旅行,去完心齋橋行街肚餓揾野食,今天特登去幚襯聞名已久的 ''花丸軒'',位置在道樂(細嗰間)金龍拉麵側邊條行直入,一蘭拉麵附近。門口大大隻字寫住 ''花丸軒'' 好搶眼多款拉麵、小食和飲品任君選擇。全場座位爆滿,好有氣氛。我叫左碗豬軟骨湯拉麵(950¥),加半隻蛋(50¥)。湯底超濃味但唔漏麵底口感一流好彈牙,份量十足,差點食唔晒豬軟骨的脂肪分配十分平均,同時是燒的,入口即溶,口感簡直是無敵,大大條份量十足,女仕們未必食得晒。極力推介我老婆叫左碗豬腩肉拉麵(750¥),加半隻蛋(50¥)。湯底味無咁濃但好味。麵底都一樣好味豬腩肉爽口彈牙,少少咸,唔錯。 繼續閱讀
(以上食評乃用戶個人意見 , 並不代表OpenRice之觀點。)
假期出走大阪4日,到步安頓後便到心齋橋難波附近逛逛,一心想食碗道地的拉麵,選擇也不少,千日前商店街中的花丸軒拉麵以慢煮叉燒聞名,店子佈置簡樸,以吧檯為主,廚師烹調好食物便直接從廚房傳遞到客人手中,感覺親切。 花丸軒提供六款拉麵,餐牌還有英文、中文及韓文,方便遊客,我們點了馳名的慢煮豬軟骨叉燒肉拉麵及幸福拉麵。 友人的豬軟骨叉燒肉拉麵先到,整條叉燒肉份量很足,鹵得入味,口感軟腍,尤其軟骨位入口即溶,湯底是用小豆醬油跟豬骨熬多個小時,比較濃厚偏鹹,少量背脂增加脂香,麵條則煙靭爽口,跟濃湯非常配。 我的幸福拉麵也跟著送上,海苔片上還寫了"結緣",見到隔離的拉麵寫上"開運",或許每碗也有不同,有趣。兩款豬肉包括豬軟骨,一樣濃厚入味,入口即溶有膠質感,而五花肉叉燒偏肥,軟腍豚肉味重。湯底一樣比較濃,喝多兩口有點膩的感覺,或許鹽味湯底會比較清爽。 正在享受美食之際,隔離情侶的餃子到來,我們互望一下,抬頭見到 ¥280 六件的宣傳單張,立刻點了一份。餃子細小皮薄,煎得很香脆,跟其他拉麵店的餃子不同,餡料香氣頗濃郁,不用沾任何東西已很有味道,非常好吃。 花丸軒 24小時營業,免費加大麵條份量(無料大盛),性價比高,晚上行得夜也可以來醫肚。 詳細內容,更多相片請看:- https://juliatsui.blogspot.com 得閒睇下我的專頁, 比個 like 我的專頁丫 ^^https://www.facebook.com/juliatsui88 #hkfoodblogger#hkfoodies#食評分享#餐廳食評#日本美食 #日式#獨自開餐#三五知己 繼續閱讀
(以上食評乃用戶個人意見 , 並不代表OpenRice之觀點。)