2
0
3
電話號碼
078-391-7789
開飯介紹
神戸牛・黒毛特撰和牛をリーズナブルに！高級備長炭の炭火焼きで焼き上げる特撰肉はジューシーで肉汁溢れる旨さ♪表面は低温ながら、静かな炎と赤外線熱は700度以上で最高の状態でお肉をお召し上がり頂けます。広々としたお席で20名様以上でもOK！気の合う仲間と楽しいひとときを♪また店内は、煙が立たず、臭いが付かない無煙ロースターも◎お値段を超えた極上の味を、ストレスレスな空間で心ゆくまでご堪能ください。
繼續閱讀
營業時間
営業時間
17：00～24：00閉店(フードラスト23：00・ドリンクラスト23：30）
お客様のご来店を心よりお待ちしております。
年中無休
以上資料只供參考, 請與餐廳確認詳情
有關獎賞計劃
神戶秋季天氣比香港寒冷得多，見日頭食完涮涮鍋，晚餐就安排去食火力更猛嘅燒肉放題。XO仔同樣喺日本飲食網頁中挑選咗間人氣店「三宮 炭火焼肉 新撰組」，並經酒店訂座。天黑後，店舖都有霓紅燈照明，故亦易搵得多。用餐大堂全為木造枱櫈，合併式散座每四人一個爐及一個抽油煙機。幸好九人早已訂座，有得坐房。廂房面積唔算好大，不過都有衣櫃擺放外衣及隨身物，唯一唔方便之處在於出入要上落，對年長嘅團友有點困難，同埋座位並無椅背，飲大兩杯會有啲危險。訂位時已經連九人嘅6,500円晚市套餐都定好，飲品包咗兩小時放題，可於限定飲品牌上任選，但每人每次只可以叫一杯，仲要飲完一手交一手，絕不容許浪費飲料。食物款式則全權由廚房決定，大家只需見野就燒，燒好就食。食前大肥爸爸又再一次為桌上嘅五角形筷子鼓掌。店內年輕嘅服務生都非常好客落力，由新炭燒起。。。到中途見火力唔夠即自動加炭，十分專業；不過最安心就係見到有位可用國語溝通嘅妹妹仔。打響頭炮先有海鮮拼盤，每人都有一隻鮮鮑、蝦及蜆，當中蝦隻爽厚脆身。靚靚媽咪三姊妹全為隱世廚神，燒野當然係難唔到佢地啦，不過細佬真係冇諗過佢地可以就地取材，大玩清酒燒蜆及清酒鮑魚！嘩，清酒猶如畫龍點睛，令本身甜甜嘅蜆隻及鮑魚更為鮮香醇美，掂呀！接著嘅牛脷連肥膏方塊及檸檬上。哥哥熟巧地於燒板上塗上肥膏，邊燒邊滴上檸檬汁，燒出黎薄薄嘅牛脷爽潤帶脆，美味得很！食完海鮮同牛脷，妹妹仔隨即送上爽脆惹味嘅生洋蔥沙律，一解熱氣。全晚之最一定要數紅白紋理分明，且色澤鮮美嘅六式和牛拼盤！由於和牛不同部位嘅質感有所不同，師傅就預先切成不同形狀供貴客享用，明顯製作絕不馬虎。分開兩碟上嘅六款和牛鬆軟多汁，肉香鮮甜，確真冇得彈！除咗和牛之外，套餐其實仲包有豬肉同雞肉，質素唔係差，只係當食完和牛先上就難免會覺得比唔上。。。每份餐都包咗熱湯一碗，不過家人都情願飲多兩杯酒，結果就邊個想飲先續碗叫。相信讀者們都未必估得到壓軸上場嘅會係內臟拼盤，內含腸臟及豬腰，咬落索索聲，姨丈同小肥都食得勁興奮！神戶地道燒肉店「三宮 炭火焼肉 新撰組」雖則面積不大，但勝在氣氛輕鬆，服務稱心周到，6,500円嘅全包宴燒肉放題有六款正爆嘅和牛食，食物水準質高味佳，加埋兩小時任飲喎，抵玩到極呀！
繼續閱讀