想去日本唔只係shopping&食食食？依家去日本旅行，深度遊先係旅行新玩法！OpenRice日本而家除咗訂餐廳，仲可以直接預約多款特色體驗，包括壽司製作、動物cafe、晚餐Show體驗等等，一click即book，唔駛煩搵網站、唔駛用日文溝通。本文精選5間最具話題性的主題餐廳同 café，帶你玩得有文化、食得有深度，係香港人去東京必收嘅旅行新玩法！
Source: OpenRice Website🐷 pignic cafe 代々木公園店｜東京最萌小豬café
pignic cafe 代々木公園店係微型豬主題咖啡店，主打可以同mini豬互動，佢哋會跳上你膝頭訓覺、討摸摸，真係超治癒。迷你小豬包間互動+餵食體驗套餐每位約港幣$240~ /日圓¥4,000~ ，體驗時間為30分鐘，包間互動+自選甜品+自選飲料+餵小豬吃零食體驗全部包含在套餐內，人氣度極高最好提前網上預約。
💡小貼士：熱門時段（例如周末下午）要提早搶位，嚴禁用閃光燈影相，會嚇親豬仔。
Samoyed Cafe moffu 竹下通り店 
Source: Instagram (@samoyedcafe.moffu)
❄️ Samoyed Cafe moffu 竹下通り店｜棉花糖狗狗陪你chill
原宿竹下通有間超人氣的白毛狗狗café「moffu」，主角係十幾隻薩摩耶犬，成個café就好似被巨型棉花糖包圍住！每位約港幣$228~ /日圓¥3,800~，體驗時間為30分鐘，飲品任飲。
💡建議平日下午三點後去，人少啲，狗狗會比較chill，仲可以影到佢哋一齊瞓覺嗰啲超夢幻畫面。
Source: OpenRice Website
JIN-ASAKUSA 
Source: Japan ticket website
🍣 JIN‑ASAKUSA（陣 – 浅草）｜變身武士壽司職人
呢間主題餐廳唔止得打卡咁簡單，最特別係可以「變裝做武士」學整壽司！穿上陣羽織、綁上鉢卷，由專業壽司師傅一對一教你整壽司，體驗套餐約港幣$974~/日圓¥18,000円~，全程約105分鐘。整完仲可以即場享用自己手作壽司，打卡同食都一樣精彩。餐廳位置近淺草寺，行3分鐘就到，窗邊座位仲可以望到晴空塔，晚市氣氛超有feel。
💡必須提前訂座，體驗有英文職員講解，唔識日文都無問題！
Source: OpenRice Websiteめいどりーみん 秋葉原 本店 
Source: Official Website
💖 めいどりーみん 秋葉原本店｜女僕café朝聖必去
秋葉原電器街入口嘅元祖女僕café，係動漫迷朝聖熱點。單杯套餐約港幣$110~ /日圓¥1,826円~，費用包含入場費用（1小時）+一杯飲品。叫部份特色食品或飲料時，仲要同女僕一齊念魔法咒語先可以開動～全店設有舞台，定時有女僕現場表演，氣氛超high！加約港幣$60~/日圓¥1,100円~就得到女僕親手畫嘅即影即有相。
💡大家成日會以為女僕café淨係只啱男仔去，其實女客佔咗一半以上以外，好多各地旅客、家庭客都會去，仲有兒童餐提供，歡迎各位主人&大小姐蒞臨！
Source: Official Website座・グラン東京 
Source: OpenRice Website
🎭 座・グラン東京｜極致沉浸式晚餐歌舞Show體驗
想感受一邊食晚餐一邊睇魔術＋歌舞表演嘅震撼？新橋站附近呢間全新娛樂餐廳「座・グラン東京」絕對要bookmark！大型LED包圍舞台近距離欣賞live演出，包括舞蹈、昭和歌謠、傳統藝能甚至格鬥技！最平只需港幣$348~/日圓¥5,800~（純觀賞票價，不含餐），逢星期四晚限定上演《HAMMER the JUMBLE》，記得預早訂位氣氛一流，打卡畫面超震撼！
💡每日的演出陣容會有所不同。預約前請參閱餐廳官網月曆。
Source: OpenRice Website
※注意：以上價格為以2025年8月的匯率換算之港元參考價，實際金額將以購買當日的信用卡匯率為準。預約前請確認最新價格。
餐廳一般會於7個工作天內確認您的訂座，確認訂座後，系統就會自動於30個工作天內退回訂金。
※注意：擅自取消會對其他顧客和本店造成不便。如您無法如期出席，請務必要在事前取消預約！