東京・京阪必睇超靚聖誕燈飾+周邊美食推介✨

喺日本過聖誕有個必遊行程，就係睇聖誕燈飾啦！日本嘅燈飾活動通常有哂主題，而且規模都有返咁上下，睇起嚟特別有氣氛。日本小編為大家精選東京、大阪、京都今年必睇聖誕燈飾，加埋周邊嘅美食推介，一於出發前Bookmark定喇～

【東京】

丸之內聖誕燈飾及 東京Michiterasu (東京ミチテラス)

「丸之內聖誕燈飾」已經成為丸之內一帶嘅獨有冬日景色，全長約1.2公里嘅「丸之內仲通」名店林立，兩旁差唔多種咗200棵樹，聖誕期間會掛滿LED燈泡，總數多達98萬個㗎！今年主題色係香檳金，高雅得嚟又浪漫。

除此之外，為咗慶祝今年「丸ビル」開業15周年及「新丸ビル」開業10周年，東京車站前嘅丸之內廣場將會舉行期間限定活動「東京Michiterasu」。請嚟世界知名嘅花藝藝術家Nicolai Bergmann製作花與光融為一體嘅夢幻空間，女士們又多一個必到打卡位。

Kanaさん(@kanahawaiian)がシェアした投稿 - 12月 16, 2017 at 6:48午後 PST

丸之內聖誕燈飾2017：即日至2018年2月18日

東京Michiterasu 2017：12月24日至12月28日

～丸之內美食推介～

Restaurant 丸之內HOUSE

位於「新丸ビル」七樓嘅「丸之內HOUSE」集結咗9間富有特色嘅餐廳及酒吧，露天座位可以盡覽東京車站嘅景色，呢個時候仲可以睇哂車站一帶嘅燈飾佈置。另外聖誕期間有以「Heart」為主題嘅藝術展，各餐廳都推出以此為主題嘅特別菜式添。

東京和食文四郎【愛心葱花吞拿魚】

HENRY GOOD SEVEN 【開心果布甸】

呢間位於「新丸ビル」五樓嘅鐵板燒專門店對正東京車站，落地大玻璃旁邊嘅卡位一向好搶手，主打由築地市場入貨嘅新鮮海鮮料理及特選西冷牛扒鐵板燒。

Yuka Akiyama（@akiuka14）分享的貼文於 PST 2017 年 1月月 24 日 4:16 上午張貼

Yuka Akiyamaさん(@akiuka14)がシェアした投稿 - 1月 24, 2017 at 4:16午前 PST

【大阪】

OSAKA光のルネサンス (大阪光之文藝復興)

「大阪光之文藝復興」今年繼續喺有「水都」之稱嘅大阪中之島舉行。全長約150米嘅櫸樹步道化身藍色嘅光之隧道，仲有人氣必睇嘅大阪市中央公會堂外牆投影show添。

(圖: 官網)

仲有呀仲有呀，位於大阪市中心嘅「御堂筋」有全長4公里嘅光之路呀。今年新增從「淀屋橋」至「新橋」一段嘅大廈外牆投影show，投影嘅款式日日唔同，令「御堂筋」更添絢麗夢幻。

御堂筋燈飾2017：即日至12月底

～中之島美食推介～

OSAKA光之市集

中之島會場內設聖誕市集，可以搵到聖誕應節食品同埋當地料理。睇完燈飾可以買啲熱辣辣嘅美食暖暖胃，仲可以小酌一杯，係唔係好寫意先？

呢間西餐廳主打現代法國及意大利菜，裝修設計開揚又有落地玻璃，可以睇哂大阪市內靚景。聖誕期間仲有特別菜式登場添。

(圖: 官網)

【京都】

Kyoto Illumiere (京都イルミエール) 及京都站大樓聖誕燈飾

講起京都嘅聖誕燈飾，唔少當地人會即刻諗起「Kyoto Illumiere」，絕對係京都冬日嘅觀光勝地。可惜呢個活動今年係最後一次舉辦，聖誕去京都嘅話要把握機會啦。

會場：溫泉渡假村「るり渓温泉」ポテポテパーク內

地址：京都府南丹市園部町大河内広谷1-14

入場費：成人1,000円；星期六、日、公眾假期及1月2日-3日 1,200円；12月23-25日 1,500円。小童半價

近啲京都市區嘅話，京都車站有高約22米嘅巨型聖誕樹睇，都好有聖誕氣氛㗎！行過路過唔好錯過，一於去打打卡Selfie吓。

@_kou_photo_gallery_がシェアした投稿 - 12月 17, 2017 at 3:04午前 PST

(圖: WalkerPlus)
Kyoto Illumiere：即日至2018年1月8日

～京都站周邊美食推介～

Restaurant THE SODOH HIGASHIYAMA KYOTO

餐廳位於人氣觀光勝地「東山」，將佔地達5620平方米嘅舊民宅改建，內有古色古香嘅日式庭園，可以欣賞到四季嘅自然景色。供應以京都食材烹調而成嘅意大利料理，完美融合「創新」及「經典」元素。

(圖: 官網)

餐廳由有超過140年歷史嘅料亭旅館改建而成，主打現代法國菜。食材方面選用黑毛和牛、京都蔬菜等本地材料，充分揉合日法風格。客人可以一邊享受美食，一邊欣賞到鴨川嘅冬日景色。

(圖: 官網)