Toshi Yoroizuka TOKYO」合作，推出misdo meets Toshi Yoroizuka Chocolate Collection，每款都有濃濃嘅朱古力味，1月9日至2月尾期間限定發售，記得咪錯過！▼招牌嘅波堤冬甩升級成鎧塚風格嘅3款「波堤Yoroizuka」。除咗保留波提冬甩煙韌口感，微微嘅榛子口味充分帶出朱古力可可香。
【上圖中】波堤Yoroizuka 雙重朱古力 (連稅151円)朱古力脆皮使用厄瓜多爾可可豆製作，味道濃郁，充分展現朱古力嘅風味。開心果可以話係鎧塚俊彥嘅代名詞，作為點綴非常合適。
【上圖左下】波堤Yoroizuka 焦糖朱古力 (連稅183円)
榛子朱古力脆皮同樣使用厄瓜多爾可可豆製作，仲有焦糖核桃碎及糖粉喺面，夾心仲有焦糖忌廉添。一件就可以食到堅果、焦糖及朱古力嘅完美配搭。
【上圖右下】波堤Yoroizuka 白朱古力 (連稅183円)
外層係醇厚濃郁嘅白朱古力同清爽酸甜嘅小紅莓，中間係ganache朱古力忌廉夾心，冬甩皮就係榛子朱古力味。
▼同時發售兩款「鬆脆千層朱古力批」。一層一層嘅杏仁曲奇餅皮及朱古力Bagel餅皮令口感好有層次，仲好酥脆添。
【上圖左】鬆脆千層朱古力批 雙重朱古力 (連稅216円)使用厄瓜多爾可可豆製作ganache朱古力忌廉，再加一層朱古力脆皮。餅皮有牛油及朱古力香。
【上圖右】鬆脆千層朱古力批 白朱古力焦糖 (連稅216円)
忌廉同雙重朱古力口味一樣，脆皮換上白朱古力，仲有焦糖核桃及開心果碎。餅皮同樣有牛油香兼有微微焦糖焦香添。
2019年2月1日開始仲有數量限定嘅「紅酒朱古力批 (連稅237円)」上市。朱古力批入面包住紅酒餡再焗，鐘意食酒味甜品嘅朋友必試。
【美食情報】
Mister Donut × 鎧塚俊彥「Chocolate Collection」
「波堤Yoroizuka」及「鬆脆千層朱古力批 」: 2019年1月9日至2月下旬有售
「紅酒朱古力批 」: 2019年2月1日至2月下旬有售 ※數量限定，售完即止