大阪有"天下的廚房"之稱，除咗名物章魚燒、大阪燒，千祈唔好錯過大阪各式肉料理。 從大阪市中心搭電車約15分鐘，就會到達「鶴橋」一帶。 鶴橋係大阪有名嘅韓國街，大型市場入面售賣各種新鮮海鮮、泡菜，仲有好多燒肉餐廳及小食店，亦有不少藥妝店及雜貨店等，食食買買又一日。
View this post on Instagram
客人可以喺「我が家」享受韓國最南端島嶼「濟州島」嘅地道風味。除咗料理夠正宗，餐廳環境仲乾淨溫馨，好似身處屋企咁輕鬆享受各種韓國美食，如韓式辣炒雞和石鍋拌飯等。晚餐套餐的價格為2750円起，當中最受歡迎嘅菜式係韓式燒五花腩和海鮮鍋，輕食啲有韓國煎餅和韓式沙律，價錢實惠。
營業時間：11:30～21:00(週三休息)
View this post on Instagram
鶴橋係大阪著名嘅燒肉店聖地，有成幾十間燒肉店，其中呢間「焼肉 三松」就係當中高人氣嘅餐廳之一。餐廳由肉檔直營，從肉嘅品質到切法都嚴格把關，更符合食客喜好，甚至入口即溶。晚市套餐由4000円起，套餐內容豐富，可以話CP值甚高。午市燒肉定食約980円。餐廳更採用最新嘅無煙烤肉機，客人就唔使擔心食完飯頭髮及衣服成陣油煙味啦。
營業時間：11:00～23:00(午市至下午5時為止)
View this post on Instagram
食完一輪韓式炒年糕、韓式炒粉絲等掃街小食之後，喺韓國街想食返日本料理都有選擇。 呢間居酒屋「暴飲暴食 東遊」主要供應海鮮，除咗經典嘅居酒屋菜式，例如玉子燒和日式炸雞之外，仲有使用當地新鮮魚類製作嘅魚生、烤三文魚等海鮮。「芝士豆腐」以4至5種芝士混合而成，口感似豆腐咁幼滑，係最受歡迎嘅菜式，亦有各式套餐以供選擇。餐廳距離鶴橋站西出口僅2分鐘路程，非常方便。
營業時間：17:00～24:00(週日休息)
View this post on Instagram
「Click & Clack」係一間時尚Cafe，以附近鐵路嘅列車金屬磨擦聲及電腦keyboard聲命名。二樓係一間書店，客人可以一邊喝茶和用餐，一邊閱讀或使用電腦。餐單上有以糙米和蔬菜為主嘅健康碟頭午餐、咖哩飯等，適合搭配cafe自家烘焙咖啡。除咗午餐及晚餐，休閒嘅下午茶時段仲有口感鬆軟嘅雪紡蛋糕，有伯爵茶、焦糖、香蕉等口味，以及各式咖啡和茶。與餐廳名嘅靈感相反，cafe環境安靜舒適。
營業時間：11:00～21:00(星期一至四)、11:00～23:00(星期五、六)、11:00～18:00(星期日)