京都追楓景點及周邊主題甜品推介 -2017年版-
2017-11-23

嚟到11月,又到咗去日本追楓嘅時候啦。日本小編今年為大家介紹當地人必遊嘅京都絕佳景點,仲有周邊嘅期間限定甜品推介,靚景加美食肯定呃爆Like,出發前一於睇定兼Bookmark喇。


【南禪寺】

在京都眾多寺院當中深受遊客喜愛嘅南禪寺,寺院範圍內約有300棵楓樹,秋季時寺院會被漫天紅葉染紅。 而日本三大門之一嘅富山門(日本重要文化財產)與明亮嘅秋葉之間嘅對比,係京都秋季特有嘅美景。 除此之外,擁有兩個優美庭園嘅天授庵晚間會有特別亮燈,不容錯過。


(圖: 南禅寺 / flickr)

交通】:地下鐵蹴上站步行10分鐘 / 巴士站「南禅寺・永観堂」下車步行10分

【參觀時間】:<3月至11月> 8:40-17:00 / <12月至2月> 8:40-16:30

【入場費】:南禪寺免費 (天授庵:日間500円;夜間特別亮燈600円)

【最佳紅葉觀賞期】:11月中旬-12月上旬

【夜間特別亮燈】:有 (天授庵: 即日至11月30日,17:30-20:45)



將軍塚青龍殿】

將軍塚青龍殿係位於京都東山山上嘅天台宗青蓮院門跡,於2014年10月整修完成。
殿旁邊設置咗一個大平台,可以從東山山頂居高臨下盡覽京都市內景色。除咗紅葉,遊客亦可欣賞將軍塚旁邊枯山水庭園嘅景致


【交通】:地下鐵蹴上站下車,轉乘往將軍塚青龍殿之京阪巴士/
巴士「五条坂」站或「四条河原町」
下車,轉乘往將軍塚青龍殿之京阪巴士

【參觀時間】:9:00-17:00

【入場費】:500円

【最佳紅葉觀賞期】:11月中旬-12月上旬

【夜間特別亮燈】:有(即日至12月3日,18:00-22:00)



寶嚴院


寶嚴院位於嵐山人氣景點「天龍寺」旁邊,每逢秋天都吸引無數本地及海外遊客入場賞楓。院內庭園「獅子吼の庭」一年一度嘅夜楓亮燈非常有名,特別嘅燈光配上鮮艷嘅紅葉,有如置身夢幻仙景一樣。

(圖: jorudan)

【交通】:嵐山站步行10分鐘 /

京都市巴士「嵐山天龍寺前站」下車 或 京都巴士「京福嵐山站前」下車步行5分鐘

【參觀時間】:9:00-17:00

【入場費】:庭園500円(夜間入場費600円)

【最佳紅葉觀賞期】:至11月下旬

【夜間特別亮燈】:有(即日至12月3日,晚上17:30-20:00)



【東寺】


世界遺產東寺係賞楓聖地相信唔少人都知,而講到入面最佳影相靚位,絕對係日本國寶「五重塔」同塔前嘅放生池一帶,隨手舉機一影都靚到好似幅畫咁


(圖: The NEXT DOOR LE9)



【交通】:近鐵東寺站步行10分鐘 / 京都站步行15分

【參觀時間】:5:00-17:00

【入場費】:免費(參觀夜間特別亮燈:1,000円)

【最佳紅葉觀賞期】:11月中旬-12月上旬

【夜間特別亮燈】:有(即日至12月10日,晚上18:30至21:30)


極品紅葉主題甜品推介


Restaurant永楽屋 喫茶室 -- 「和風芋栗芭菲」

「永楽屋喫茶室」位於佃煮及和菓子老字號「永楽屋本店」嘅2樓。新推出秋季限定嘅「和風芋栗芭菲」有自家製嘅栗子雪榚、大大粒嘅渋皮栗子、紅薯等秋天當造食材,上面仲有一片鮮艷紅葉做裝飾,打卡啱哂。


RestaurantThe NEXT DOOR lower east nine hostel -- 「秋之棉花糖吐司&紅薯拿鐵」

呢間Cafe位於旅舍「The NEXT DOOR lower east nine hostel」地下1樓,紅葉時期推出主題吐司甜品同特色飲品。棉花糖吐司呈艷麗嘅深紫色,同紅薯拿鐵上面都有一片紅葉作點綴,真係靚到唔捨得食呀!


Restaurant二篠若狭屋 寺町店 -- 「栗子刨冰」及「賞楓


介紹返,呢間人氣和菓子老字號今年有兩款紅葉主題甜品。第一款係「栗子刨冰」,特別採用玄米茶糖漿,令和栗本來嘅風味更突出,濃厚嘅糖漿同刨冰好夾,食起嚟唔會太甜。刨冰每年只有呢段時間供應,再凍都要試啦~第二款係的骰嘅和菓子「賞楓」,顏色奪目、賣相精緻之外味道亦唔會過甜。



(圖: 官方Facebook)

Restaurant吉祥菓寮 -- 「秋季香芋蘋果芭菲」

吉祥菓寮最拿手以黃豆粉製作各式甜品,季節限定嘅「秋季香芋蘋果芭菲」外表係超搶眼嘅紫色,材料有紅薯、蘋果、自家製嘅紅茶啫喱等。紅葉季連日嚟成為祇園最受歡迎嘅甜品店之一,建議可以上午去試,唔駛排咁耐。




關鍵字
京都
紅葉
2017
東寺
南禪寺
青蓮院門跡
將軍塚
東山
祇園
限定
甜品
開飯編輯
熱愛日本流行文化的開飯小編會致力為大家追蹤最新、最豐富的美食資訊!
餐廳資料
更多
收起
本月熱門
留下美麗與美味的回憶!2024花火大會
2024-06-20