高雄地區 (高山寺・神護寺・西明寺)
京都近郊嘅高雄地區，被高雄山、槙尾山、栂尾山三山圍繞，亦稱為三尾地區。高山寺係世界文化遺產之一，有日本最古老漫畫的國寶「鳥獣人物戯画」，而神護寺及西明寺就係有名嘅紅葉觀賞景點。神護寺
三尾之中最有名嘅賞楓勝地。要參觀神護寺及賞楓需要行樓梯上山，沿途有不少讓遊人小憩嘅茶屋。由巴士站到神護寺，慢慢邊行邊影吓相欣賞風景，大概需時30分鐘左右。
▼樹葉開始變紅及變黃，天氣好嘅時候仲有藍天白雲，景色怡人 (攝於10月中旬)
▼神護寺 參觀時間: 9:00-16:00 / 參觀費: 600円
▼金堂前的石級是寺內其中一處打卡位。(攝於10月中旬)
▼最佳觀賞期有約三千棵楓樹會染上鮮艷嘅紅色。
(圖: kyotomoyou)高山寺
位於栂尾山的高山寺以日本國寶「鳥獣人物戯画」聞名，同時還有大量的繪畫、典籍、文書收藏，擁有眾多的珍貴文物，亦被列入世界文化遺產之一。
▼紅葉最佳觀賞期係11月下旬 (圖片攝於10月中旬) 參觀時間: 8:30-17:00 / 參觀費: 石水院800円, 遺香庵500円
西明寺
西明寺位於神護寺及高山寺正中間，氣氛莊嚴寧靜，相對嚟講遊人較少。
▼往寺院途中嘅指月橋，打卡位之一。(攝於10月中旬)
▼西明寺 參觀時間: 9:00-17:00 / 參觀費: 500円
永觀堂 (襌林寺)
有「紅葉的永觀堂」之稱，從古到今都係京都紅葉名勝。據講寺院內種植超過三千棵楓樹，鄰近有同樣係人氣賞楓勝地南襌寺及法然院，高峰期遊人頗多。
▼寺院內有放生池及多寶塔等，影相位夠哂多。 (攝於10月中旬) 參觀時間: 9:00-17:00 / 參觀費: 600円
OpenRice小編推介🍁絕品打卡美食
紅葉芭菲 (
伊藤久右衛門 本店)位於京都宇治嘅伊藤久右衛門本店，推出秋季限定嘅「紅葉芭菲 (連稅1,180円)」。紅葉型啫喱、鳴門金時芋、栗子甘露煮等秋天當季好滋味，配埋老字號正宗宇治抹茶，好睇又好食。
View this post on Instagram
當季芭菲[秋] (
中村藤吉 京都店)中村藤吉嘅抹茶甜品一向受歡迎，京都店就推出季節限定嘅「當季芭菲 [秋] (1301円)」。底層有焙茶啫喱，仲有粒粒紅薯、栗子忌廉等秋季食材，必試。
季節芭菲 (
菊乃井 無碍山房 ~Salon de Muge~)無碍山房係米芝蓮三星餐廳「
菊乃井」開設嘅平民版Cafe，今個秋天推出「季節芭菲(單點1300円 / 連飲品套餐2000円)」，內有甘栗、無花果、麝香葡萄等當造水果，仲有唔會太甜嘅焦糖雪榚、帶肉桂香嘅桂花陳酒啫喱、自家製栗子忌廉等，豐富之餘仲非常新鮮。
▼餐廳內仲可以欣賞到庭園美景，都咪話唔寫意～
