Source: JUNGLIA Website
今年夏天旅行計劃定咗未呢？如果仲未諗好，咁你絕對要留意—2025年日本旅遊最強新熱點，「沖繩JUNGLIA」！結合大自然、刺激與療癒元素的超大型主題樂園，將於2025年7月25日正式開幕。位於沖繩北部今歸仁村，這座以「神秘叢林」為靈感的夢幻樂園，佔地達60萬平方公尺，主打沉浸式體驗，情侶、閨蜜、親子同遊都玩得盡興，絕對是2025必列沖繩旅遊清單的打卡熱點！
🌿 JUNGLIA亮點一覽：從刺激到療癒，玩法超豐富！
Source: JUNGLIA Website
1. 熱帶叢林極限飛索體驗
刺激度滿分！樂園主打的其中一個重點設施，是可從高空飛越「Yambaru之森」的超長滑索Zipline，一邊感受森林綠意，一邊眺望沖繩的碧藍大海，超級爽快又令人尖叫連連！
Source: JUNGLIA Website
2.熱氣球360度空中美景
園內預計設置可俯瞰整個北部森林與海洋的熱氣球體驗。透過官方影片可以看到，遊客可升空飽覽360度絕景，不論是真正升空還是以模擬方式體驗，絕對是能一試難忘的浪漫行程。
3. 與肉食恐龍正面交鋒
喜歡冒險的朋友不可錯過的恐龍主題Ride！搭乘特製車輛，深入恐龍棲息地，肉食恐龍會突然襲來，帶來猶如電影場景般的震撼與刺激。
4. 天空餐桌下享用當地料理
除了玩，JUNGLIA的餐飲部分也不容忽視。園內設有多間景觀餐廳，可在開放式露天座位，邊欣賞Yambaru森林絕景，邊細味由沖繩當地食材製成的地道料理，是視覺與味覺的雙重享受。
5. 沉浸式森林溫泉【SPA JUNGLIA】(需另購門票)
刺激完想放鬆一下？JUNGLIA內設有面積高達26,000㎡的天然溫泉設施「SPA JUNGLIA」。其中最大亮點是榮獲世界最大無邊際溫泉認證的82㎡大浴池，在叢林美景包圍下泡湯，極致療癒。
溫泉水源自地下1,600米湧出的「今歸仁之湯」，屬弱鹼性，對肌膚特別溫和，有「美肌之湯」的美名。配合沖繩植物「月桃」製作的天然護膚品，讓你從內到外徹底療癒。
-------------------------------------------
🎟️【JUNGLIA入園小貼士】
▶️ 營業時間：7月至8月：10:00～19:30（SPA營業時間為12:00～21:30） 9月以後的營業時間將於官方網站公布
▶️ 地點：沖繩縣國頭郡今歸仁村字呉我山654-3
▶️ 交通方式：從那霸機場自駕前往約需1.5小時
▶️ 門票價格：成人約¥8,800／小童¥5,940
-------------------------------------------
JUNGLIA附近去邊度醫肚？推介3間附近高評價沖繩美食餐廳
無論係朝早出發定玩到夜晚，出遊一整日肚仔總會叫救命！今次精選4間距離JUNGLIA車程30分鐘內嘅高評價餐廳，無論係朝早想食返個地道早餐，定係夜晚搵間靚餐廳歎番餐，呢幾間都值得加入行程！JUNGLIA開幕後附近餐廳勢必大排長龍，記得提早規劃訂位＋收藏呢份必試美食清單，美食＋玩樂一次GET✔️
琉球古民家沖縄料理てぃーだむーん 
Source: Website
除咗晚餐，相信都有人會想早啲醫飽個肚，食完早餐再入園玩得更盡興！呢間餐廳由一間有50年歷史嘅古民家改建而成，由曾經喺法國修行嘅主廚主理，帶來別樹一格嘅沖繩×法式創意fusion料理。
極力推薦佢哋嘅早餐定食！早餐只提供一款太陽定食（3,800日圓），但內容超豐富，包括沖繩地道美食如水雲、花生豆腐、島辣蔥、紅芋、沖繩東坡肉、豬耳絲、海葡萄同苦瓜炒蛋等等，幾乎所有沖繩必食名物都一次過食齊！而且白飯同豬肉湯仲可以免費添飲。餐廳由朝早七點開始營業，想慢慢歎住靚早餐，充滿能量再出發去 JUNGLIA 嘅朋友，一定要bookmark底！
晚市方面，餐廳由晚上六點開始營業，可以享受到多國風創作料理配美酒。主打菜式有「苦瓜炒蛋」（900日圓）等地道沖繩風味，同時亦有加入法式技巧嘅精緻菜式，如「白身魚香煎配檸檬牛油汁」（1,200日圓）同「宜野座産大蝦番茄忌廉意粉」（4,000日圓），每道都充滿層次，口感同視覺都令人驚喜。
餐廳裝潢保留古民家風情，氣氛溫馨又打卡一流，設有免費泊車位，有時仲會有島唄現場音樂演出。由於座位有限，建議提早預約：早餐和午餐可於網上預訂，晚餐則只接受電話預約。
📍距離JUNGLIA：約24分鐘車程
Source: Website
Source: Website呢間餐廳主打沖繩品牌黑豚「阿古豬」料理，推薦必試招牌阿古豬涮涮鍋（2,800日圓/1人前），無論係肩胛肉定五花腩，切得靚靚哋好似藝術品一樣。薄切豚肉一放入落入熱騰騰昆布湯底，香味四溢，肉質嫩滑、入口即溶，配埋清香嘅沖繩酸橙汁或者濃郁芝麻醬，變化多端！仲有沖繩島野菜做配菜，特別係苦瓜配甜豬肉，絕配！最後烏冬收尾～滿足嘅一晚。另外佢哋仲有沖繩好少見嘅成吉思汗羊肉（1,280日圓），可以揀傳統醬汁或鹽味～口感層次豐富，每啖都好幸福！愛肉之人必試！
此外，餐廳非常重視使用地產地消食材，包括沖繩當地蔬菜（苦瓜、紅芋、海葡萄等），每樣都超新鮮。仲有特色果汁甜品「蘋果香蕉smoothie」（500日圓），香濃得嚟消暑又清甜！店員親切又專業，環境舒適，性價比極高，係JUNGLIA一日遊後嘅完美晚餐終點站！
📍距離JUNGLIA：約25分鐘車程
Source: Website焼肉 もとぶ牧場 本部店 
Source: Website
人氣沖繩和牛品牌「 Motobu牛(もとぶ牛)」嘅直營燒肉店，係沖繩不可錯過嘅打卡美食！牛肉由牧場自家直送，肉質新鮮，油脂分布平均，食落超嫩滑、超多汁，牛味濃郁得嚟又唔會膩口，真正一咬即化😍
必食推介「特選和牛燒肉拼盤」(8,000日圓/2~3人前)，可以一次過歎晒唔同部位，包括肩肉、牛肋條等等～另外，唔想食太heavy嘅朋友可以試下佢哋自家製漢堡排套餐，外皮煎得香脆，內裡爆汁，加埋特製牛肉醬汁，真係會食到停唔到口！仲有個人私心推介🔥：烤肋骨肉配冷麵！一熱一冷組合啱晒沖繩天氣，齋諗都流口水🤤餐廳環境都超加分，空間闊落，有榻榻米座位同埋普通餐桌，適合一家大細或者情侶聚餐～仲設有兒童椅，家庭友善，爸媽可以安心帶小朋友嚟歎返餐靚！
地點好易搵，就喺大馬路旁邊，有大大個招牌，設有免費泊車場，駕車去都方便。落單係用觸控螢幕操作，唔使叫人都可以輕鬆點餐✨
由於係當地人氣餐廳，好多旅客都慕名而來，建議大家提早預約，特別係旺季如畢業旅行時段會特別多人！
📍距離JUNGLIA：約23分鐘車程
餐廳一般會於7個工作天內確認您的訂座，確認訂座後，系統就會自動於30個工作天內退回訂金。
※注意：擅自取消會對其他顧客和本店造成不便。如您無法如期出席，請務必要在事前取消預約！
