更多
2019-01-22
117 瀏覽
外遊訂酒店，如果要包埋個自助早餐每每都要加成兩、三千円一日，小肥覺得絕不化算，因有心要留肚食個豐富嘅晏，早餐其實只需要飲杯咖啡，另加件蛋糕或多士已經好足夠。離開京都嗰朝早，九人路經「Inoda Coffee」，見到地方夠大又有位，所以好隨意地就行咗入去。店子門外擺有多款餐飲嘅模型，極之清晰，食客可以睇啱先排隊入座。每天早上八至十一時更有兩款特價推介早餐供應。咖啡屋環境開揚，坐得都幾舒服，但為怕影響店內其他食客，結果就冇四周拍下室內照，唯有希望透過門外嘅玻璃可以影到少少。對早餐最講究嘅哥哥叫咗份「京の朝食」（1,380円），豐富得黎色彩很是鮮艷。細佬就點咗客法式西多士「フレンチトースト」（560円）。嘩，舖滿白糖嘅法式西多士不單熱辣辣，質感更加係厚潤鬆軟，夾入咗牛油食落都唔覺膩滯，大肥爸爸試咗一口即話要加多份，證實堅好味。襯埋杯香滑冰涼嘅凍牛奶咖啡「カフェオレ」（590円）可真夠爽！「Inoda Coffee」面積寬廣，服務生態度良好，雖則繁忙時間九人未能同桌進食早餐，但平均每人一千円左右已可享用一頓簡單且美味嘅早餐，實屬抵食之列，個人誠意推介必吃法式西多士「フレンチトースト」！
店子門外擺有多款餐飲嘅模型，極之清晰，食客可以睇啱先排隊入座。
每天早上八至十一時更有兩款特價推介早餐供應。
咖啡屋環境開揚，坐得都幾舒服，但為怕影響店內其他食客，結果就冇四周拍下室內照，唯有希望透過門外嘅玻璃可以影到少少。
對早餐最講究嘅哥哥叫咗份「京の朝食」（1,380円），豐富得黎色彩很是鮮艷。
細佬就點咗客法式西多士「フレンチトースト」（560円）。
法式西多士「フレンチトースト」
¥560
3 瀏覽
1 讚好
0 留言
法式西多士「フレンチトースト」
¥560
4 瀏覽
1 讚好
0 留言
凍牛奶咖啡「カフェオレ」
¥590
5 瀏覽
1 讚好
0 留言
張貼
