天丼まきの 京都寺町店

營業中

休息中

今天第一晚到京都，我們酒店在烏丸附近，上網見到人氣天婦羅店在附近便走去試試，大約有10多人在排隊，店內約有15個座位，我們等了30分鐘便有得吃，全部也是吧枱座位，圍繞兩位師傅在現場即做炸天婦羅，我們點了2客天丼飯及蜆仔肉試試，我覺得很特別，師傅純熟地把每件材料在我們面前即炸，不用5分鐘師傅已把我們的，order送上，整個天丼飯鋪滿了炸物在上面，分別有大蝦（爽口）、穴子（甘香）、元貝(鮮味）紫菜及蛋，還有蜆肉很新鮮，穴子超大條，食唔晒，但見很多日本人也整碗吃完。

總覺得去旅行，就算肥幾磅都盡可能食勻當地嘅美食天婦羅一直都喺個list入面，這家都幾多旅客捧場，在門口自助登記，有位時職員會出來叫名字安排入坐。地下坐吧枱對住油鑊睇住師父炸天婦羅，雖然想觀摩，但都怕油煙味，幸好被安排二樓雅座，可是冷氣又不足，仲有啲焗......我點了一碗《天丼 口》莞茜蜆非常有視覺效果的天婦羅，蝦、魚、蛋、元貝、紫菜，滿滿一大碗讓人感覺超抵食，味道其實不如你看到然後想像的美味，略嫌淡一點，要自行點醬油食才好一點。當中最好食嘅係一堆細小元貝炸成一團的，最唔好食嘅係一條超長的魚，摺起插在碗內都佔了一半空間。本人不能承受太油膩食物，所以食一半我已經投降，但當地日本男女係全碗清曬，所以我認為係我唔識食啫。蜆鮮甜，但有幾隻都有砂。