任飲日本清酒仲要冇時間限制,你仲等咩?!
2019-06-12

香港人對日本清酒一啲都唔陌生。但係暫時都仲未有一個地方可以比你飲到自己姓乜都唔記得。今次就等我哋帶你去位於新宿三丁目嘅Kurand 酒場啦。除咗可以任飲清酒之外,仲有好多小食配搭番你嘅清酒。


Restaurant Kurand 酒場啦


呢間分店就喺新宿三丁目嘅C6出口嘅出面。佢係一間樓上舖,由第四樓去到第六樓都係屬於Kurand 嘅,真係見到有咁多層都興奮!


Kurand酒場好受當地人同外國遊客歡迎,所以去之前最好預訂一場枱。呢個任飲plan 有三種唔同價錢:¥1000 任飲 30 分鐘,¥2000 任飲 90 分鐘,¥3000 完全冇時間限制!你一黎到,工作人員就會給個印喺你隻手度,等你出入嘅時候方便啲。好多人都會飲飲下嘢,落樓買嘢食。間酒場入面仲有微波爐,真係服務周到。



入去之前,每人都可以攞三隻清酒杯。唔同形狀嘅杯會帶出清酒唔同嘅味,所以拎多幾隻一定有著數!



當工作人員解釋完店內規則之後,你隨即就可以開始任飲Kurand 擁有嘅百幾種嘅清酒。因為近年有好多外國遊客,Kurand 特意準備咗一張用英文寫嘅,具有百幾種清酒嘅名、產地、同埋味道嘅介紹清單。眼看住百幾種清酒等緊你,真係好想試飽佢哋!如果有工作人員過嚟幫你倒酒嘅話,不妨問問佢哋介紹邊隻酒啱你嘅口味。



Kurand 嘅清酒來自日本47個都道府縣。有辛口、甘口、同埋白雪雪嘅唔同種類比你揀。但係最有特色嘅,非 Kurand 獨有嘅生果味酒莫屬!呢度嘅果酒,有香蕉味、蘋果味、梨味、柿味、荔枝味、橙味、檸檬味、南瓜味、番茄味等等... 多到數唔晒呀!


除咗生果味嘅酒之外,仲有好多甜甜嘅酒。例如有朱古力味、綠茶味、乳酪味... 飲咗酒都好似冇飲過咁,所以最啱啲唔太鍾意好強酒味嘅來客。



當然啦,淨係飲酒唔食嘢係好危險的,而Kurand非常清楚呢一點。喺放滿清酒嘅雪櫃隔離,有個味噌湯角落。冇錯,呢度係連味噌湯都係任飲架!!喺味噌湯嘅右邊,仲可以買啲類似魷魚絲、醃製八爪魚等等嘅小食嚟送酒。



上一層去到五樓,會見到好多頭先已經提過嘅生果味酒同埋甜甜嘅酒。但係唔同之處,係喺呢一層,你有機會調製屬於你嘅雞尾酒。喺雪櫃入面嘅酒,每一枝都有一個一個細細嘅牌,寫住溝咩會好飲,同埋用咩比例溝。可能因為呢一層主要提供雞尾酒,所以大多數嘅來賓都係女性。


再上一層去到六樓,會見到好多燒酒。呢一層同四樓好似,但係佢比四樓更加有一種比較成熟同埋優雅嘅氣氛。四樓比較熱鬧,而五樓比較年輕;帶住心愛嘅另一半嚟呢度嘅你,不妨上六樓坐坐,傾一傾密偈。



請按這裡瀏覽 Kurand 其他分店


你亦可能鍾意


Restaurant Nihonshu Ken-chan - 另一間可以比你3000円任飲清酒嘅酒場。呢度同樣有120種清酒比你揀,仲要冇時間限制,而來賓仲可以自備食物。呢間舖頭位置非常之近新宿御苑前站。

https://kenchan55.com/

Restaurant SAKESTAND - 一間位於澀谷,細細地但係非常型格嘅standing bar。呢度嘅清酒全部都係90毫升,價值390円或者490円。

http://sakestand.com/

Restaurant Imadeya Ginza - 位於Ginza Six嘅酒舖。主要售賣本地製造嘅清酒、燒酒同埋紅酒。入面仲有企位比顧客試飲店長推介嘅幾款酒。


OpenRice JP Editor
Provide the latest food trends and news in Japan.
餐廳資料
更多
收起
本月熱門
[2021] 米芝蓮指南:京都新一星餐廳
2021-07-02