京都必食:新鮮季節性松花堂便當同埋 Oban菜料理
2019-12-16

便當係日本人嘅重要食文化,但係講到松花堂便當,就只係京都人嘅驕傲。松花堂便當用嘅四方盒好特別,以平分為「田」字形嘅四個格仔嚟裝住京都產嘅新鮮食材。其中最常見嘅菜式包括刺身、燒物、煮物、同埋飯。


另一個京都限定嘅菜式叫做 おばん(Oban)菜。Oban菜比松花堂便當更為經濟,而菜式亦比較著重健康、有益嘅食材。對於去日本飲飽食醉嘅遊客黎講係好好嘅清腸胃餐!除咗肉之外,Oban菜入面最常見嘅食材有豆腐、味噌湯、菜、魚、同埋煮物。同松花堂便當一樣,Oban菜嘅材料都係又新鮮,又季節限定嘅。今次就等我地介紹四間讓你品嘗到松花堂便當同埋Oban菜料理嘅餐廳啦!


Restaurant 京懐石及湯葉料理 松山閣 JR京都伊勢丹店 


松山閣正正係你想要嘅方便、豪華大餐。位於JR京都伊勢丹店 11樓嘅松山閣有一望無際嘅京都市景,更有提供豐富優雅嘅松花堂便當同埋任食Oban菜。由於松山閣只採用季節最新鮮嘅食材,佢哋嘅菜單每個月都唔同。春天食材為竹筍;夏天食材為鮎魚;秋天食材為松茸;冬天食材為大頭菜。但係無論咩季節,你都會享用到松山閣最出名、每日新鮮製造嘅木桶湯(豆腐皮)。


松山閣嘅午餐松花堂便當(京弁当)由¥2,750 至 ¥3,850不等,而晚餐則由¥15,000 至 ¥25,,000不等。晚餐為懷石料理。







この投稿をInstagramで見る

hiroko(@hiroko.0121)がシェアした投稿 -


松山閣嘅營業時間為每日11點到夜晚10點。午餐時段為上午11點到下午4點。 餐廳休息日為元旦日同埋伊勢丹休息日。


Restaurant 市場小路 JR京都伊勢丹店

相對起松山閣嘅價格,市場小路嘅價格較為大眾化,而佢哋亦提供多款肉類選擇。市場小路最受食客歡迎嘅係佢哋由 ¥1,298 至 ¥2,640不等嘅oban菜早餐同埋午餐。除咗任食湯葉之外,你仲可以享用高級和牛、吉列扒、雞肉、豬肉、魚類菜式。市場小路嘅菜式中西合璧,啱晒啱啱到步京都,又掛住家鄉菜又想食京都菜嘅你!


Ichibakoji is open Monday to Friday from 11AM to 3:30PM for lunch and 5PM to 11PM for dinner. For weekends and public holidays, it is open from 11AM to 11PM, with lunch time being 11AM to 3PM. 

Restaurant Oban菜自助餐 ひなたや (Hinataya)


睇佢個名都知,呢間餐廳最出名嘅係佢哋嘅Oban菜自助餐。Hinataya位於非常受遊客歡迎嘅錦市場嘅正中心,而佢哋新鮮蔬菜更由當地農夫直接運送到餐廳。有時佢哋更加會提供Hinataya限定嘅蔬菜!


只需¥1,800就可以享用到Oban菜自助餐(午餐同晚餐同價)- 你仲等乜嘢?







この投稿をInstagramで見る

hinataya@nishiki(@hinataya0811)がシェアした投稿 -


Hinataya嘅午餐時段為早上11點到下午4點;晚餐由下午5點到晚上10點。

Restaurant 都野菜 賀茂 烏丸店 

到現時為止介紹過嘅餐廳都非常以健康為上,但係喺都野菜,「健康」一詞有另一個定義。除咗新鮮,都野菜嘅食材仲係有機、無農藥。佢哋嘅食物當然非常有營養價值,但係餐廳嘅簡約設計更突顯都野菜以自然為主嘅概念。每樣唔同產地嘅蔬菜帶住唔同嘅味道,大家不妨用心咁品嘗一下!


佢哋嘅蔬菜連湯連飲品平日自助餐早餐只盛惠¥500、午餐¥900、晚餐¥1370。早起身嘅你可以朝早7點就享用佢哋嘅早餐。當然啦,除咗蔬菜之外,你仲可以加錢享用A4級和牛壽喜燒、或者豬肉/雞肉嘅shabu shabu火鍋。價錢由¥2,700 到 ¥3,900不等。

 






この投稿をInstagramで見る

常におなかすいてます。(@maruei_)がシェアした投稿 -


都野菜嘅早餐時段為每日早上7點到10點;午餐時段為早上11點到下午4點;晚餐時段為下午5點半到夜晚10點。


關鍵字
松花堂便當
京都必食
去京都食咩好
京都嘅餐廳之選
京都懷石料理
京都站有咩好食
京都便宜小吃
OpenRice JP Editor
Provide the latest food trends and news in Japan.
餐廳資料
更多
收起