小表弟成家立室，婚宴選於二人初次邂逅嘅京都舉辦，自小就有份縱佢嘅小肥表哥當然係要請假出席啦
！應哥哥安排，XO仔同媽咪就入住喺「京都凱悅酒店」（Hyatt Regency Kyoto）
。十月中旬剛巧遇上特別祭典，市內嘅酒店大多早已爆滿
，即使半年前訂房都只剩雙床客房「2 Twin Beds」。日本酒店有個共通點，就係空調溫度偏高，幸好牀牀舒適，浴室光猛潔淨，配套都好齊全。凱悅環球客每天可免費享用「cafe 33」嘅自助早餐。咖啡廳開揚通爽，光線柔和，由於四周拍照時被告知有客人感到不安，最終就冇影到散座如何分佈。近窗位置可見室外有個禪式庭院
，感覺尤其幽靜。酒店餐廳早餐時間為七點至十點半。正價餐牌所示，自助早餐原價4,500円/位。包享自助飲食區內嘅多款果汁、咖啡、茶。西式嘅麵包、沙律、凍肉、芝士、乳酪、生果、穀物、等冷盤。當中亦有不少湯、粥、腸仔、煙肉、蕃茄、蛋蛋、薯菜等熱食選擇。最正就係即叫即煮嘅精選主菜
。煎太陽蛋鮮軟流心
。熱辣辣嘅奄列脹卜卜，自選蘑菇及菠菜餡料足量香潤。金黃嘅西多士鬆軟尤甚，塗上雪白嘅忌廉及藍莓果醬成功添上柔滑及香甜
，十分可口。「京都凱悅酒店」設於「cafe 33」嘅早餐高質豐富，新鮮味佳，自助餐飲區域衛生企理，五星級酒店服務專業周到，絕對有信心嘅保證
。…查看更多
！應哥哥安排，XO仔同媽咪就入住喺「京都凱悅酒店」（Hyatt Regency Kyoto）。十月中旬剛巧遇上特別祭典，市內嘅酒店大多早已爆滿，即使半年前訂房都只剩雙床客房「2 Twin Beds」。日本酒店有個共通點，就係空調溫度偏高，幸好牀牀舒適，浴室光猛潔淨，配套都好齊全。凱悅環球客每天可免費享用「cafe 33」嘅自助早餐。咖啡廳開揚通爽，光線柔和，由於四周拍照時被告知有客人感到不安，最終就冇影到散座如何分佈。近窗位置可見室外有個禪式庭院，感覺尤其幽靜。酒店餐廳早餐時間為七點至十點半。正價餐牌所示，自助早餐原價4,500円/位。包享自助飲食區內嘅多款果汁、咖啡、茶。西式嘅麵包、沙律、凍肉、芝士、乳酪、生果、穀物、等冷盤。當中亦有不少湯、粥、腸仔、煙肉、蕃茄、蛋蛋、薯菜等熱食選擇。最正就係即叫即煮嘅精選主菜。煎太陽蛋鮮軟流心。熱辣辣嘅奄列脹卜卜，自選蘑菇及菠菜餡料足量香潤。金黃嘅西多士鬆軟尤甚，塗上雪白嘅忌廉及藍莓果醬成功添上柔滑及香甜，十分可口。「京都凱悅酒店」設於「cafe 33」嘅早餐高質豐富，新鮮味佳，自助餐飲區域衛生企理，五星級酒店服務專業周到，絕對有信心嘅保證。…查看更多
