鳥せい 京都タワーサンド店

營業中

休息中

姨姨講名每日只可以拆一餐勁，所以中午食完一頓豐富嘅「京起」法國菜後，晚飯就訂咗去試串燒店「鳥せい 京都タワーサンド店」（Torisei Kyoto Tower Sando Store），貪食物續串叫，方便各自點選心頭好。串燒屋位於購物中心「京都タワーサンド」（Kyoto Tower Sando）地牢嘅美食廣場內，招牌唔算好突出，大排檔格局嘅門面同四周嘅餐廳差唔多樣，唔係太易搵。五口子被安排入座入面私隱度較高嘅散座，地方衛生企理，餐桌上擺有自助餐具及調味，有咩都可以撳鐘仔，十分方便。埋位第一時間當然係叫酒飲啦！飲品餐牌其中一頁寫明京都酒品均蔵元直送。餐牌內附彩色插圖，唔識睇日文都唔洗驚。棒棒雞サラダ（600円）：沙律嘅生菜底相當爽脆，無奈頂面嘅棒棒雞層炸皮又硬又厚，感覺好似畫蛇添足咁，唔加配雞好過。とり皮ぎょうざ（580円）：雞皮餃子賣相金黃乾身，可惜咬落勁韌皮，唔得香脆，個餡仲有啲粉粉地，不吃也罷！手羽先（180円/串）：雞翼皮層還好算香脆，不過雞肉偏嚡同乾，鎖唔住肉汁，飲大咗兩杯嘅姨丈竟然話以為自己食緊雞胸肉，莫非依啲就係酒後吐真言？！かわ（170円）；砂ずり（170円）：相中最左手