影片
電話號碼
075-561-2257
開飯介紹
無論於日本國外抑或國內，「茶寮都路里」——這個名字都廣為人知。由於他們出品的抹茶品質穩定，不少旅遊書、雜誌及知名網誌作家都推介這店，所以位於祇園的本店門前常常人山人海，想擠進出去點份抹茶蛋糕、都路里刨冰、招牌特選都路里芭菲甚至各種季節限定抹茶商品可一點都不容易！如果行程上實在配合不了，大家也可以選擇去JR京都駅伊勢丹百貨6樓的分店碰碰運氣！
繼續閱讀
營業時間
今日營業
10:00 - 22:00
星期一至日
10:00 - 22:00
公眾假期
10:00 - 22:00
以上資料只供參考, 請與餐廳確認詳情
招牌菜
有大食大，選左最貴最頂級的特選都路里芭菲。好味呀！有抹茶忌廉、抹茶雪糕、牛奶雪糕，又有兩粒栗子，有幾粒白玉，幾粒抹茶團子，有抹茶寒天、原味寒天，有紅豆……混在一起吃，其味無窮。上次去另一間分店是否吃這個我都忘記了，總之今次在祇園本店食覺得好正。
繼續閱讀
清水寺一年四季都人山人海，走著擠著有時真的很想有個地方歇腳。這個食店正好位於最旺最多人選購手信的地方。看門面也知道會貴一點不過想多坐一會，坐的舒適就沒辦法了。由於並不是餓，只想歇歇，就點個甜品好了。🤔🤔🤔🤔🤔🤔🤔🤔🤔老實說味道還真一般。不過日本料理最值錢的地方，就是就算不好吃，賣相也值回票價抹茶蛋糕就是普通的雪芳蛋糕，口感本來就乾，配上抹茶味就更乾了旁邊有個煙煙韌韌的，名字真不知道🙈🙈🙈🙈味道🙈🙈🙈好奇怪🤦🏻♀️🤦🏻♀️不是我喜歡的東西喇。整個甜品最好吃的就是抹茶雪糕，不過如果只為吃雪糕，街上其實很多選擇，而且更便宜。不過為了歇歇腳，就沒關係了。總括而言：食物味道不算很好吃環境卻很清悠是一個歇腳不錯的地方
繼續閱讀
黎到京都，賴生當然會帶住抹茶雪糕怪屈小姐不停食，係旅程既第一日晚，當然要帶佢黎到京都既鬧市 - 河原町同祇園行下，順便造訪一下係祇園既茶寮都路里本店啦相信祇園辻利大家一D都唔陌生，係一間馳名既日本抹茶老店，而座落係佢上層既，就係採用祇園辻利抹茶出品既甜品舖，亦即係今次既主角：茶寮都路里佔地2層，目測每層可以Serve超過50人，位於祇園四條地下鐵站大約5分鐘既步行距離，即使賴生同屈小姐尚未行到，已經係遠距離見到人龍到達祇園辻利門口之後，係側面有條樓梯行上去就係嫁啦，想食好西當然要先付出d腳骨力啦而你經過樓下既時候，已經有2個Display櫃Show左部份供應既甜品出黎 有好多種類，好吸引人呢上到去2樓同個店員姐姐講左人數之後，佢就會安排你入座，睇黎今晚人數都幾爆，賴生同屈小姐要上3樓先有得食呢入到去，你會發現佢用傳統既和式設計，主要以木爲主，都幾重京都傳統氣息嫁 雖然話分2層，但樓底都幾高，空間感夠大，不過枱與枱之間距離太近，只能同時過到1.5個人，聽晒隔離講咩（不過又可以比我地近距離睇到人地食乜）當然，一坐低之後，賴生同屈小姐即時進入會議模式，一人打開一份會議既資料相討一下要挑戰既對手，經過審慎既商議之後呢⋯⋯我地最後揀左：屈小姐之選：1）栗子抹茶芭菲Deluxe (期間限定）：4.5⭐️貪心既我地當然想一次過試晒當造既栗子同店內馳名既抹茶，所以我地揀左呢隻芭菲！而店員亦會係上菜既時候，拎住張中英日三語既溫馨提示比大家，提醒大家唔好掛住影相，要快D食，因為好快會溶爲左食真D佢既味道，我地梗係選擇做乖寶寶，一影完相即食啦呢杯芭菲好多料，有抹茶cream、抹茶蛋糕，抹茶茶凍、抹茶丸子、抹茶沙冰、栗子、丸子、脆米，牛奶雪糕同抹茶醬抹茶Cream : 滑，但抹茶味平平凡凡，不算上乘之作抹茶蛋糕：甜度遮蓋了抹茶既氣息，要等到甜度過後，才有淡淡回甘抹茶沙冰：最驚喜係呢個，估唔到最濃最濃抹茶味係入面個沙冰，一食入口成口抹茶味，可以話達到5級抹茶味既理想水平，回甘力同時強勁，係整杯芭菲既靈魂所在！抹茶丸子：同好多抹茶丸子一樣，得隻色，不過煙韌度交足功課抹茶茶凍：有著蒟蒻般既彈牙度，抹茶味就一般，口感分較重栗子：可謂杯中另一主角，超甜，而且好粉，果然係當造既日本栗子抹茶醬：抹茶味既另一來源，但多D會更好白丸子：煙韌有致，交足功課牛奶雪糕：好重牛奶香同牛奶既甜味，夠幼滑，不過超易溶脆米：賦予芭菲脆脆既口感，不過有點黏牙p.s. 近底既部份加左黑糖漿，食到最尾過甜，令屈小姐都要無奈放棄(最底果幾啖)整體而言，我地比抹茶沙冰既濃度所感動，而屈小姐亦都決意展開佢既抹茶雪糕大比拼計劃，係度透露比大家知，我地揀左5位有名既選手參賽，呢間既排名係第3位賴先生之選：2）抹茶蕨餅：4.5⭐️至於聰明伶俐，體貼又美麗(?!)既屈小姐知道個芭菲差咁少少野⋯就係賴生最愛既蕨餅，所以佢一早target左要叫一份比賴生食！呢個抹茶蕨餅呢，好大粒，鋪滿晒黃豆粉，隻黃豆粉係有一陣勁濃烈既烘培味道，豆味逼晒出黎，既帶烘培香又有濃濃豆味，好正！不過就係太濃，遮晒抹茶味呢！至於抹茶蕨餅夠晒煙韌大粒，好出色，假如個抹茶味出D/無被遮擋，應該可以達到5⭐️分數有住祇園辻利抹茶之名既茶寮都路里，表現合乎預期，只係驚喜度不足，但佢位於京都既鬧市區，位置方便就腳，假如冇Plan到去宇治既朋友，的確值得一試唔講咁多啦，食完甜品，賴生同屈小姐要趕下場啦：係超好彩比我地插到位既隱世蛋絲鰻魚飯#食完甜品先食正餐#抹茶控#燃起左屈小姐既求真慾#名為調查，實則爲食#溫柔體貼女朋友系列#果然都係外帶雪糕岩口味#芭菲都係影相用
繼續閱讀
行完花見小路，又有一點想食東西的念頭啦~~ 剛好見到一條小小的人龍，行近點看，原來是都路里茶寮!噢，是小妹最愛的抹茶甜點呀!! 也不理會一家之煮不愛排隊的事實，快快加入人龍啦~~排了半小時，終於可以入座啦~~我們被安排在二樓的一張二人枱，枱與枱之間的距離很小，很輕易就可以聽到隔離枱的對話... 捌開這點不說，其實環境很不錯的，木椅子木桌子，氣氛很和諧舒適~ 最貼心的是，椅子下有個漂亮的騰籃，讓大家可以把袋子放進去，加分!!在等待的時候，我們已稍稍翻閱過餐牌，所以一坐下已可以點餐啦~~只有二人的關係，只點了兩份甜點，其實它的鹹點也很吸引啦，要不是胃納有限，真想多點些!!特選都路里パフェ (1260yen) 真的合小妹這種多心人的意思呀!! 這杯芭菲什麼都有，色彩繽紛又漂亮，光看著也開心呀!! 最頂層是軟滑而不膩的抹茶忌廉，忌廉下是濃郁綿滑的抹茶雪糕，旁邊伴著鬆軟的抹茶蛋糕、煙韌有咬口的白玉、軟綿綿的抹茶果凍，還有綿蜜的紅豆蓉，單單是芭 菲的上層已非常精彩，下層還有綿滑的panna cotta、抹茶醬以及牛奶果凍，美味極啦!! 這個芭菲真的令小妹很滿足，有著滿滿的幸福感呀!其實二人分食一份芭菲真的是剛好，但一場來到，不食多一點好像很對不起自己，二人只點一份甜點又很不好意思，所以多點一份小甜點就好了~~ 白玉蕨餅 (412yen)，小小的一碟也不馬虎呀~~ 白玉丸子綠白相間，入口煙韌軟熟，蘸點抹茶醬同食，抹茶的甘香濃郁味道倍增!! 不喜歡抹茶醬，也可抹點綿蜜的紅豆蓉，日本的紅豆蓉真的很好吃!!!! 綿密順滑，一點也不膩口!! 蕨餅沾滿了黃豆粉，入口軟綿綿的，也是非常好吃呀!!雖然排了半小時，但小妹認為，真的是值得一排呀!! 甜點真的非常出色!
繼續閱讀
游完圓山公園，出了八坂神社，正門口對著的那邊街就是祇園，其實祗園是八阪神社的門前街道發展起來的，是日本規格最高的繁華街，講到京都就會聯想到祗園，可以說是代表性的地區。在道路的兩旁是縱橫方向能通風的用細細的方材建成的格子窗，大街的格調與舞妓的風采十分相稱，街上排列著銷售發簪、香和日式服裝裝飾物品等京都特有的商店，而在日式建築中也有許多可品嘗中式菜和意式菜等的餐館，這也是祗園的另一個魅力。既繼承了傳統，又不斷接受新事物的祗園受到人們的喜愛。 來到京都 ，當然是要試試京都的甜品圣堂、宇治老店：茶寮都路里 由于人太多，來這里盡量要避開人多的時間，一般來說，每餐飯后，人流是最多的，我們在晚餐前去，也在街上站了半個多鐘才能進去。 這里的人氣產品就是芭菲杯～～～ 點了節日限定的櫻花特選都路里パフェ ，1296円 櫻花冰淇淋，抹茶冰淇淋, 抹茶果凍, 抹茶蛋糕, 抹茶sorbet， 還有白玉丸子、櫻花丸子 好豐富的料上面的抹茶奶油已經夠吸引了 Yummy~~~~ 第一次食櫻花做的食品，那個味道，怎么說呢？淡淡的花香，有很小粒很小粒黑色的東西，很有口感，估 計是櫻花籽吧。很特別很特別的味道，愛死了！后來在京都的其它地方也嘗過櫻花的食物，就沒這邊的好，所以嘛，隊排的很值！那個灑上粉的就是京都的名物：蕨餅，在很多手信店都可以試食，這里做的味較為傳統最前面那個是抺茶慕士 京都的抹茶真的很香很濃～～～ 另一個是都路里XXX天（不會打日文呢） 冰冰甜甜的河粉， 紅豆,白玉丸子，抹茶丸子，芒果丸子，抹茶雪糕， 沾上那個抹茶汁，滿口都是抹茶香～～～ 本來就是抹茶控，來到京都，吃了個夠，大大的滿足～～～ 那杯坐下就會奉上的煎茶，我是一杯喝完又加一杯～～～ 結帳2458円，是貴了點，但值得！！！
繼續閱讀