雖則好多人都覺得香港嘅「濕凍」比外國仲堅，但講到尾日本始終單位數溫度日子多啲🥶呢啲日子除咗著厚啲，仲可以安排去食返個暖入心嘅火鍋 (涮涮鍋)！今次介紹5間店入面有好多都係勁獨特嘅口味，冬天去京都錯過唔食真心可惜！
柚子屋旅館 一心居
唔好以為呢間餐廳位於充滿柚香嘅傳統和式旅館入面，想食佢哋招牌🍊柚子鯛火鍋就一定要住一晚一泊二食先有機會啊！佢哋晏晝以供應柚子雑炊 (柚子粥) 套餐 (4,620円) 同柚子鯛火鍋套餐 (6,820円)為主，夜晚就只提供柚子鍋懷石料理 (14,520円起)。以食懷石為例，將鯛魚SHABU SHABU完之後店員就會將吸哂魚鮮味嘅湯底拎去加蛋煮粥，就算加埋之前食嘅前菜、烤魚都唔會膩！最後都想提提嘅係呢度就喺正名勝八坂神社⛩️行兩步嘅距離內，要排入行程都好簡單！
わらじや 
平時食鰻魚飯食得多，但鰻鍋就真係幾乎唔去日本就食唔到❌！呢間仲要係有接近400年歷史嘅超級老店，從創業至今都一直只賣鰻鍋套餐(6,831円)，係近年受到疫情影響先開始喺午市提供鰻魚雑炊同鰻魚飯套餐(各3,795円)。一場嚟到當然建議直接食最貴嗰Set！因為只有呢款可以食到一絕嘅鰻鍋！昆布湯煮略微烤過嘅鰻魚同大蔥真係諗唔到咁襯，而且鰻魚魚肉仲好滑溜，唔係之後成兜湯會再拎去煮粥🍲，真係好多人都話想清佢底！行程上面可以跟清水寺同對面嘅三十三間堂配搭，京都車站亦有巴士🚏去到門口，要搵到呢間本身就係一個景點嘅老店唔難！
介紹咗兩間都係食魚嘅，係時候嚟返啲肉啦~不過唔係牛同豬而係🦆鴨肉Shabu Shabu！京料理鴨肉鍋套餐晏晝(2,530円)同夜晚(4,959円起)都有供應，無論係邊一種最後都可以選跟拉麵🍜或雜炊，呢點算係比較少見。從河原町駅行過嚟只要3分鐘路程左右，位置可以話啱哂唔識睇地圖嘅路痴，櫻花季🌸坐到窗邊位仲可以一路欣賞美景一路嘆熱騰騰嘅火鍋，要影靚相Post IG、FB羨慕死人就係咁簡單！
瓢斗喺四条烏丸以外仲有間喺京都車站附近嘅分店，大家可以視乎行程自己決定去邊間，但因為大部份遊客都會住得比較近四条，而且營業時間都去到比較夜，所以如果預約到呢間可以話非常方便！講返佢哋食咩先，瓢斗主打高湯涮涮鍋 (個樣就係大家熟悉嘅紙火鍋！)，而同其他店唔同嘅係佢哋建議客人用熱水涮肉後再點用昆布與鰹魚片熬煮後再特別調製嘅醬汁，搭配佢哋精選嘅京都豬肉同、鹿兒島特產美湯豚🐷同近江牛🐮，會比其他烹調方法更食到高級肉天然的甜品~如果都係想食稍為濃味少少，都可以選壽喜燒喔~
最後要介紹呢間係米芝蓮一星⭐「富小路やま岸」嘅姊妹店，主打鍋懷石料理，聽個名都知勁！餐廳係由有140年歷史嘅古民家改建，剩係行入去段石路都已經好有Feel！而為咗帶畀客人最高級嘅體驗，佢哋幾乎每個月都會轉一次10道菜菜單(22,000円)，以往就曾推出過黒毛和牛X花山椒、和牛X松茸、甘鯛X秋野菜鍋等~嚟到冬季唔知會唔會出蟹鍋呢？最後分享多個有趣小資訊，日本網民話千祈唔好同呢度嘅女將鬥飲酒🍻，佢真係千杯不醉咁話🤣！