四月代表住萬物嘅再生同埋萬花盛開嘅時期。正因為咁，京都呢個充滿歷史同埋大自然嘅地方就更加人山人海了！京都本身已經有好多景點，但如果你想親眼感受四月嘅京都最美嘅一面，不妨行一行哲學之道。呢條大道喺每年春天都會變成一條長長嘅櫻花隧道。由南禪寺行到銀閣寺大概需要30－45分鐘，但係沿途有好多值得你停落嚟試一試嘅餐廳！
八千代唔單只係歷史悠久嘅舊式餐廳 - 佢充滿懷舊氣氛嘅淺黃色外牆被一個水池同埋花園圍住，非常值得停落嚟抖一抖。你可以坐喺餐廳入面，亦可以坐出面嘅露台位，但如果比我哋揀，就梗係等佢夜晚點燈射上櫻花樹嘅時候坐出去啦！撞啱時候，你仲有可能可以睇到佢哋嘅歌舞技表演添！
大部份遊客來到八千代嘅時候都會選擇呢兩樣菜式：湯葉腐皮 Shabu Shabu 餐(¥3,700) 同埋懷石便當天月(¥3,400~¥4,900)。八千代嘅湯葉腐皮師傅只用最靚嘅大豆同埋水製造腐皮，無任何加工製品，可想而知佢地既腐皮有幾咁新鮮啦！
另一方面，八千代嘅天月便當正正係日式懷石料理嘅表表者。如果你想點呢道菜嘅話，記住一定一定要提早預約，因為佢哋係限量每日30份架咋！
View this post on Instagram
八千代全年無休。午餐時段係由早上11點到下午4點，而晚餐時段就係由黃昏5點到夜晚9點。
京都出名豆腐，正正就係蓮月茶屋嘅拿手小菜。除咗京都獨有嘅湯豆腐之外，蓮月茶屋嘅獨家腐皮同埋生麩亦都非常有名。蓮月茶屋嘅位置方便到無人有－由東山站行去只需要五分鐘就到啦！你冇藉口唔去喇掛？
一場來到蓮月茶屋，一定要試佢哋嘅十種類豆腐套餐 (午餐為 ¥3,000; 晚餐為 ¥3,50)。你會有機會品嘗到蒸生麩，蟹味噌豆腐，田樂，豆腐烤菜，同埋唔少得嘅腐皮。一聽菜單就知，呢一餐豐富嘅晚餐會係非常健康嘅一餐啦！
View this post on Instagram
蓮月茶屋嘅午餐時段係由早上11點到下午2點半，而晚餐時段就係由黃昏5點到夜晚9點。休息日為星期二同星期三。
如果你想係靜靜嘅大自然入面享受樸素嘅甜品嘅話，你一定會鍾意 Mikaeri 茶屋。Mikaeri 茶屋位置於永觀堂嘅內側－習慣忙碌都市生活嘅你又點可以錯過呢一個世外桃源？
來到Mikaeri 茶屋，一定要試佢哋嘅 Zenzai 紅豆沙糯米糍(¥600)，甜醬團子(¥600)，同埋透心涼嘅啫喱狀糯米糍(¥600)。如果你唔想食太多甜嘢嘅話，不妨試試佢哋嘅濃郁抹茶(¥600)同埋甜甜嘅甘酒(¥600)。
View this post on Instagram
Mikaeri 茶屋嘅開放時間為早上9點到下午4點半。喺特別燈光節日嘅時候會延遲開放到夜晚9點。因為Mikaeri 茶屋嘅格局喺大自然入面，每逢雨天都會變成休息日。