雖然而家天氣凍，但邊個話唔可以去食雪糕去食刨冰？尤其係日本咁多地方都有暖氣，加上由佢哋芭菲師所設計嘅芭菲杯又已經成為一門非常獨特嘅手藝，各地各店都鬥高鬥靚鬥好食，甜品控唔去搵返間有興趣嘅會一會佢就真係可惜！
一開張冇耐就因為勁浮誇嘅時令水果系餐點而引起SNS瘋狂討論，但之後好快就遇上疫情，所以相信去過嘅香港人唔多。店舖位置附近冇地鐵站，最近嘅站係京阪 清水五条。但只要大家識去京都國立博物館、京都四季酒店甚至係地標清水寺就都係步行距離內，以清水寺為例，行過去需要15分鐘左右，正好適合行完景點坐低食份芭菲回氣兼打卡！佢哋嘅款式幾乎係每月轉一次款，一月期間限定係以新年鏡餅為主題、用而家食最甜嘅蜜柑同草莓製作。
呢度仲有只用時令水果整嘅玫瑰厚吐司同超厚玉子燒三文治
在 Instagram 查看這則帖子
餐廳位置相當超越，位於直接連接梅田車站商場LUCUA 1100 10樓，無論係住附近酒店抑或純粹過嚟呢邊行街都可以想嚟就嚟。不過咁，其實睇名都知呢間餐廳本身係以食美國菜如漢堡、牛扒為主，但由於好多人都係食到最後上甜品嗰刻先被佢哋嘅芭菲驚艷到，所以餐廳都因應返客人喜好，除咗定番嘅朱古力同草莓芭菲，仲會推出好美式、會大大份水果擺上去嘅期間限定款如最近期嘅焦糖蘋果芭菲。
提到京都抹茶芭菲，大家第一時間會諗起祇園辻利定中村藤吉？其實位於東福寺10分鐘步行距離、有80多年歷史嘅宇治茶專門店大谷園茶舖都好值得推介！呢度嘅芭菲冇華麗嘅外表，但好多人都讚抹茶苦同雪糕甜味平衡得好，成杯入面冇一樣嘢係唔好食都唔夾，最重要嘅係仲要抵食(650-980円)！如果真係唔好彩預約唔到堂食，都好推介買支抹茶軟雪糕(350円)試試！
在 Instagram 查看這則帖子
本店喺心齋橋開業咗40年，於2022年再開一間由地鐵站行過嚟只需要5分鐘、專攻芭菲嘅甜品店。原本話係期間限定店只開一段短時間，但可能係因為客人好評甚至連電視節目都評選為關西芭菲Best 15名啦，目前呢度都會繼續營業。呢度常駐口味有草莓、朱古力、開心果同Tiramisu等，期間限定口味當然都會有啦，最近期係白朱古力，而且無論係咩款佢哋都好貼心地有食用提示講解點樣「拆解」㗎！
在 Instagram 查看這則帖子
介紹呢間店之前，首先大家要認識「〆Parfait」即係咩，因為呢度係關西第一間專門食呢種芭菲嘅店家！〆Parfait係一種飲食文化，其他日本地區平時飲完酒或者宵夜想搵嘢食，可能大部分都會選擇熱辣辣嘅拉麵，但北海道札幌人反其道而行，佢哋竟然寧願食又甜又凍嘅芭菲！而Florentins對應返呢個主題，同時賣特色雞尾酒同超有設計感嘅芭菲，等大家唔使咁麻煩行嚟行去，一站式飲酒、打卡、食甜品！
由於新型冠狀病毒疫情持續，營業時間和休息日可能與OpenRice網站所記錄的有所不同，出行前請先與到訪地點確認。