安排咗大阪或福岡嘅朋友，不妨預留一日畀廣島！由大阪搭新幹線只需約1.5小時，福岡（博多）出發更只需約1小時，快閃一日來回輕鬆又唔趕～想用1日輕鬆遊覽廣島精華景點＋三餐都食到美食？無論你係第一次嚟，定係再訪尋寶，呢篇攻略都幫你安排行程，影相、打卡、歎美食一次滿足✨
MORETHAN Hiroshima
🕖09:00｜早餐 @THE KNOT 廣島《MORETHAN》
Source: THE KNOT Hiroshima Website
高質感起步！Focaccia早餐拼盤＋任飲果汁咖啡，¥2,980超值體驗
📍地址：THE KNOT Hiroshima 1F（平和大通站步行約3分鐘）
🚇交通建議：廣島站搭電車至「袋町站」，步行約5分鐘
由早上7點開始營業嘅MORETHAN係THE KNOT酒店1樓人氣All-Day Dining，裝潢時尚又寬敞。早餐採用薪火窯即烤Focaccia，外脆內鬆香味十足，再配上沙律、蛋料理（可選炒蛋／太陽蛋／煎蛋）、湯、煙肉或腸仔，兼有水果、乳酪自助任食🍳🥗
飲品方面有香濃滴漏咖啡、鮮榨橙汁、蘋果汁任飲，唔少客人都大讚果汁夠新鮮，CP值非常高～坐喺落地玻璃窗旁歎早餐＋睇街景，真係寫意滿分！
Source: THE KNOT Hiroshima Facebook
🏛️10:30｜廣島和平紀念公園・原爆圓頂館
感受歷史・思考和平的重要意義🌏
📍地址：廣島市中區中島町1
🚶♀️交通方式：由早餐餐廳步行約5分鐘
呢個世界文化遺產絕對係每位訪日旅客嘅必訪地標！原爆圓頂館保留咗當年原子彈爆炸後嘅殘骸建築，公園範圍非常大，包括和平之鐘、原爆兒童像等，建議預留1.5小時行程。
月あかり 
🍽️12:00｜午餐 @廣島名物穴子丼（星鰻飯）
Source: Instagram (＠tsukiakari_backyard)
原爆ドーム旁隱世古民家穴子料理
📍地址：廣島縣廣島市中區大手町1-8-9
🚇交通建議：由原爆圓頂館步行5分鐘
位於廣島原爆圓頂館附近，有間主打炙燒穴子料理嘅隱世小店，吸引唔少本地食客和遊客慕名而來。餐廳係一間充滿古民家風格嘅獨立屋，夜晚仲會亮燈添～氣氛滿分！
招牌「炙り煮穴子めし」一打開蓋就香氣撲鼻，炙燒後嘅穴子保留晒魚嘅鮮味，加上秘製醬汁滲透到魚肉入面，口感濕潤嫩滑～最後仲可以加湯變成茶漬飯，暖胃又滿足！
🏯13:00｜廣島城
Source: Hiroshimacastle Official site
城堡與歷史建築控最愛！融合武家文化與現代城市風景🏯
📍地址：廣島市中區基町21-1
🚇交通建議：從午餐地點步行約 20 分鐘
廣島城又稱「鯉城」，是16世紀毛利輝元所建。館內展示有武士盔甲、刀劍、舊地圖等，展覽資料豐富！從天守閣頂層望出去，可以眺望整個廣島市區景色～ 附近仲有蓮花池、公園步道，春天櫻花盛開時更係人氣打卡位！
cha-no-wa 平和大通り
🌊15:30｜抹茶控必去🍵抹茶下午茶打卡熱點！
Source: Instagram (@chanowa_offical)
【平和大通人氣Cafe】高質抹茶芭菲＋舒適休憩空間🍰
📍 地址：廣島市中區河原町2-1（Azure Hiroshima Base 1F）
🚶 交通建議：從廣島城步行約 15 分鐘即可到達
位於廣島平和大通的【cha-no-wa】由日本茶專門店主理，使用茶匠森田治秀先生嚴選的京都宇治抹茶，製作出多款講究甜品。
人氣招牌「cha-no-wa抹茶芭菲」層次豐富又高顏值，深受女生喜愛，仲有期間限定芭菲等選擇。想試正宗抹茶甜品，呢間一定唔好錯過！
🦪17:30｜晚餐 @《牡蠣ひよっこ商店》
Source:Kaki Hiyokko Shoten Official website
生蠔放題＋地酒任飲！CP值爆燈🦪🍶
📍地址：廣島縣廣島市中區葯研堀5-12
🚇交通建議：搭乘市電至「胡町站」約13分鐘
如果你係生蠔控，呢間你真係要Bookmark💥 3,800円~就可以任食新鮮廣島產生蠔！由於店家有中央市場競投權，生蠔新鮮到震，全年供應～除咗生蠔，仲有蒸蠔、燒蠔、炸蠔等料理任點，啤酒、日本酒配到停唔到口！
飲品方面更誇張：超過20款地酒、清酒、果酒、燒酎、Highball等，任你配搭～廣島地酒「蓬萊鶴」、「海風土」特別受歡迎，味道清爽超襯蠔～🤤
🎁19:30｜廣島站周邊買手信＆Shopping！
Source: Miyage guide Official website
📍地址：JR廣島站
🚇可從「本通站」搭市電或巴士返酒店／廣島站
唔想空手而回？返程前可以預留30分鐘至1小時喺【ekie（エキエ）廣島站商場】慢慢行吓～
呢個大型車站直結購物商場分成幾個區域，聚集咗廣島代表手信、例如紅葉饅頭或其他地道小吃、甜品伴手禮、化妝品等，旅行尾聲掃貨最啱！
📍ekie商場位於JR廣島站南口直連，行完即上新幹線／巴士站非常方便！
🧳20:00-21:00｜1日旅程完結！
自選你最想去的景點＋餐廳，打造屬於你嘅廣島一日遊！
🚃即睇廣島可訂座餐廳＞＞＞HERE
餐廳一般會於7個工作天內確認您的訂座，確認訂座後，系統就會自動於30個工作天內退回訂金。
※注意：擅自取消會對其他顧客和本店造成不便。如您無法如期出席，請務必要在事前取消預約！