較早前公佈嘅2019東京米芝蓮名單，獲得最高三星評價嘅餐廳新增一間至13間，二星減少4間有52間，一星有165間，車胎人美食推介則有254間。
以下介紹返其中4間成功「升呢」嘅餐廳，從法國菜到平民拉麵都有，實有一間啱食。
法國菜 | |
壽司 | |
法國菜 | |
拉麵 |
L’Osier [★★ → ★★★]
銀座店已經有45年歷史。餐廳重新裝修後，今年重回米芝蓮三星寶座。(餐廳裝修前於2008年至2010年曾獲得三星評級)
提供精緻的美食、用餐環境及服務。精於傳統法國料理嘅廚師們曾於巴黎、倫敦、東京嘅著名餐廳鑽研手藝，供應10,000円起嘅午市套餐及22,000円起嘅晚市套餐。
(圖: 官網)
青空 (はるたか) [★ → ★★]
位於銀座嘅人氣壽司店。店主會親自挑選優質食材如吞拿魚、貝類等，根據食材各自嘅特點設計各式壽司，一直以來都吸引唔少忠實食客捧場。前年第一次入榜就獲一星評價，今次上升一級到二星評價。壽司米使用甜度較高而且低粘度嘅舊米，再以鹽及醋調味，與調味較濃嘅壽司主料好夾。套餐30,000円起。
View this post on Instagram
View this post on Instagram
View this post on Instagram
Nabeno-Ism [★ → ★★]
同上一間「青空 (はるたか)」一樣，2017年第一次上榜米芝蓮就獲得一星評價，今年上升至二星餐廳。主廚曾於東京知名米芝蓮三星餐廳Joël Robuchon擔任行政主廚多年，後來於淺草開設呢間法國餐廳，料理結合傳統嘅法國菜及淺草駒形一帶嘅地域性，以「旅」為主題提供富有故事性嘅套餐。午市套餐10,000円 (輕套餐7,500円)，晚市套餐20,000円 (輕套餐15,000円)。
(圖: 官網 / 官方facebook)
SOBA HOUSE 金色不如帰 [車胎人美食推介 → ★]
長年入選車胎人美食推介嘅人氣拉麵店。2018年5月遷至新宿後，將所有麵條改為自家製麵條。呢度以蛤蜊拉麵為招牌拉麵，其中以蛤蜊同鯛魚熬成湯頭嘅鹽味拉麵「真鯛と蛤の塩そば(900円)」及「煮豚塩そば(1,200円)」都係必點推介。
(圖: keijir)